WestWorld S03 E04 – පැහැදිලි කිරිම

West World S03 සිව්වන කොටසේ පැහැදිලි කිරිම එහෙනම් පටන් ගමු.

1.The Mother of Exiles

සාමානයෙන් ඔබවෙත උපසිරස සමග ගෙන එන ලිපිවල අදාල කතංගයේ සිංහල Title එක අදල කොටසේ  Original Titleට අර්ථයෙන් සමාන වෙන්න සහ එම කොටස විකාශය වෙන්න කලිං සතියෙම නිර්මාන කරනවා.සමහර අවස්ථාවලදි ඒ Title එක පසුව වෙනස් කරනවා. මේ කතාංගයෙත් Title එකත් හැදුනේ අන්න එහෙමයි. මුලින්ම මේ සදහා දුන්න Title එක උනේ හුදකලාවේ තිඹිරිගෙය. එහෙම කලේ පුර්ව ප්‍ර‍චාරක පටවලදි විලියම් හුදකලා වී සිටින දර්ෂණ පෙන්වු නිසයි. නමුත් කතාංගයේදි අපිට වැඩිපුරම මතු කලේ ඩොලොරස් තමන්ගේ සටන වෙනුවෙන් මවක් මෙන් කරන කැපවිමයි. ඉතිං මේ The Mother of Exiles කියන Title එකට විවිධ අර්ථකථන තියෙනවා. The Mother of Exiles හි සරල තේරුම තමයි විදේශිකයන්ගේ (ස්වදේශික නොවන) මව කියන අර්ථය. ඉතිං ප්‍ර‍ංශය විසින් ඇමරිකාවට පරිත්‍යාග ලිබර්ටි ප්‍ර‍තිමාවටත් The Mother of Exiles කියලා කියනවා.

  1.  විලියම් ගතකරන හුදකලා ජිවිතය.
  2. ඩොලොරස් විසින් රොබෝවරුන්ගේ විමුක්තිය උදෙසා මවක් මෙන් කරන අරගලය.
  3. මෙව් තමන්ගේ දියණිය උදෙසා කරන කැපවිම.

2. විලියම්ගේ ශෝඛාන්තය

තම බිරිද, දියණිය, ලෝගන් මිය යෑමට සෘජු හෝ වක්‍රාකාරව විලියම් සම්බන්ධ වෙලා තිබුනා. අපි මේ කොටසෙදි විලියම්ගේ දකින්නේ ඒ අහිමි විම් දරාගත නොහැකිව විලියම් තමන්ගේ යථාර්තය පිලිබද ප්‍ර‍ශ්නෙක ඉන්න බවයි. ඔහුගේ පටලවා ගැනිමක් නිසයි ඔහුගේම දියණියව ඔහු ඝාතනය කරන්නේ. ඒ වගේමයි මේ කොටසේදි අපි දැනගන්නවා චාලට් මාස 3කට කලිං ආයතනයේ තාවකාලික ප්‍ර‍ධානියා වෙලා තියෙන්නේ විලියම් හමුවෙලා යම් සැලසුමක් ඔහුට ඉදිරිපත් කරලයි. හැබැයි එකත් යම් කූට සැලසුමක් වෙන්න ඔනේ. මොකද විලියම් දන්නවා ඇය මේ තනතුර ලබාගන්නේ යම් යටි අරමුණකින් කියලා. එත් අවසානයට උනේ නම් ඔහු කොහෙත්ම බලාපොරොත්තු නොවන දෙයක්.

ඩෙලොස් වැනි දැවැන්ත සමාගම් යම් විශාල වෙනසක් ආයතන තුල සිදුකරනවා නම් ඊට ඡන්ද බලය සහිත කොටස් හිමියන්ගේ අදහස් විමසන්න ඔනේ. සමාන්‍ය කෙනෛකුටත් ආයතනයක කොටස් මිලදිගන්න පුළුවන් උනාට මේ ඡන්ද බලය සහිත කොටස් ලබාගන්න පුළුවන් විශේෂිත අයට විතරයි. ඒ ක්‍ර‍මවේදය අයතනයෙන් ආයතනයට වෙනස්. චාලට්ගේ සැලසුම වෙන්නේ විලියම් ලග තියෙන මෙන්න මේ ඡන්ද බලය සහිත කොටස් ටික පවරගෙන තමනගේ තනි පාලනයට ආයතන ගැනිම. අපිට  ඒ අනුව අනුමාන කරන්න පුළුවන් ආයතනයේ මුළු ඡන්ද බලය සහිත කොටස් වලින් වැඩි ප්‍ර‍තිශතයක් විලියම්ට අයිති බව.

