ඉදිරි දිගහැරුම… (XV) | F4 කල්ලිය අලුත් වෙයි!

Fantastic Four – Reboot

2005 තිරයට පැමිණි ‘Fantastic Four’ සහ 2007 දී තිරයට පැමිණි ‘Rise of the Silver Surfer’ වලින් පසුව ඔන්න යළි වරක් තිරයට එන්නට විරුවන් සිව්දෙනෙකුගෙන් සැදුම්ලත් “අරුම හතර” කණ්ඩායම සූදානම්. මෙය පසුගිය චිත්‍රපට හා ඈදෙන්නක් නොවෙයි. මෙය එහිම ප්‍රත්‍යාරම්භයක් ලෙසින් තැනෙණු ඇති බවයි සටහන් වෙන්නේ. නමුත් තවමත් මෙහි ගති ස්වභාවය ගැන හරි විස්තරයක් හෙළි කොට නැහැ.

අසාමාන්‍ය හැකියාවන්ගෙන් යුතු මනකල්පිත සුපිරිවීරවරයන් තිදෙනෙකුගෙන් සහ එක් වීරවරියකගෙන් සැදුම්ලත් මේ විරු කණ්ඩායම, ගියවර තිරයට ආවේ Tim Story ගේ මගපෙන්වීමෙන් සහ Ioan Gruffudd/ Jessica Alba/ Chris Evans/ Micheael Chiklis යන නළු-නිළි දායකත්වයෙන් යුතුවයි. (Chris Evans තමා පසුකාලීනව Marvel සුපිරිවීරවරයෙකු වන Cpt. America බවට පත් වුණේ…)

ආරංචි වෙන හැටියට Marvel සමාගම Disney යටතට පත්වන්නට පෙර මේ Fantastic Four චරිත හතරත් X-Men චරිත සමූහයත් Fox සමාගමට ලබා දුන්නා පණපොවන්නට. එනිසා, ඊට අනුව මේ අලුතින් එළිදකින “අරුම හතර” නිර්මාණය බිහිවන්නේත් Fox ලේබලය යටතේමයි.

Michael B. Jordan        |     Allison Williams

දැනටමත් මෙහි ප්‍රධාන චරිත සඳහා නළු-නිළියන් තේරීමේ කටයුතු සඳහා සාකච්ඡා පැවැත්වෙනවා. Girls ටෙලිරූමාලාවේ රංගනයෙන් එක්වන Allison Williams මෙහි කාන්තා වීරවරිය වන Susan Storm නම් ‘අදිසි යුවතිය’ ගේ චරිතය සඳහා එක්වන බවක් සඳහන් වන අතරෙදී, ඇගේ සොහොයුරා වන Johnny Storm හෙවත් ‘විලක්කු මිනිසා‘ ලෙසින් ‘Chronicles (2012)’ චිත්‍රපටය හරහා ඉහළ ප්‍රසාදයක් ලද Michael B. Jordan එක්වනු ඇතැයි අනුමාන කෙරෙනවා.

මෙහි අධ්‍යක්ෂණය Josh Trank විසින් සිදු කෙරෙනු ඇති.

තිරයට එන දිනය: 2015 මාර්තු 06(US)

උදා