මාර්වල් විශ්වයේ ඉදිරියෙදී නිකුත්වීමට නියමිත රූපවාහිනී කතාමාලා

මාර්වල් විශ්වයේ ඉදිරියෙදී නිකුත්වීමට නියමිත රූපවාහිනී කතාමාලා 

ගොඩක් කාලෙකට පස්සෙ ඔන්න ආයෙත් ආවා පොස්ට් එකක් අරන්. අද කියන්න යන්නෙ ඉස්සරහට එන්න තියෙන මාවල් කතා මාලා ගැන. මේ පොස්ට් එකෙ කතා කරන්නෙ ඉදිරියෙ නිකුත් විමට තියෙන Disney+ Streaming Service එක හරහා අපිට ලැබෙන TV Series ගැන. පෙර පවති MCU කතා මාලා වගෙ නෙමෙයි මේ කතා මාලා MCU චිත්‍රපට සමග ඩිරෙක්ට් සම්බන්ද වෙන බව දන්නවා ඇතිනේ. ඒ මේ කතා මාලා නිපදවන්නෙ Kevin Feige හා Marvel Studio එක මගින් විමයි. ඒ වගෙම මෙම Series MCU චිත්‍රපට වගෙම High Quality නිර්මාන බව පැවසෙනවා. මෙහි කතා මාලාවක එක එපිසොඩ් එකකට $25m+ වගෙ budget එකක් වෙන් කර ඇති බවයි පැවසෙන්නෙ. එ කියන්නෙ එක Season එකකට ෆිල්ම් එකකට වියදම් කරන මුදල වගෙ මුදලක් වියදම් වෙනවා. ඒ නිසා බය වෙන්න දෙයක් නැ අපිට හොද කොලිටි කතා මාලා ටිකක් බලා ගන්න පුලුවන් වෙයි.

 

1.      THE FALCON AND THE WINTER SOLDIER (2020)

MCU-Disney+ line up එකේ මුලින්ම එන්න තියෙන Series එක තමා Falcon & The Winter Soldier කියන්නේ. Avengers Endgame එකෙන් පස්සෙ අලුත් කැප්ටන් ඇමෙරිකා වන සෑම් විල්සන් (A.K.A. Falcon) හා බකී තමා මෙහි ප්‍රදාන චරිත වෙන්නේ. ඒ වගෙම Captain America Civil War එකේ හිටපු කැප්ගේ කැල්ල ශැරෝන් කාටර්(A.K.A. Agent 13) හා හෙල්ම්ට් සිමෝ(Helmut Zemo) යන අයවත් බලාගන්න පුලුවන් වෙයි. සිමෝ බොහෝ දුරට මේකේ ප්‍රදාන දුශ්ටයා වෙයි. ඒ වගෙම අලුත් චරිතයක් විදිහට Wyatt Russellව John Walker(US Agent) විදිහට දැක ගන්න ලැබේවි.

කතාව ගැන නම් වැඩි විස්තරයක් තාම නැ. එ උනාට Falcon අලුත් Captain America උනාට government එක වැඩියෙ කැමති නැති බවක් ලු තියෙන්නෙ. (මාත් නම් හිතුවෙ බකිට හම්බ වෙයි කියලා). තව සිමෝත් කොහෙන් හරි සෙට් වෙයි කතාවට.

පලමු වෙනි Season එක එපිසොඩ් 6කින් සමන්විත වෙන බව තමා පැවසෙන්නේ.  එකෙන් ඉවර වෙයිද, තව season එයිද, කවදද එන්නෙ කියලා නම් තාම විස්තරයක් නැ. 2020 අවසාන බාගෙ එයි කියලා තමා කියන්නෙ. ඒ වගෙම මෙක තමා ඉස්සෙල්ලාම එන Series එක මාර්වල්ලා Disney+ වෙනුවෙන් නිර්මානය කරන Series වලින්.

2.    WANDAVISION (2021)

The Falcon & The Winter Soldier එකෙන් පස්සේ එන්න තියෙන්නෙ WandaVision Series එක. මෙහිත් එක Season එකක් එපිසොඩ් 6-8 අතර ප්‍රමානයක් තියෙයි. මෙහිත් ප්‍රදාන චරිත සදහා නමේ පරිදිම වැන්ඩා මැක්සිමස් සහ විශන් එකතු වෙනවා. ඒ වගෙම Captain Marvel එකේ හිටපු මොනිකා රැම්බො තරුනකාලෙ වගේම Ant-Man & The Wasp එකේ හිටපු FBI නියොජිත ජිම් වූ සහ Thor ෆිල්ම් වලින් හමු වු ඩාර්සි ලෙවිස්වද අපිට මෙම කතා මාලාවෙන් දැකගන්න පුලුවන් කියලයි කියන්නේ.