අවසනයේ ඇය විලියම්ව රවටා ඔහුව පෞද්ගලික මානසික රෝහලකට යවනවා. මෙතනදි අපිට යම් විශේෂිත දෙයක් දකින්න ලැබෙනවා.

චාලට් ඉතාම සියුම්ව යම්ක් විලියම්ට ඇතුල් කරනවා වගෙයි පෙනනේනේ. සමහරවිට අවසාන දර්ෂණ වලදි විලියම් සිටින කුටියට ඩොලෝරස් පැමිනෙනවා පෙන්නේ මේ ශරිරගත කරපු දේ නිසා වෙන්න පුළුවන්. එහෙමත් නැතිනම් ඉදිරියේ ඇති යම් දෙයක් වෙනුවෙන් කරපු සැලසුමක් වෙන්න පුළුවන්.

පහත දර්ෂනය අපිට දුන්න ඉගියක් නේද චාලට් කියන්නෙත් ඩොලොරස් බවට.

තව අමතර කාරණයක් තියෙනවා පසුගිය කොටසෙදිත් අපි මේ චරිත අදින ඇදුම් වල වර්ණ ගැන කතා කලානේ ඉතිං මේ කොටසෙදිත් ඒ වෙනස අපිට දකින්න පුළුවන්. කළු අදින විලියම් සුදු පැහැති ඇදුමෙන් ඔහුගේ නිවසේදිත් මානසික රෝහලේදිත් ඉන්නවා.ඒ ඔහුගේ චරිතයේ වෙනස් විම විදිහට දකින්න පුළුවන්.

3. ඩොලොරස්ගේ සැලසුම

අපි දන්නවා ඩොලොරස් ජෙරාඩ් සතු ධනයත් හොරකම් කලා. මේ කතාංගයේදි ලියම් ඇ.ඩො බිලියන 430 පමණ මුදලක් හොරකම් කරනවා. බොහෝවිට ඇයගේ සැලසුම වෙනවා ඇත්තේ ඩෙලොස් සමාගම පෞද්ගලික සමාගමක් වු පසු අධ්‍යක්ෂක මන්ඩලයේ ඉතිරි සාමාජිකයන්වත් ඉවත් කරලා තනි අයිතියකට සමාගම ගන්න වෙන්න පුළුවන්. මොකද රොබෝ ආක්‍ර‍මණය ගැන දැනගෙන අධ්‍යක්ෂක මන්ඩලය ඒකමතිකව විරුද්ද උනොත් ඔවුන්ගේ සැලසුම් ව්‍යාර්ථ වෙන නිසා.

අපි මේ කතාංගය අවසානයේදි දැනගන්නවා චාලට්, කොනෙල් සහ මුසාෂි තුල සිටින්නෙත් ඩොලොරස්ගේම පිටපත් බව. මෙන්න මේ හෙලිදරව්වත් එක්ක යම් ගැටලුවක් මතුවෙනවා. දෙවන සීසන් එකේ අවසන් කොටසේදි චාලට් උද්‍යානයෙන් මුතු ඇට (පාලක පද්දිදති) 5 ගෙනියනවා.

ඉන්පසුව මේ සීසන් එකේ 3 දෙවන කොටසේදි චාලට්ව නැවත නිර්මානය කල පසු ඇයට ඩොලොරස් සතු ඉතිරි පාලක පද්දති පෙන්වනවා.

ඩොලොරස් සතුව සම්පුරන පාලක පද්දති 6ක් තියෙනවා. මොකද උද්‍යානයෙන් එලියට ආවෙත් චාලට්ගේ රූපය තියෙන ඩොලොරස් නිසා එතන තවත් එක පාලක පද්දතියක් තියෙනවා. මින් එකක් සුවිශේෂි රතු වර්නයක් තියෙනවා.

දැන් අපි දන්නවා මේ 4න් 3ම අයිතිකරුවන් වෙන්නේ බර්නාඩ්, කොනෙලස් සහ මුසාෂී. එතකොට ඉතිරි පාලක පද්දතිය කාටද අයිති. ඒකත් තව ලොකු අනාවරනයක් වෙයිද ?

4. අහෝ ! බර්නාඩ්

ඉන්පසුව බර්නාඩ් සහ ස්ටැබ්ස් විසින් ලියම් ඩෙම්සිව පැහැර ගැනිමටයි සුදානම් වෙන්නේ.

