කේරළ සිනමා තරු බැබලුණු Manorama Awards 2019

ඉන්දීය සිනමාවේ සොඳුරුතම දනව්ව මොකක්ද කියලා ඇහුවොත් හැම රසිකයෙක්ගේම පිළිතුර වෙන්නේ, කේරළය නොහොත් මොලිවුඩය!

කේරළය කියද්දි අපේ හිත්වල මැවෙන්නෙත් හරිම වෙනස් චිත්ත රූපයක්. පිණි බිඳු අස්සෙන් මීදුම ගලන කඳු යායකින් හමාගෙන එන හීතල හුළඟක් ඇඟේ වැදෙද්දී කොළ පාට තුරු වියන් ගොන්නකින් වැහුණු අසිරිමත් කේරළය… හැම මලයාලම් ආදරවන්තයෙක්ම ආදරවන්තියක්ම වශී වුණේ අන්න ඒ සුන්දරත්වයටයි. ඒ නිසාමදෝ ලංකාවේ නූතන තරුණ පරම්පරාව ඇතුළේ උන්මාදගත ඇබ්බැහියක් බවට මලයාලම් සිනමාව පත්වෙලා තියෙනවා. එකම ජාතියේ ස්ක්‍රිප්ට් කන්දකින් වහ ගත්තු ලාංකේය සිනමාවත් සාම්ප්‍රදායික තෙළෙඟු හා දමිළ සිනමාවන්ගෙනුත් හෙම්බත් වුණු ඔවුන් දැන් දැන් මලයාලම් සිනමාව දිහාට ප්‍රවිශ්ට වෙන්න පටන් අරන් තියෙනවා! මුහුණුපොත වගේම අනෙකුත් සමාජ මාධ්‍ය ඔස්සේ මලයාලම වටේ අපූරු රසික සංසද නිමැවෙන්න පටන් අරගෙන. සොඳුරු මලයාලම් සිනමාව සහ අසිරිමත් කේරළය Facebook සංසදයත් ඊට හොඳම නිදසුනක්. විවේක වෙලාවට ඒ පැත්තටත් ගිහින් බලන්න. ලංකාවේ උදවිය කේරළ සිනමාවට කොයි තරම් වහ වැටිලද කියලා හොඳට බලාගන්න පුලුවන් වේවි.

මාතෘකාවෙන් පොඩ්ඩක් පිට පැන්නද මන්දා..! කමක් නෑ. මේ කියන්න යන්නේ ඒ කේරළය මූලික කරගත් මලයාලම් සිනමාවේ ප්‍රධානතම ප්‍රාන්තීය සිනමා උළෙලක් ගැනයි. විශේෂයෙන්ම මේ වගේ තොරතුරු ලාංකේය සිනමා රසිකයන් අතරට යනවා ගොඩක් අඩු නිසාමයි මේ ලිපිය ලියන්න හිතුවෙත්. ඒ තමයි Mazhavil Manorama Entertainment Awards 2019.

සම්පූර්ණ ජයග්‍රාහක ලැයිස්තුව ගැන විස්තරයක් දාන්න ඕනේ කියලා හිත හිත හිටියත් අනෙකුත් වැඩ කටයුතු නිසා මෙච්චර කල් අමතක වෙලා ගියා. ඒ ගැනත් සමාව ඉල්ලන ගමන් අපි හැරෙමු ජයග්‍රාහී ලැයිස්තුව දිහාවට.

