ටීවී කතා මාලාවගතුගවිචාරසියල්ල

WestWorld S03 E03 – පැහැදිලි කිරිම

ලිපි මාලවට ඔයාලගේ තියෙන ඉල්ලුම නිසාමයි ඉක්මනින් 3 වැනි කතාංගයේ පැහැදිලි කිරිමත් ගෙන ආවේ.මේ ලිපි මාලාව සකස්කරන්නේ අන්තර්ජාලයේ අදාල කතාංගය වෙනුවෙන් පලවන විවිධ විචාරයන් සහ පැහැදිලි කිරිම් පදනම් කරගෙනයි. කරුණු වැඩිවෙන තරමට වඩා පැහැදිලි කරුණු සහිත ලිපියක් ඔබවෙත ගෙන එන්න එමගින් හැකිවෙන නිසයි.

හරි සුපුරුදු පරිදි අදත් මාතෘකාවෙන් වැඩේ පටන් ගමු.

1.The Absence of Field

මේකේ තේරුම ගත්තොත් හරියට කලඹිලි සහිත ජල පෘෂ්ඨයක් වගේ අර්ථයක් තමයි එන්නේ.නමුත් මේ Title එක යොදන්න ලොකු හේතුවක් වෙන්න ඇත්තේ ව්‍යජ චාලට්ගේ කැලඹිම නිසා වෙන්න ඔනේ.ඇය භෞතිකව පැවතුනත් ඒ ඇතුලේ ඇය නෑ ඉන්නේ වෙනත් කෙනෙක්.ඒක මං අනුමාන කල මතය විතරයි කොහොම වෙතත් මේ කතාංගයේ මව සහ පුතු අතර ගට්ටනයන් දෙකක් දකින්න පුළුවන් ඒ චාලට් සහ නේතන් අතරත් කේලබ් සහ ඔහුගේ මව අතරත් සිදුවෙන සිදුවිම් සලකන්න පුළුවන්.

2.සෙරැක්ගේ සැලසුම

චාලට් හට දැනගන්න ලැබෙනවා නිශ්චිත ආදායම් මාර්ගයක් සදහන් නොවන ඒ කියන්නේ බොහෝවිට නාමිකව පවතින සමාගම් රාශියක් කාලයක් තිස්සේ ඩෙලොස් සමාගමේ කොටස් අරගෙන තියෙන බව.ඒ වගේම මේව් අතුරුදහන් විමත් දැනගන්න ලැබෙනවා.අර කලිං සදහන් කල කුඩා සමාගම් සතු කොටස් ප්‍ර‍මාණය 38% ක් ඒ වගේමයි තනි සමාගම් සමුහයක් සතු විශාලතම කොටස් ගනන තමයි ඔවුන් අත්පත්කරගෙන තියෙන්නේ. එ වගේමයි සෙරැක් කියන්නේ ලෝකයේ ලොකුම ධනවතා කියලත් මේ විමර්ෂණයේදි ඇය දැනගන්නවා. නමුත් කිසිදු අවස්ථාවක ඒක හෙලිදරව් වෙන්නේ නෑ.

තත්ත්වය මෙහෙම වෙද්දි චාලට් සැක කරනවා ආයතනය ඇතුලේ ඔත්තුකරුවෙක් විසින් මේ සියල්ල සිදු කරනව බව.

නමුත් කතාංගය අවසානයේ සෙරැක් සහ චාලට් අතර සිදුවු හමුවේදි අපි දැනගන්නවා ඒ ඔත්තුකරු චාලට්මයි කියලා.

යම් විදිහකින් සෙරැක් ඩෙලොස් සමාගම අත්පත් කරගත්තොත් උද්‍යාන සියල්ලම වසා දමලා රොබෝවරුන් සෑදිමත් නවතා දමනවා.එහෙම උනොත් ඩොලොරස්ගේ සැලසුම් සියල්ල නිෂ්ඵල වෙනවා. එ නිසයි ඇය චාලට්ට කියන්නේ ඩෙලොස් සමාගම දැන්ම අතහරින්නට බෑ කියලා.