බර්නාඩ් ඊට අදාල සැලසුම සකස් කෙරුවත් ඔවුන්ට වැරදිමක් වෙනවා. ඔවුන් සිතන්නේ දැනටමත් ලියම්ව රොබෝවරයෙක් කරලයි (ඇත්තම කිව්වොත් මාරු කරලා) කියලා නමුත් එහෙම වෙලා නෑ. බර්නාඩ් රොබෝවරුන්ව දුරස්ථ රෝග පරික්ෂාකිරිමේ මාදිලියට (Self diagnostic mode) මාරු කල හැකි උපකරනයක් හදනවා. නමුත් අනුමාන කරන්න පුළුවන් වෙන්නේ ඩොලොරස් වගේ කෙනෙකුට නම් එකෙන් බලපෑමක් කරන්න බැ කියලා. අනෙක ස්ටැබ්ස් මීට වඩා ලොකු සටනක් දෙයි කියලයි හිතුවේ.

හැබැයි මේ කොටසේදි ගැටලු 2ක් අපිට පෙන්නුම් කරනවා රියෝහෝබෝම්වල. ඔයා දන්නවනේ ඩොලොරස් දැනටමත්  රියෝහෝබෝම් වල පාලනය අරගෙන ඉන්නේ. ඒ අනුව වෙන්න ඔනේ ස්ටැබ්ස්ගේ පැමිනිම පිලිබද ඔවුන් ඩොලොරස් කරන්ඩායම එතරම් පුදුම නොවුනේ. නමුත් ඔවුන් මතුවන අවස්ථාව ඔවුන්ට වැරදුනා. ඒක විශාල ගැටලුවක්. මොකද  රියෝහෝබෝම් කියන්නේ අනාගතය නිර්මාණය කරන යන්ත්‍ර‍යක් ඒ නිසා එ යන්ත්‍ර‍ පෙන්වන අනාගතය නිවැරදි වෙන්න ඔනේ. අනාගතය අදයි කිව්වට රියෝහෝබෝම් එකෙත් අනාගතය ඇදයි වගේ.

5.සෙරැක්ගේ ජිවිත කතාව

සෙරැක් හැදිවැඩුනේ ප්‍ර‍ංශයේ බවත් ප්‍ර‍ංශය න්‍යෂ්ඨික යුද්ධයකින් විනාශ වු බවත් මේ කොටසෙදි අපිට දැනගන්න ලැබෙනවා එහි දර්ෂණ අපිට 5 වැනි කොටසේ පුර්ව ප්‍ර‍චාරක පටයේ බලාගන්න පුළුවන්. 4 වැනි කරුනේ කිව්වා වගේ රියෝහෝබෝම් හි දෙවන සහ විශාලතම වැරදිම තමයි සෙරැක් විසින් මේව්ට පවසන්නේ. ඒ සිංගපුරුවේ පවතින ආර්නොල්ඩ්ගේ නිවසට මේව කැදවාගෙන ගොස් ඔහු කියනවා ඔහු විසින් නිර්මානය කල ලෝකය මීට මාස 3කට පෙර අවසන් උනේ මේ නිවස තුලදි කියලා. එතකොට ගැටලුවක් එනවා ඇයි ඩොලොරස්ගේ සැලසුම  රියෝහෝබෝම් එකෙන් කල්තියා අනාවරනය නොකලේ කියලා. සමහර විචාරකයන්ට අනුව නම් මේ වැරදිම් දෙකම රියෝහෝබෝම් එකෙන් සිදුකරන්නේ යම් සැලසුමකට අනුවයි. ඔවුන් කියන විදිහට රියෝහෝබෝම් නිර්මානය කල ලියම් ඩෙම්සිගේ තාත්තාගේ සැලසුමකට අනුව හෝ යන්ත්‍ර‍ විසින් තනිව සිතමින් ඩොලොරස්ට පවා නොදැනෙන්නට ඇයවත් භාවිතා කරන බවයි. නමුත් ඒක අනුමානයක් පමනයි.

ඒ වගේමයි තවත් අනුමානයක් තියෙනවා සෙරැක් සහ ෆෝඩ් යනු සහෝදරයන් බව. පලමු සීසන් එකේදි ෆෝඩ් බර්නාඩ්ට තම පවුලේ අය ලෙස සැකසු රොබෝවරු හදුන්වා දෙනවා.

කොහොම වෙතත් මේක අනුමානයක් විතරයි මේ අනුමානය වරදින්න තියෙන හේතු කිහිපයකුත් තියෙනවා.

