අවසන් කතා සමය – මුල් එපිය කියවීම

#Forthethrone #got #gameofthrone #hbo #baiscopelk #Season8 #Epi01 #GOT68

මගේ 2017 ලිපි කියවපු කෙනෙක්ට, ගිලී විසින් , ඩ්‍රැගන් ස්ටෝන් හි තිබෙන ඩ්‍රැගන් ග්ලාස් ගැන හොයමින් සිටි සෑම් ගෙන්, සෙප්ට් එකේ පඩි ගණන අහපු එක නිකම් දෙයක් වෙන්න බැරි බව මං එදා කිව්වා මතක ඇති. අද මම අනිවාර්‍යෙන් කියනවා. සෙප්ට් එකේ පඩි ගණන ඉතාම වැදගත් කියලා. වින්ටර්ෆෙල් ඉඳං කින්ග්ස්ලෑන්ඩිං වලට දිගු උමගක් තියෙනවා. අද අපි දැක්කා. ඒක තියෙන්නෙ වින්ටර්ෆෙල් ක්‍රිප්ට් එකෙන්, කින්ග්ස්ලෑන්ඩිං සෙප්ට් එකට. මේ තැන් දෙකේ විශේෂය තමයි, අනාදිමත් කාලයක සිට මියගිය ස්ටාර්ක්වරු නිදන්නෙ මේ ක්‍රිප්ට් එකේ…අනිවාර්යයෙන්ම මිය ගිය එගොන් ටාගේරියන් නම් ආක්‍රමණිකයාගේ සිට, මෑඩ් කිං ට වෙනකල් ටාගේරියන් වරු නිදන්නෙ, සෙප්ට් එක යට. මරණයේ දෙකෙළවරින් උපන් මාර්ගයක්..සෙප්ට් එකේ ඉඳලා කෙටි උමඟක් මාලිගාවට තියෙනවා. බැලේරියන් මකරා ඉන්නෙ, ජේමි සහ ටිරියන් රහසෙන් හමු වුණේ, මේ උමගෙදි. මං හිතන්නෙ නෑ තවම ඔවුන් මේ උමගෙ අපූරවත්වය දන්නවා කියලා.. ඒ උමග, අයන් සිංහාසනය යටටම විහිදෙනවා.. ඒරිස් හංගපු වයිල්ඩ් ෆයර් තාමත් එහි තිබෙනවා කියලා කතාවක් තිබෙනවා..කොහොම වුණත්, දකුණට පලා යන්නන්ට හොඳ මාර්ගයක් මේක. බ්‍රැන්ඩන් ද බිල්ඩර්, සිටිඩෙල් වලට වෙන තුරු මේ මාර්ගය හදලාද කියන්න තවමත් සාක්ෂි නෑ..

-හමුවීම්-

ආර්‍යා හමුවීම් සියල්ල ආදරණියව, මැදහත්ව වින්දා. ජෝන් ගෙ ආර්‍යා ගෙ හමුවීමෙ අනතුරු ඇඟවීමක් තිබ්බා. ඔබ පවුලෙ කෙනෙක් නම් , ඒ බව අමතක කරන්න එපා. බ්‍රැන් සියල්ල බොහොම මැදහත්ව පිළිගත්තා. සන්සා බොහොම දක්ෂ ලෙස හැම පැත්තක්ම බේරාගෙන, අකමැත්තත් ප්‍රකාශ කළා රැජිණට, බොහොම සරළව. ඩැනී ගෙ උද්දච්ච බවේ අඩුවක් නෑ. ඇයට රැජිණ පට්ටම දරුණු තැනකදි අතාරින්න වෙයි. සර් ඩාවොස් ලෝයලිටි එක පැවතෙන විදිහ, ලැබෙන විදිහ ගැන අනෙක් උපදේශකයන් ට කිව්ව හැටි අපූරුයි. උපයා ගැනීම එයයි වැදගත්. ඩාවෝස් දන්නෙත්, ඩැනී නොදන්නෙත් ඒක.

සන්සා ටිරියන් හමුව තුළදි, සන්සා බොහොම හොඳින් සර්සි ව දන්න බව අපට පැහැදිළි වුණා.. උපන් දා සිට ළඟ සිටි ටිරියන් ට වඩා. ආර්‍යා ගෙන්ඩ්‍රි හමුව තරමක් සුන්දරයි. අර්‍යා හවුන්ඩ් හමුව, සුන්දර හොඳම එක. ඒ අස්සෙ තියොන් තමන්ගෙ සොයුරිය යාරා බේර ගත්තට හාද්දකුත් ලැබුණු හැටි දකින්න ඇති කියලා හිතනවා.. මේ දේවල් වල ලොකු වැදගත් කමක් පෙන්න අඩුයි.

මරණයේ හෝරාව වගෙ තැනකදි හමු වූ එඩ් සහ බෙරික් සඟ ටෝමුන්ඩ් දකින සංකේතයත්, පෙර දුරු සංකේත වගේම සර්පිලාකාරයි.

මේ අතර කින්ග්ස්ලෑන්ඩිං වලදි, සර්සි යූරෝන් ට ගෝල්ඩන් කම්පැනිය සතුට සමරන්න තමන්වම ලබා දෙන අතරේ, කයිබන් හරහා බ්‍රොන් ට තැරැව්වක් පැවරුවා. තමන්ගෙ සොහොයුරෝ මරන්න.