මෙතනදි තවත් එක් කරුණක් මතක් කරන්න ඔනේ සෙරැක් අවුරුදු 20කට කලිං ඩෙලොස් සමාගම එක්ක ගනුදෙනු කරලා තියෙනවා.ඒ වගේමයි මේ රොබෝ ආක්‍ර‍මණය ගැන ඔහු බොහෝ කාලයක ඉදං දැනගෙන ඉදලා තියෙනවා. ඒ නිසයි ඔහු චාලට් හමුවුවිට කියන්නේ මං ඔබට මෙහෙම දෙයක් වෙවි කියලා කොතරම් කිව්වද.

සෙරැක් ගැන අපි තවම වැඩි විස්තරයක් දන්නේ නැ සමහරවිට සෙරැක් කියන්නේ සැබැ මනුස්සයෙක් නොවෙන්නත් පුළුවන්. ඔබට මතක ඇති රියොහෝබෝම් පිලිබද සදහන් කල පසුගිය ලිපියේදි අපි කිව්වා රියොහෝබෝම් පද්දතියට පෙර සොලමන් නමින් තවත් පද්දතියක් තිබුනු බවට. මේ ඒ පද්දතිය වෙන්නත් පුළුවන්. මොකද ඔහු චාලට්ව මුන ගැසුනෙත් AR වගේ තාක්ෂණක් භාවිතා කරලා. ඒ නිසා ඔහු සැබැවටම එතන හිටියේ නෑ

3.ඇත්ටම චාලට් කව්ද ?

කතාව ආරම්භවෙනේ චාලට්ට තමා කව්ද කියන ගැටලුව ඇතිවෙලා තමන්ගේ පාලන ගිලිහෙන නිසාත් සෙරැක් කාලයක් තිස්සේ ඩෙලොස් සමාගමේ කොටස් අත්පත් කරගනිමින් සිටින බව දැනගත් නිසාත් ඇය  ඩොලොරස්ව මුණගැහෙන්න යන දර්ෂණයකින්. කොහොම වෙතතත් මේ ලිපිය ලියන මොහොත වෙනකො වෙස්ට් වර්ල්ඩ් රසිකයන්ට තියෙන ලොකුම ගැටලුව තමයි චාලට් ලෙස ඉන්න රොබෝවරයා කව්ද කියන එක.ඒක පිලිබද මත කිහිපයක් තියෙනවා.

 ටෙඩි – මෙහෙම අනුමාන කරන්න හේතුව තමයි මේ කොටසේදි දකින්න ලැබෙන චාලට්ගේ පසුගාමීත්වය.හැබැයි ටෙඩි මේ වෙනකොට ඉන්නේ Forge එකේ නිසා මේ මතය වෙන්න තියෙන ඉඩ අඩුයි

පිටර් ඇබනති (ඩොලොරස්ගේ තාත්තා) – ඩොලොරස් කියනවා ඇයට චාලට්ව ගොඩක් විශ්වාසයි කියලා.පිටර් සහ ටෙඩි තමයි ඩොලොරස්ට විශ්වාසවන්ත. 

ඇන්ජෙලා – ඇයත් ඩොලොරස් සමග එකතුවෙලා සටන මෙහෙයවුවා මතක ඇතිනේ.නමුත් ඇය ඔය තරම්ම ඩොලොරස්ට සමීප වෙලා හිටියද කියන ගැටලුව එනවා.

ඩොලොරස් – මේ මතය තමයි වැඩිපුරම කට්ටිය විශ්වාස කරන්නේ.දැන් ඔබට ගැටලුවක් ඇති ඒ දැන් කොහොමත් ඩොලොරස් තමන්ගේ සැබැ රූපෙන් ඉදිද්දි ඇයි තව පිටපතක් හදන්නේ කියලා. එක වෙන්නේ මෙහෙමයි අපි දන්න දරුණු ඩොලොරස් කියන්නේ ඇත්තටම වයට් කියන චරිතයටයි.මතක ඇතිනේ පලවෙනි සීසන් එකේදි වයට්ව හොයාගැනිම තමයි ප්‍ර‍ධාන උනේ ඊට පස්සේ දැනගන්න ලැබුනේ වයට් කියන්නේ ආර්නොල්ඩ් විසින් රොබෝවරුන්ට හදපු චරිතයක්/පෞර්ෂයක් විතරයි. ඔහු මිය යද්දි ඒක ඩොලොරස්ට ඇතුල් කරනවා. එතකොට පලමු සීසන් ආරම්භයෙදි හිටපු සුරූපි අහිංසක ගැමි ඩොලොරස් කියන්නේ ඇයගේ මුල් පෞර්ෂයයි.