කතාව ගැන කියනවනම් මුලින්ම බොම්බ නිසා තමන්ගෙ දෙමව්පියන් නැති වෙලා, ඊට පස්සෙ හයිඩ්‍රා එකෙන් පරික්ශන වලට ලක් වෙලා, පස්සේ තමන්ගෙ එකම සහොදරයා නැති වෙලා, ඒ මදිවට තමන් ආදරය කරපු කෙනාව තමන්ටම මරන්න වෙලා, ඒ මරපු කෙනාට තානොස් ආයේ පන දිලා ආයේ තමන්ගෙ ඉස්සරහම මරන්වා බලන්න සිද්ද වුනු වන්ඩා(A.K.A. Scarlett Which) ඒ වියොවෙන් තමන්ගෙ බලයන් පාවිච්චි කරලා විශන් එක්ක  තමන්ට සතුටුදායක පරිසරයක් නිර්මනය කරගන්න සීන් එකක් තමා තියෙන්නෙ. වෙනම reality එකක ජිවත් වෙන සීන් එකක්.

මෙම කතා මාලාවේ ප්‍රදානම විශෙශත්වය නම් පලමු වතාවට මාවල් කතා මාලාවක්, ෆිල්ම් එකක් සමග ඩිරෙක්ට් සම්බන්ද විමක් වෙන්වා මෙම කතා මාලාවෙන්. ඒ අනුව මෙම කතා මාලාව ඉදිරියෙදි නිකුත් වීමට නියමිත Doctor Strange in the Multiverse of Madness ෆිල්ම් එකත් එක්ක ඩිරෙක්ට් සම්බන්ද වෙයි.

3.    LOKI (2021)

Disney+ එකට එනවා කියලා අපිට මුලින්ම දැනගන්න ලැබුන කතා මාලාවක් තමා Loki කියන්නේ. Avengers Infinity War එකේ මුලදි මැරුනත් ලොකී චරිතය රගපාපු Tom Hiddlestonව අපිට මෙම series එකේදිත් දැකගන්න ලැබේ වී.ඒ හැබැයි අපි දන්න කියන ලොකි විදිහට නම් නෙමෙයි. ඒ Avengers Endgame එකෙදි ටෙසරැක් එක අරන් පැනලා ගිය ලොකී විදිහට.

කතාව ගැන නම් වැඩි විස්තරයක් නෑ. ලොකීව ලෝක ඉතිහාසයේ විවිද කාල වල දකින්නට ලැබෙයි කියලා තමා කියන්නෙ. ඒ වගේම අපිට කිඩ් ලොකීවත්(පොඩි ලොකි) දකින්න ලැබෙයි කියනවා. මෙයත් එපිසොඩ් 6-8 අතර ප්‍රමානයකින් සමන්විත වෙයි. ඒ වගේම 2021 මුල් කාලයෙදි වගේ දැකගන්න පුලුවන් වෙයි.

4.    WHAT IF? (2021)

Marvel’s What If? කියන්නේ අපිට Marvel Studio එකෙන් දැකගන්න ලැබෙන පලමු ඇනිමේශන් කතා මාලාව. ඒ වගේම මේක main MCU Timeline එකට සම්බන්ද වෙන්නේ නැ. ඒ වුනාට මෙහි කතා මෙතෙක් නිපදවූ මාවල් ෆිල්ම් ආශ්‍රයෙන් නිපදවන බව තමා පැවසෙන්නේ. ඒ කියන්නේ Captain America The First Avenger එකේ වගේ නොවී ස්ටිව් රොජර්ට නැතිව පෙගී කාටර්ට සුපර් සොල්ජර් සිරම් එක ලැබුනනම් මොකද වෙන්නේ?, ස්ටිව් අයන් මෑන් වුනානම් මොකද වෙන්නේ, පීටර් කුයිල් වෙනුවට ටී චල්ලා ව පැහැරගෙන ගියානම් මොකද වෙන්නේ, ඇවෙන්ජර්ස්ලා සොම්බිලා උනානම් මොකද වෙන්නෙ වගේ ෆිල්ම් වල උන දෙවල් වෙනස් උනොත් මොකද වෙන්නෙ කියලා මෙම කතා මාලාවෙන් දැකගන්න ලැබේවි.

විශෙශත්වය නම් අපිට චිත්‍රපට වලින් දැකගනිමට ලැබුන නලු නිලියන්ම මෙම කතා මාලාවෙත් හඩ දායකත්වය ලබා දිමට පැමිනිමයි. ඒ වගේම මෙම කතා මාලාව මෙතෙක් නිකුත් වු චිත්‍රපට 23ම එක චිතරපටයකට එක එපිසොඩ් එක ගානේ එපිසොඩ් 23ක් නිකුත් කරන බව පැවසෙනවා. ඒ වගේම එක චිත්‍රපටයකට එක එපියක් වෙන් කරන් නෑ එපිසොඩ් ගාන ඊට වඩා අඩුයි කියලත් කියනවා. හරියටම දැනගන්න නම් තව ටිකක් කල් ඉවසන්න වෙන්වා. මෙම කතා මාලාව 2021 මැද බාගෙ නිකුත් වෙයි කියලා තමා කියන්නේ.