මුලින්ම කියන්න යන්නේ ප්‍රධානම සම්මානය ගැන, සිනමා සම්මාන උළෙලක ප්‍රධානම සම්මානය වෙන්නේ ඉතින් හොඳම සිනමාපටය නොවැ. Mazhavil Manorama Entertainment Awards 2019 හි හොඳම සිනමාපටය ලෙස අභිෂේක ගැන්වුණේ Njan Prakashan චිත්‍රපටයයි. කෝටි 5කින් නිෂ්පාදනය වෙලා කෝටි 50කට අධික ආදායමක් සොයා ගනිමින් ෆහද් ෆසිල්ගේ සිනමා ජීවිතයේ වැඩිම ආදායම්ලාභී නිර්මාණය බවට පත් වුණෙත් මෙයයි. බලපු කට්ටිය නම් දන්නවා ඇතිනේ කොහොමද කියලා.. ඔබ තවමත් මෙය නොබැලූ කෙනෙක් නම් පුලුවන් තරම් ඉක්මනට හොයාගෙන බලන්න. ඒ තරම් වටින මතකයක් වේවි.

හොඳම නලුවාගේ සම්මානය මෙදා පොටේ දෙන්නෙක් අතරේ බෙදිලා ගියා. එක්කෙනෙක් තමයි Fahadh Faasil. අනිත් කෙනා Tovino Thomas. දෙන්නම එක වගේ වැඩ්ඩෝ! පෞද්ගලිකව මම නම් මේ කාලසීමාවේ ෆහද්ගේ හොඳම රංගනය දැක්කේ Njan Prakashan තුළින්. ටොවිනෝව මතකෙට රැඳුණේ Maradona (2019) මලයාලම් සිනමාපටයෙන්.

හොඳම නලුවෝ ගැන ඒ විදිහට කියද්දී හොඳම නිළියව අමතක කරන්නේ කොහොමද? නලුවන්ව නොදැන හිටියම නිළියන්ව නොදන්නවා යැ. ඔන්න ඉතින් ඒ සම්මානය ලැබුණේ අපේ ඵෙශ්වර්යා අක්කාට. ඵෙශ්වර්යා ලක්ෂ්මි! Aishwarya Lakshmi!! සම්මානය ලැබුණේ මොන චිත්‍රපටියට සම්බන්ධයෙන්ද කියලා නම් විස්තරයක් දක්නට ලැබුණේ නැහැ.

Kayamkulam Kochunni බැලුවද? කෝටි 100+ ආදායම් සීමාව පන්නපු මලයාලමේ තුන්වන චිත්‍රපටය විදිහට හැඳින්වෙන්නේ ඔන්න ඔය චිත්‍රපටියයි. නිවින් පෝලි, මෝහන්ලාල් වගේම දමිළ සිනමා නිළි ප්‍රියා ආනන්ද් කියන තුන්දෙනාගේ ප්‍රධාන රංගනය එක්තැන් වුණු Kayamkulam Kochunni  චිත්‍රපටය පුරා දෙපැයක් රසවින්දනය කරන්න පුලුවන් නිර්මාණයක්. ඒත් රඟපෑම් ගැන නම් එතරම් සෑහීමකට පත් වෙන්න බැහැ. විශේෂයෙන්ම, වෙනදා දක්නට ලැබෙන ලාලෙට්ටන්ගේ පිරුණු රංගනය වෙනුවට මෙහි රංගනය අයාලේ ගිහින්. නිවින් වුණත් චිත්‍රපට තේරීමේදී සැලකිලිමත් වෙනවා නම් හොඳයි. ඒ චරිතයට නිවින් ගැළපෙන්නේ නැති බව තමයි මගේ නම් අදහස! ඒවයින් වැඩක් නෑ.. තනනායික් කේශවා කුරූප්ව මතකද? කොචුන්නිව අල්ලගන්න බ්‍රිතාන්‍ය සේනාව සමඟ එන ඉන්දීය නිලධාරියා! කේශවා විදිහට රඟපෑ Sunny Wayne, Mazhavil Manorama Entertainment Awards හි Best Villain විදිහට සම්මාන ලැබුවා.