ටිරියන් දිහා බ්‍රැන් බලා හිටි විදිහෙන්, ඔහු ටිරියන් ට ඉදිරි සැලැස්මක් තිබ්බා නම් එය දුටුවා වෙන්නත් බැරි නෑ.. ජේමි සහ බ්‍රැන් හමුව තමා, අවසානයේ දැකපු තීරණාත්මක හමුව. ඒත් බ්‍රැන් ඉන්න්ව් නම් පූර්ණ උපේක්ෂාවෙන්..

සෑම් ඩැනී රැජිණගෙ හොඳම හිතවතෙක් වෙන්න පුළුවන් ලකුණු ලස්සනටම අද පෙන්නුවා..ඩැනී තමන් කළ ක්‍රියා ගැන පසු තැවුණා නම් එය පටන් ගත් බව පෙන්නුවෙ සෑම් ගෙන්. සෑම් නම් පුරුදු කූල් පොර ම තමා.. පොත් හොරකමටයි සමාව ඉල්ලුවෙ.

කෝම හරි, අද ජොන් තමන් කාගෙ කවුද බව දැන ගත්තා. ඔහු ඉන් ඇත්තටම කණගාටුවට පුදුමයට වඩා, කළකිරීමකට පත් වුණා කිව්වොත් හරි.. ඔහු ගෙ සිතිවිලි ඔහුව කුමන පාරක ගෙනියයිද තවම දන්නෙ නෑ..

වින්ටර්ෆෙල් ඇතුළු උතුරේ බහුතරය ජොන් ගෙ වැඩේට කැමති නෑ. ඒ නිසා, සන්සා ගෙ දේශපාලන හැකියාව මෙතනදි ඉවහල් වෙනවා.. ආර්‍යා පවා සන්සාගෙ දක්ෂ බව ජෝන් ඉස්සරහ පසසනවා. කොහොම හරි, උතුර විසින් උතුර අත් හැරලා තනිවම තනි තනිවම විනාශ වෙන්න යන්න ගතියක් තමයි දැන් පෙනෙන්නෙ..එහෙම වුණොත්, සටනෙන් ඉතිරි වුණත් බොහොම අඩු ප්‍රජාවයි ජීවත් වෙන කොටසෙ රැඳෙන්නෙ, අනික් හැමෝම මල හමුදාවෙ සෝම්බිලා වෙනවා..

මේ අතරෙ යාරා, ග්‍රේජෝයි වරුන්ගෙ දිවයින අල්ලන්න යන්නෙ, ස්ටාර්ක් වරුන්ට උදව් වෙන්න තියොන් යායුතු බව යාරා බොහොම හිතවත්ව පිළිගන්නවා.. ජොන් තමයි තියොන්ව ශක්තිමත් කළේ යාරාව බේරන තැනට. ඒ නිසා ඈ උදව්වට උදව්ව නොකර ඉන්න බවක් පේන්නෙ නෑ.. කොහොම හරි මල හමුදාව මරපං කියලා ඈ මල්ලිට කියන්නෙ හරි විශ්වාසයෙන්..

ජොන් ගෙ හිත සන්සා කියවන්න පටන් අරන් කියන කරුණ වගේම සන්සා ජොන් ව ඩැනී කෙරෙහි ආදරයෙන් බැඳීම ගැන පුංචි ඉරිසියාවකින් පෙළෙන බවත් පේනවා.

සංකේත ඇතුළු සූක්ෂම දේවල් ගැන හෙමින් අපි කතා කරමු. සතියක්ම තියෙනවානෙ. ඉන්බොක්ස් එකට ආපු ගැටලු අනිවාර්යයෙන්ම ඒ කොටසෙදි සාකච්චාවට බඳුන් කරනවා. හැබැයි බැලූ බැල්මට කතාව ෆෑන් ලා හිතන පතන විදිහටම ගලන බවක් පේනවා. මං ඒකට අසා නෑ. ඔක්කොටම වඩා.. බොලිවුඩ් කෑලි පේන්න බෑ..

මේ කතාවෙ වේට් එක බස්සන තැන් ඒවා. ඇවටාර් එකේ වගේ මකරු පදින්න පුරුදු කරන කෑලි, හඹායන කෑලි, දිය අළි ළඟ අවුරුදු දහස් ගණන් නතරවෙන්න කරන මෝඩ යෝජනා.. ජොන් ඩැනී කිස් දෙද්දි, මකර කෝලං මේ කතාවට ගැළපෙන්නෙ නෑ..

ඒත් ලැබී තියෙන්නෙ මෙහෙම නම්, බැන බැන හරි රිවීව් කරමු. මේ කොටස් වලින් පරිබාහිරව කතාවෙ සාර තැන් මේ වගේ සිහින කතස් වලින් හෑල්ලු වීමයි අවුල.

හාර්ඩ් රිවීව් එකෙන් හමුවෙමු

නෙරංජි සුලක්ඛනා (49 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

නෙරංජි සුලක්ඛනා

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

http://neranji-sulakkana.blogspot.com/