 

5.    HAWKEYE (2021)

හෝක්අයි ෆිල්ම් එකක් බලාගෙන හිටපු අයනම් මේ Series එක එනකම් බලාගෙන ඇත්තේ. දැනට වැඩි විස්තරයක් නැති උනත් Jeremy Rennerව අපිට රොනින් විදිහට දැකගන්න පුලුව්න් වෙයි. කතාව ගැන කියනවන්ම් කොමික් වල වගේ මෙම කතා මාලාවෙදි Hawkeye නාමය කේට් බිශොප්ට ලැබෙයි. ඒ වගෙම ක්ලින්ට් විසින් කේට්ව පුහුනු කරන බව තමා පැවසෙන්නේ. ඒ වගේම Avengers Endgame කාලයේ රොනින්ගෙ වැඩ ටිකකුත් අපිට මෙම series එක හරහා දැක ගැනිමට පුලුවන් වෙයි. මේකත් 2021 අග බාගයෙදි තමා නිකුත් විමට නියමිත.

6.    MS. MARVEL (TBA)

පසුව පැවති D23 සමුලුවේදි announce කරපු කතා මාලා 3න් එකක් තමා මිස් මාවල් කියන්නෙ. කැප්ටන් මාවල් ආවට පස්සෙ මිස් මාවලුත් ඉක්මනටම එයි කියලා කතා ගියානේ. ඔන්න එයා එයාගෙම කතා මාලාවකින් එන්නයි යන්නේ. කොමික් වල පරිදි පාකිස්තනු-ඇමෙරිකානු ශිශ්‍යාවක් වන කමලා කාන් වටා මෙම කතාව ගෙතෙනු ඇත. ඒ වගේම කොමික් වල වගේමකමලා Inhuman කෙනෙක් වන බව තමා පැවසෙන්නෙ. ඒ වුනාට අපිට ඉන්හියුමන්ලාව මෙම series එකෙන් දැකගන්න ලැබෙයිද සුවර් නම් නැ. නිකුත් වෙන දිනයක් නම් නැ තාම.

7.    MOON KNIGHT (TBA)

ගොඩක් අය බලන් හිටපු ඒත් Disney+ Series එකක් විදිහට දකියි කියලා හිතපු නැති කෙනෙක් තමා මූන් නයිට් කියන්නේ. මොකද ගොඩක් අය හිතුවෙ ඒක Daredevil, Punisher වගේ R rated Series එකක් වෙලා Hulu, FX වගේ එකකින් නිකුත් කරයි කියලා. කොහොම හරි අපිට මූන් නයිට් කතා මාලාවකුත් Disney+ එකෙන් ලැබෙනවා. මර්ස් ස්පෙක්ටර් ඊජිප්තු වල මිශන් එකක් අතර තුරදි මිය යනවා. එත් මෙයාව Khonshu Khonshu, God of Vengence & Moon විසින් පන දිලා තමන්ගෙ පස්සෙ මෙයා මූන් නයිට් විදිහට අපරාද වලට විරුද්දව සටන් කරනවා. මෙයත් ඩෙයාඩෙවිල් වගේ street level Hero කෙනෙක්.

8.    SHE-HULK (TBA)

Marvelලා announce කරපු අවසාන කතා මාලාව තමා She-Hulk කියන්නේ. මෙයා ගැනත් ගොඩක් අය දන්නවා ඇති. She-Hulk එහෙමත් නැත්තම් ජෙනිපර් වොල්ටර්ස් කියන්නෙ හල්ක් එහෙමත් නැත්තම් බෘස් බැනර්ගෙ cousin කෙනෙක්. මෙයාට එක දවසක් අනතුරක් වෙලා බෘස්ගෙන් ලේ පාරවිලෙනය කරනවා. ඒකෙන් මෙයාටත් හල්ක්ගේ වගේ පෙනුමක් සහ ශක්තියක් ලැබෙනවා. එත් මෙයාට හල්ක්ට වගේ මල පැනලා ඔක්කම කඩාගෙන කඩගෙන යන්නෙ නැ. මෙයාට පාලනයක් තියෙන්වා. ඒ වුනාට මෙයා කොල පාටයි. ඒ වගේම මෙයා lawyer කෙනෙක්. ඒ සම්බන්දව මේ කතා මාලාවත් ගෙතෙයි. හරියට Daredevil වගේ. හල්ක්ට සම්බන්ද නිසා අපිට බෘස් බැනර්වත් මේ කතා මාලාවෙන් දැකගන්න ලැබේවි.

මේ අවසාන කතා මාලා 3ම තාම නිකුත් වෙන වසරක්වත් කියලා නැ. ඒ වුනාට මෙවාත් Marvel Phase 4 එකට අයත් වන බවයි පැවසෙන්නෙ. ඒ නිසා 2021 අවසාන හරියෙ හො 2020 මුල් කාලයෙදි අපිට දැකගන්න ලැබේවි..

මාවල් ෆෑන්ලට නම් ඉස්සරහට සරු වෙයි වගේ. මේ පොස්ට් එකෙන් ගෙනාවෙ මන් Disney+ එකෙන් නිකුත් කිරිමට නියමිත කතා මාලා විතරයි. ඉතුරු කතා මාලා ගැන තවත් පොස්ට් එකකින් ඉක්මනින්ම මුන ගැසෙමු.