සරලවම කිව්වොත් දෙවන සීසන් එකේ අවසානය වෙනතුරු ඩොලොරස් තුල ඇයගේ අහිංසක චරිතයට අමතරව වයට් කියන දරුණු චරිත දෙකම පැවතුනා. ඇය උද්‍යානයෙන් පිටතට ආවට පස්සේ මේ චරිත දෙක වෙන් කරලා වයට් ඩොලොරස්ගේ සිරුරටත් අහිංසක ඩොලොරස් චාලට්ගේ සිරුරටත් ඇතුල් කල බවයි මේ මතයෙන් කියන්නේ.

මෙහෙම අනුමානයක් එන්න තවත් හේතුවක් තියෙනවා. 3 වැනි සීසන් එකේ මෙතෙක් අපි ඩොලොරස්ව දැකපු දර්ෂණ වලින් වැඩි කොටසකම ඇය හැද සිටින්නේ කළු පැහැති ඇදුම් ඒ වගේමයි මේ කොටසේදි ඩොලොරස් කළු සහ චාලට් සුදු පැහැති ඇදුම් තමයි හැදගෙන ඉන්නේ.

අපි දන්නවා පලවෙනි සීසන් එකේදි කළු හිස්වැස්ම සහ සුදු හිස්වැස්ම ලෙස තෝරාගැනිමකුත් තිබ්බා. අනෙක් දේ තමයි හොද සහ නරක හි සමබරතාව පෙන්වන ජපන් Yin Yang සලකුණ මෙන් දිස්වෙනවා කියලත් මතයක් තියෙනවා.

පසුගිය කොටසේදි කියන්න අමතක උනු කාරනයක් තිබ්බා ඒ තමයි ඩොලොරස් සතුව ලියම් ගේ ජිව දත්ත තොරතුරුත් තියෙන බව.මොකද ඔහුත් අවස්ථා කිහිපයකදි උද්‍යානයට ඔහුගේ ආරක්ෂකයා වුනු Martin Connells සමග ඇවිත් තියෙනවා.ඒ නිසා ඩොරස් ඔහුව නොමරා තියෙන්නේ ඔහුගෙන් ගන්න යම් තොරතුරු තියෙන නිසා වෙන්න පුළුවන්.

4.කේලබ්ගේ ඉරණම

චාලට්ගෙන් පසුව මේ කොටස වැඩිපුරම වෙන්වුනේ කේලබ් වෙනුවෙන්.කලිං පැහැදිලි කිරිමකදි අපි කිව්වා වගේම දැක්කනේ ඩොලොරස් කේලබ්ව හමුමිම සැලසුම් කරපු එකක් වෙන්න ඔනේ.මොකද ගිලන් රථයෙන් ඇයව ගෙනි යද්දි වෙඩි වැදිලා අසාධ්‍ය ඉදලා දාමරිකයන්ගේ ප්‍ර‍හාරයෙන් පස්සේ ඇය කිසිදු අපහසුවකින් තොරව ඇය එතනින් යනවා. ඒ කියන්නේ ඇය කලිං කලේ රගපෑමක් වෙන්න පුළුවන්.ඒ වගේම ඇය කේලබ්ව පරික්ෂා කරන්න එය යොදාත්තේ. තව අමතර කතාවකුත් මේක ඇතුලේ තියෙනවා ඇයව ගිලන් රථයේදි පරික්ෂා කරපු හෙද නිලධාරින් ප්‍ර‍තිකාර ගැන කිසි දෙයක් දන්නේ නෑ මොකද හැම දෙයක්ම පරිඝනකයක් තමයි ඔවුන්ට උපදෙස් දෙන්නේ. ඉතිං ඩොලොරස්ගේ රැධිරය කියන්නේ කිසිදු සෛලයක් නැති රතු ද්‍රාවනයක් විතරයි. ඉතිං පරිඝනකය අසමත් වෙනවා අඩුම තරමේ ප්‍රාථමික ප්‍ර‍තමාධාරයක්වත් සදහන් කරන්න. කේලබ් ඔහු කලිං යුද සෙබලෙක් නිසා ඔහු මුලික ප්‍ර‍තමාධාර දෙනවා.