ඔය පහළ පිංතූරේ ඉන්න පොරව දැකලා පුරුදුද? ඉන්දියානු සිනමා රසිකයෙක් නම් හොඳට දැකලා ඇති. දෙමළ චිත්‍රපටිවල ෆයිට් සීන් අස්සේ හොඳට දැකලා පුරුදු මූණක් නේද? ස්ටන්ට් සිල්වා! චිත්‍රපටිවල පේන්නේ ගුටිකනවා වුණාට මෙයා හොඳ සටන් අධ්‍යක්ෂකවරයෙක්. හොඳම අධ්‍යක්ෂක සම්මානය ලැබුණු Lucifer වෙනුවෙන්ම හොඳම සටන් අධ්‍යක්ෂණයත් ලැබුණා. Goodwill Entertainment Youtube චැනලයෙන් මේ දවස්වල අන්තර්ජාලගත කරන Lucifer-Behind Scenes වීඩියෝ පෙළ නැරඹුවා නම් මෙයාගේ වැඩ කිඩ ගැන හොඳ අවබෝධයක් ලබාගන්න තිබ්බා.


හොඳම කපල් එක (Best Entertaining Pair) විදිහට තේරුණේ Asif Ali සහ මෙදා සැරේ හොඳම නිළි සම්මානය ලැබූ Aishwarya Lakshmi යන දෙදෙනායි. ඒ Vijay Superum Pour Namiyum චිත්‍රපටය සඳහායි. කොහොමත් දෙන්නා මැචින් කපල්!! විනෝදබර රංගනයකට හොඳම ජෝඩුවක්.

Best Debut සම්මානය දිනා ගත්තේ නම් මලයාලම් ප්‍රේක්ෂකයෝ මේ දවස්වල හොඳටෝම අඳුරන කෙනෙක්. K_mba_an_i Ni_hts. ඔය හිස්තැන පුරවන්න පුලුවන්ද? පුලුවන් නේහ්.. මේ දවස්වල හැමතැනම කියැවෙන නමක්. Kumbalangi Nights! කාලෙකට පස්සේ මලයාලම් රහ දැනුනු නිර්මාණයක් කියලා බොහෝ දෙනෙක්ගේ හොඳම තේරීම වුණේ මේ කුම්බලන්ගි රාත්‍රියයි. Best Debut සම්මානය ලැබුණේ මේ චිත්‍රපටියෙන් ගොඩක් දෙනෙක්ගේ හිතේ ඇඳුණු අලුත්ම ක්‍රෂ් එකකට… නූඩ්ල්ස් කෙල්ල! බේබි!! හරිම නම වෙන්නේ Anna Ben’

සම්පූර්ණ ලැයිස්තුවම එක් කරන්න පොරොන්දු වුණු නිසා ඉතිරි ජයග්‍රාහකයින්වත් කෙටියෙන් හඳුන්වන්නම්. මේ සිනමා උළෙලෙට වලංගු වුණේ 2018 වසර හා 2019 වසරේ අප්‍රියෙල් මාසය දක්වා තිරගත වුණු නිර්මාණ පමණක් කියලයි Mazhavil Manorama නිල වෙබ් පිටුවේ දක්වා තිබුණේ. ඔය පල්ලෙහා තියන්නේ ඉතිරි නම් ලැයිස්තුවයි.

  • Ultimate Entertainer ActorMohanlal
  • Best Character Role Siddique
  • Best ComedianHareesh Kannaran
  • Best Dance CinematographySherif Master
  • Best SongJeevamshamayi from “Theevandi” Movie
  • All-Time Entertainer Yesudas
  • Ultimate Entertainer DirectorPriyadarshan
  • All Round EntertainerRamesh Pisharody

පොඩ්ඩක් විතර දිග වැඩි වුණාට ලිපිය මෙතනින් නවත්වන්නේ නැතිව මට හිතුණා මේ වසරේ කේරළ සිනමාවේ BoxOffice පැත්ත ගැනත් පොඩි විස්තර වගයකුත් දක්වගෙනම ගියා නම් හොඳයි කියලා. ලිපිය දිග වුණාට සමහරු අන්තිම අකුර වෙනකන්ම මේ ලිපිය කියෝන විත්තිය මන් දන්නවා. මෙතන ඉඳන් පහළ හරිය වෙන්වන්නේ මලයාලම් සිනමාව ගැන සැබෑ උනන්දුවක් දක්වන ඔවුන් වෙනුවෙන්මයි!