හරි ආයේ කතාවට ආවොත් ඊට පස්සේ මේවට තම අරමුණ සෙරැක් කියනවා. ඉන් පස්සේ මෙව් සමග ආර්නෝල්ඩ්ගේ නිවසේ උඩුමහලට යනවා එහි සිටිනවා ඩොලොරස්ට පුද්ගල තොරතුරු විකිනු අතරමැදියෙක්. ඔහු සෙරැක්ට තොරතුරු දිම ප්‍ර‍තිෂේප කරාම සෙරැක් ඔහුට පෙන්වනවා ඔහු උදව් නොකලොත් ඔහුගේ පවුලට වෙනදේ ගැන. ඔහුට පෙන්වන දර්ෂණ ගැනත් යම් මතබේදයක් තියනවා පිරිසක් විස්වාස කරනනේ සෙරැක් ඔහුට පෙන්නුවේ ඔහු උදව් නොකලොත් ඩොලොරස් ජයගතහොත් ඔහුගේ පවුලේ අය ඇතුලු සමස්ථ මානවයාට වෙන විනාශයයි. අනෙක් මතය තමයි ඔහු උදව් නොකලොත් සෙරැක් තමන්ගේ අනාගතය වෙනස් කිරිමේ හැකියාව යොදාගෙන වක්‍රාකාරව ඔහුගේ පවුල විනාශ කරන ආකාරයයි.
ඉන්පසුව ඔහුගෙන් ලැබුනු තොරතුරු යොදාගෙන Mortician සොයාගන්නවා. Mortician තමයි ඩොලොරස් අවසානයට භාවිතා කල ලාරා ඇස්පින් කියන නම හිමි සිරුරහි රැධිරය ලබාදිලා තියෙන්නේ. ඉන්පසු Mortician කියනවා ඩොලොරස්ව යකූසා ලගට යැවු බව. යකූසා කියන්නේ ජපන් මාෆියා කල්ලියේ ප්‍ර‍ධානියාට භාවිතා කරන නම. එතනදි මේව් දැනගන්නවා යකුසා ලෙස පෙනි සිටින්නේ මුටාෂි බව. යකුසා තිප්පොල තියෙන ස්ථානයේ නාමපුරුවක් තියෙනවා.

එහි සදහන් වෙන්නේ Itai doshin Distillery කියලයි. Itai doshin කියන්නේ ජපන් බුදු දහමට අනුව one mind many lives (එක් මනසක් ශරිර ගනනාවක්) බොහෝ විචාරකයන් මෙය ගත්තේ මෙන්න මේ වචනාර්ථය විතරයි. නමුත් අපි දන්න ථේරවාදි බුදු දහමට අනුව ගත්තොත් මේ කියන්නේ බොහෝවිට පුනර්භවය වෙන්න ඔනේ. අන්න එතනදි අපිට යම් කරුණක් මතුවෙනවා. නිර්මානකරුවන් මේ ඉගියෙන් කිව්වේ පුනර්භවයනම් අපි දන්නවා භවයෙන් භවය යම් යම් ලක්ෂන කලිං භවයෙන් ගෙන ගියත් සෑම අවස්ථාවකදිම අලුත් කෙනෙක් තමයි උපදින්නේ. එහෙම නම් චාලට්, කොනෙල්ස් සහ මුටාෂි කියන්නේ ඩොලොරස්ගේ 100% සර්වසම පිටපත් වෙන්න බෑ ඒ කියන්නේ ඔවුන් ඩොලොරස්ට විරුද්ධ වෙන්නත් පුළුවන්.

ආයෙත් කතාවට ආවොත් මේ ස්ථානය ඉස්කාගාරයක් හැබැයි අපි දැක්කා මේ ගොඩනැගිල්ලේ ගබඩා කරලා තිබ්බේ මොනවද කියලා.

බොහෝවිට මේ රොබෝවරුන්ගේ ශරිර නිර්මානය කරන ද්‍රාවණ වෙන්න ඔනේ. එතකොට ඩෙලොස් සමාගම තියෙද්දි ඇයි මේ තවත් නිශ්පාදනාගාරයක් ඇති කරන්නේ. සමහරවිට මේ ඇයගේ Plan B වෙන්න ඇති. යම් විදිහකින් ඩෙලොස් හි බලය ගිලිහුනොත් නැවත බාධා රහිතව රොබෝවරුන් නිපදවන්න මින් හැකි වෙනවා.

හරි එහෙනම් 5 වැනි කොටසේ පැහැදිලි කිරිමෙන් අපි හමුවෙමු. ඔයාගේ අදහසත් පහලින් එකතු කරන් යන්න.

කළිඳු වසුක (19 Posts)


3 thoughts on “WestWorld S03 E04 – පැහැදිලි කිරිම

  • April 21, 2020 at 1:47 PM
    Permalink

    මරැ දිගටම ලිපිය ලියන්න

  • April 21, 2020 at 1:21 PM
    Permalink

    commic akak baluwa wage patta

Leave a Reply

Your email address will not be published. Required fields are marked *

error: Content is protected !!