විසිහතර පැය නව දිනක උදාව…

“24” නැතිනම් “විසිහතර පැය” බටහිර රූපවාහිනී කථා මාලා රසිකයින්ට නුහුරු නමක් නෙමෙයිනෙ. Fox රුපවාහිනී ආයතනය විසින් 2002 වසරේදී ආරම්භ කරන ලද මෙම කතා මාලාව 2010 වසර දක්වා අදියර 8ක් බටහිර රූපවාහිනී මාලා අතර ඉහලින්ම තිබුණා. IMDB ratings 8.4 ලබා ගත් මෙම රුපවාහිනී මාලා නාටකය මෙන්ම එහි ප්‍රධාන චරිතය වන Jack Bauerගේ චරිතය නිරූපණය කල Kiefer Sutherlandද මේ හරහා ඉමහත් ප්‍රේක්ෂක ආකර්ෂණයක් දිනා ගැනීමට සමත් වුණා. නමුත් 2010 වසරේදී තිරගත වුණ කතා මාලාවේදී ජැක් මහා පෙරළියක් කරලා නීතියෙන් වසන් වෙලා පැනලා යන විදියට කතා මාලාවට Fox ආයතනය තිත තිබ්බා.

ඔය කවුරුත් දන්න තොරතුරුනේ. මේ කියන්න යන්නේ “විසිහතර පැයට” ආදරයකළ අයට සතුටුදායක ආරංචියක්. ඒ තමයි 2014 වසරේ මැයි මාසයේදී“24: Live Another Day” නමින් මෙම කතාමාලාවට තවත් අදියරක් එක් කිරීමට ෆොක්ස් ආයතනය පියවර ගැනීම. මෙතෙක් කතා බහක් පමණක්ව තිබූ මෙම අදහස දැන් ඔවුන් ස්ථිර කොට තිබෙනවා.

මෙහි ප්‍රධාන චරිතය සඳහා Kiefer Sutherland පුරුදු ලෙසින් එක් වන අතර නිෂ්පාදක පිරිවැය වෙනුවෙන් පෙර කතා මාලා සඳහා බරපැන ඉසිලූ Howard Gordon එකතු වෙනවා, ඔහු දැනට සාර්ථක ලෙස පුංචිතිරයේ දිගහැරෙමින් තිබෙන Homeland කතා මාලාවටද නිෂ්පාදනයෙන් දායක වී තිබෙනවා.

කෙසේ නමුත් පෙර කතා මාලාවන්හි දක්නට ලැබුණු සිදුවීම් සත්‍ය වේලාවෙන් දැක්වීම මෙවර කතා මාලාවේදී සිදු නොවන බවයි ආරංචිය, මෙවර 24 පැය අතිශයින් ප්‍රධානතම සිදුවීම් පමණක් පෙන්වමින් ඒවා අතර සම්බන්ධය ගොඩ නැගීමට අවශ්‍යනම් පමණක් වෙනත් සිදුවීම් ගළපමින් 12 පැයකට සීමා කොට තිබෙනවා. ඒ කියන්නේ කොටස් 12කට සීමා කොට තිබෙනවා. කාලයක් බලාගෙන ඉන්න වෙන නිසා දැනට හිතමු මොන වෙනස්කම සිද්ද උනත් Jack Bauer මේ පාරත් සැර ගේමක් දෙයි කියලා.

රවින්ද්‍ර නානායක්කාර

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.