Lists of Hits at Kerala Box Office 2019

  1. Vijay Superum Pournamiyum
  2. URI: The Surgical Strike (NON-NATIVE LANGUAGE)
  3. Kumbalangi Nights
  4. Peranbu (NON-NATIVE LANGUAGE)
  5. Thadam (NON-NATIVE LANGUAGE)
  6. Kodathi Samaksham Balan Vakeel
  7. June
  8. Lucifer
  9. Madhura Raja
  10. Avengers: End Game(NON-NATIVE LANGUAGE)
  11. Oru Yamandan Premakadha
  12. Uyare

මෙතෙක් ඉතිහාසයේ වැඩිම බොක්ස්-ඔෆිස් ආදායම ලබාගත් මලයාලම් සලරුව ලෙස හැඳින්වෙන්නේ මෝහන්ලාල්ගේ Lucifer චිත්‍රපටයයි. දින 60ක් ඇතුළත කෝටි 200 සීමාව පසු කිරීමට එයට හැකියාව ලැබිණි. ඉන්දියානු කෝටි 14+ අධික වාර්තාගත ආරම්භයක් සමඟින් මෙතෙක් ඉතිහාසයේ වැඩිම පළමු දින ආදායම ලැබූ කේරළ සිනමාපටය වන්නේ Odiyan ය. මලයාලම් සිනමාවේ WW Gross කෝටි 50 ආදායම්ලාභී පළමු සිනමාපටය Drishyam වන අතර කේරළයේදී පමණක් කෝටි 50 සීමාව පසු කළ පළමු මලයාලම් චිත්‍රපටය Pulimrugan ය. විදේශයන් හි ආදායමෙන් කෝටි 50ට වැඩි ආදායමක් ලැබූ එකම කේරළීය සිනමාපටය හා දහවන දකුණු ඉන්දියානු සිනමාපටය ලෙස Lucifer හැඳින්වේ.

කෝටි 100 සීමාව පසු කළ පළමු කේරළ චිත්‍රපටය Pulimurugan වන අතර මලයාලම් සිනමාවේ කෝටි 200 සීමාව පසු කිරීමට හැකියාව ලැබී තිබෙන්නේ මෝහන්ලාල්ගේම Lucifer චිත්‍රපටයට පමණයි. ඒ අනුව, මෙතෙක් ඉතිහාසයේ ඉන්දීය රුපියල් බිලියනයක ආදායම්ලාභි මලයාලම් සිනමාපටයන් වන්නේ.

Mohanlal
(The Complete Actor)
  • Pulimurugan
  • Kayamkulam Kochunni
  • Lucifer

Mammotty (Mega Star)
  • Madhuraraja

 

Top Grossing Malayalam Films 2019 (Worldwide Gross)

  1. Lucifer [200 cr+]
  2. Madhura Raja [100 cr+]
  3. Kumbalangi Nights
  4. Oru Yamandan Premakadha
  5. Kodathi Samaksham Balan Vakeel
  6. Uyare
  7. Vijay Superum Pournamiyum
  8. Athiran
  9. Mikhael
  10. June

Top First Day Collections 2019 at Keral BO

  1. Lucifer 6.70 cr
  2. Madhura Raja 3.70 cr
  3. Oru Yamandan Premakadha 1.85 cr
  4. Avengers: End Game 1.62 cr
  5. Petta 1.40 cr
  6. Viswasam 0.90 cr
  7. Kumbalangi Nights 0.87 cr
  8. Peranbu 0.85 cr
  9. Mikhael 0.83 cr
  10. Kodathi Samaksham Balan Vakeel 0.80 cr
Kavinu Weerakkody (12 Posts)


Leave a Reply

Your email address will not be published. Required fields are marked *

error: Content is protected !!