සුපිරි චිත්‍රපටිවල ඉදිරි දිගහැරුම… (VII)

සුපිරි වීරයන්ට කැමති අපි හැමෝටම අලුත් ආරංචියක් අරගෙන ආවා…

Joe Johnston තමයි පළමු චිත්‍රපටිය අධ්‍යක්ෂණය කළේ. ඒ වුණාට දෙවන චිත්‍රපටිය  අධ්‍යක්ෂණය Anthony සහ Joe Russo කියන දෙන්නගෙන්. සුපුරුදු විදිහට නිෂ්පාදන බර කරට අරන් තියෙන්නේ  Marvel Studios‘හි වර්තමාන අයිතිකාරයා වන Kevin Feige. සුපුරුදු විදිහටම සුපිරි විරයාගේ චරිතයට පණ පොවන්නේ Chris Evans. ඒ Steve Rogers හෙවත් Captain America චරිතයට. ඒවගේම  Scarlett Johansson  – Natasha Romanoff ලෙසින් Black Widow චරිතයටත් Sebastian Stan  – James “Bucky” Barnes ලෙසින් Winter Soldier චරිතයටත් එක්කාසු වෙනවා. තවත් අලුත් සුපිරි මුහුණක් මින් එළියට දාන්නත් Marvel‘ලා මෙවර තීරණය කරලා. ඒ Anthony Mackie‘ගේ රංගන දායකත්වය ලබන, Sam Wilson හෙවත් Falcon කියන චරිතයෙන්.

මේ වෙනකොට චිත්‍රපටිය රුගත කිරීම් ඇරඹිලයි තියෙන්නේ. Washington, D.C වල මුලික රුගත කිරීම් සිදුවෙනවා මේ වනවිට. දැනට අනුමාන කළ හැක්කේ, ‘Brock Rumlow / Crossbones’ කියන  චරිතය Captain America ගේ මෙවර හතුරා විදිහට අපට හමුවෙනු ඇති කියලායි. ඒගැන හරි විදිහක හෝඩුවාවක්නම් තවමවත් නෑ… කතාව ගැනත් හරි ආරංචියකුත් තවම නැති වුණත්, එහෙං මෙහෙන් ඇහෙන විදිහට ඇමෙරිකාවට මුහුණ දීමට සිදුවන භයානක ආක්‍රමණයක් ගැන තමයි කියවෙන්නේ.

Captain America: The Winter Soldier චිත්‍රපටියේ අලුත් විස්තරයක් හම්බුණොත්, ලද වහාම ඒ විස්තරත් අරගෙන ආයෙම ඔයාල හම්බවෙන්න එන්නම්! එහෙනම් සෑම සියලු දෙනාටම සුභ දවසක්!

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.