ඉන් පසුව අපි දකිනවා තම මව බැලන්න රෝහලට ගිය කේලබ්ව  සහචරයන් දෙදෙනක් පැහැරගන්නවා මින් එක්නෙකේ පලමු කතාංගයේදි සමාජශාලාව තුලදි කේලබ්ව හමුවුනා.ඔවුන් කේලබ්ගේ තල්ලට සවිකරපු උපාංගයකට යමක් එන්නත් කරලා එ හරහා ඔහුගේ හෝමෝන සහ සංවේදනයන් පාලන කරනවා. අපි මේ වගේම දෙයක් පුර්ව ප්‍ර‍චාරක පටවලදිත් දැක්කා මහලු විලියම්ට සිදුකරනවා.

මේක එකතරා විදිහක වද දීමේ ක්‍ර‍මයක් වෙන්නත් පුළුවන්.පේන විදිහට විලියම් ඉන්නේ මානසික රෝහලක නිසා. ඓ් වගේමයි කේලබ්ගේ මිත්‍ර‍යා වුනු ෆැන්සිස් සිරගත වු දර්ෂණ වගයකුත් ඒ පුර්ව ප්‍ර‍චාරක පටවල තිබුන. කේලබ් සතුව මේ උපංගය තිබිම නිසා ඔහුත් යම් වරදකට සිරගත වි සිටියාද කියන සැකයත් එනවා.

ඉන්පසුව ඩොලොරස් ඇවිත් කේලබ්ව බේරගන්නවා මෙහිදි ඇය ඔහුට රියොහෝබෝම් සතුව තියෙන ඔහුගේ ජිව දත්ත සටහන පෙන්වනවා ඔහුගේ කුඩා කාලයේ මවගේ මානසික රෝගි තත්ත්වය නිසා ඔහුව හැර දමා ගිය අවස්ථාවේ සිදුවු සංවාද පවා මේ පද්දතියේ අඩංගු වෙනවා. අපිට අනුමාන කරන්න පුළුවන් කේලබ් කුඩා කාලයේදි මේ කිසිදු පද්දතියක් නොතිබුනු බවට.කේලබ්ගේ මව පිලිබදවත් යම් යම් අනුමානයන් තියෙනවා එක් මතයක් වෙන්නේ අපි කේලබ්ගේ මව ලෙස දකින කාන්තාව සැබැවටම කේලබ්ගේ මව නොවන බවයි.මොකද ඇය ඔහුය දිගින් දිගටම ප්‍ර‍තිෂේප කරනවා.මතුපිටින් පෙන්නේ ඇයගේ රෝගි බව නිසා කියලායි නමුත් ඔහුගේ මව කුඩා කාලයේ ඔහුව දමා ගියාට පස්සේ නැවත කිසි දිනක පැමින නැහැ.ඒ නිසා පද්දතිය විසින් ඩිස්ලේෂියා සහිත වෙනත් කාන්තාවක් ඔහුගේ මව ලෙස කේලබ්ට හදුන්වා දුන්නා වෙන්නත් පුළුවන්. මොකද මිනිසුන්ගේ ජිවිත වෙනස් කරන්න එයට පුළුවන්.

මේකට හොදම උදාහරනය තමයි ඩොලොරස් කේලබ්ට ඔහුගේ ජිව දත්ත සටහන පෙන්වද්දි එතෙන එක තොරතුරක් තියෙනවා ඔහුට විවහා විමට අවසර නැති බවත් කලිං පෙම් සබදතා 2ක් තිබුනු බවටත් එක් සබදතාවක් පද්දතිය විසින් සැලසුම් සහගතවම බිද දැමු බවටත්.

අද මාතෘකා අඩු උනාට කරුණු ගොඩක් තියෙනවා ඉතිං තවත් මේ පිලිබද අනුමානයන් බොහෝමක් තිබුනත් ඒවා සදහන් කරලා කතාවට අනවශ්‍ය සංකිරන බවක් එක් කරන්න අවශ්‍ය නෑ කියලා හිතනවා. ඉදිරි කොටස් වලදි ඒ අනුමානයන් සැබැ වන බවට ඉගි පලවුනොත් ඔබවෙතට ගෙන එන පොරොන්දුව පිට අද ඔබෙන් සමුගන්නවා. එහෙනම් ඊලග කොටසේ පැහැදිලි කිරිමෙන් නැවත හමුවෙමු.

Author

2 thoughts on “WestWorld S03 E03 – පැහැදිලි කිරිම

Leave a Reply

Your email address will not be published. Required fields are marked *