පීටර් බේලිෂ් මිය යා යුත්තේ ඇයි?

#got #ForTheThrone #GAMEOFTHRONE #Baiscopelk #Forthethrone #hbo


මේ දවස් වල දරුණුවටම තියෙන එක් ෆෑන් තියරියක් තමයි, බේලිෂ් නෝ වන් කෙනෙක් බවත් ඔහු ආපසු පැමිණෙන බවත්. ඒ සඳහා හේතු බොහෝ සපයා තියෙනවා දැක්කා.

පීටර් වෙනුවට වෙනත් කෙනෙක් එවලා, පීටර් බේරුණා කියලා හිතන්න අමාරු හේතු දෙකක් තියෙනවා. සන්සා ගෙ හැසිරීම් විශ්වාස නොකළ මුහුණ. අවිනිශ්චිත බව පිරුණු ඔහුගේ හැඟීම්.

ලිට්ල් ෆින්ගර් අන්තිම මොහොතෙත් ක්‍රීඩාව සෙල්ලම් කළ බව අපි දුටුවා. ආර්‍යාට පේන්න, ලියුමක් සඟවලා, සන්සා ට ආර්‍යා ගෙ ස්වරූපය ගැන කියලා..ඈ සන්සාව මරලා ලිට්ල් ෆින්ගර් වෙයි කියලා බියට පත් කරලා.. ඒත් ඒ ගේම් එකට සන්සා හෝ ආර්‍යා අහු නොවුණ බව අපිට පැහැදිළි වුණා.එතැනදිම ලිට්ල් ෆින්ගර් පරාදයි.

මේ කතාව පරාජය වෙන අයගෙ කතාවක් නෙවෙයි. දිනන අයගෙ කතාවක්.

හොඳයි දැන් මං පහදන්නම් බේලිශ් මිය යා යුත්තේ ඇයි කියලා.. අපි දන්නවා, ජොන් කියන්නෙ වෝරියර් කෙනෙක්, රොබ් කුයන්නෙ වෝරියර් කෙනෙක්, ආර්‍යා කියන්නෙත් වෝරියර් කෙනෙක්, සන්සා කියන්නෙ මැහුම් ගෙතුම් දන්න, ලස්සනට අකුරු ලියන්න දන්න සාමන්‍ය කෙල්ලක්.

රොබ් මිය ගියා, ජොන් ලා, ආර්‍යා ලා තමන්ගෙ වෝරියර් ස්කිල්ස් වැඩි දියුණු කර ගත්තා. බ්‍රැන් ට ඇවිදින්න බෑ, කතාවෙ මුල් හරියෙ සිටම..රිකොන් දුර්වලයි. මොන දේ වුණත් , හැම විටම බ්‍රැන්ට මිත්‍රයො හිටියා. රිකොන් කොයි තරම් තනි වෙලා හිටියත්, ජොන් අවසාන වෙලාවෙත් රිකොන් වෙනුවෙන් ආවා..ඔහුගෙ දුර්වල කම ඔහුට මරු කැඳෙව්වෙ. රොබ් මිය යන තුරුම අම්මා ඔහු ළඟ හිටියා.. ආර්‍යා ට හවුන්ඩ් හමු වන තුරුම මිත්‍රයො හිටියා. ඉන් පසුවත්, හවුන්ඩ් ඈට කිසි අවැඩක් කළේ නෑ..ඔවුන් අතර හොඳ සහයෝගයක් තිබ්බා. බ්‍රියැන් හවුන්ඩ් ව පරාජය කරන තුරු. ඉන්පස්සෙ ආර්‍යා නෝ වන් පුහුණුව ලැබුවා.. ඈ ට දැන් මිත්‍රයො නැහැ. ඈ කවුරුවත් නෙවෙයිනෙ ..

හැබැයි සන්සා පළවෙනි, සීසන් එකේ පටන් තනි වුණා. ඈ කළ යුතු කිසිවක් ඈ ම තීරණය කළ යුතු වුණා.ඈට කිසිවෙක් නෑ මාලිගාවෙ ඈ වෙනුවෙන්, තාඩනය පීඩනය පමණමයි. ජොෆ්‍රිට, සර් ලෝරිස්ට , විවාහ කර දෙන්න ගිහින්, පසුව ටිරියන් ට විවාහ කළා.. සන්සා තුළ තිබ්බ එකම බලාපොරොත්තුව තම පියාගෙ මරණයෙන් මිය යනවා. ඒකයි ඈ ජොෆ්‍රිව පහළට තල්ලු කරන්න යන්නෙ. හවුන්ඩ් නිසා එය වෙන්නෙ නෑ.

ඉන්පස්සෙ ඇය බොරුවෙන් ජීවත් වෙනවා..ඒත්, ඈගෙ වේදනාව පුපුරා යනවා, මව සහ රොබ් ගෙ මිය යාමෙන්.. ඈ වැඩිම සැනසුම ලබන්නෙ ජොෆ්‍රිගෙ මරණයෙන්. ඒත් මහ වෙලාවක් ඒ සතුට විඳින්න නොවී ඈ බේලිෂ් ගෙ සිරකාරියක වුණා. වේල් වලට ඈ ගියාම, ඈ මුලින්ම සිතුවා තමන්ගෙ අය දුටු බව.ඒත්, ඒක එක රැයෙන් නැති වුණා. ලැයිසාගේ මරණයෙන් පසු ඈ තේරුම් ගත්තා ඈට ඉදිරි ගමනට ලිට්ල් ෆින්ගර් ඕනෙ විත්තිය..

ඒත් බෝල්ටන් වරුන්‍ ට ඉන්පස්සෙ ඈ පැවරෙනවා. ඈ සතුටු වුණත්, ගෙදර ආවා කියලා, පළමු වතාවට ඈ තියොන් ග්‍රේජොයි ව දුටුවාම ඈට තේරෙනවා..තමන් ඉන්නෙ ම්ලේච්ඡයෝ සමඟ බව. ඈ සම්පූර්ණයෙන් උදව් රහිත වෙනවා. ඉන්පස්සෙ ඈ තියොන් ගෙ උදව්වෙන් පැන ගෙන, බ්‍රියැන් ගෙ උදව්වෙන් ජොන් හොයා යනවා. එතැනදි, තමයි ඈට පියාගෙ මරණයෙන් පස්සෙ පළමු වතාවට ආරක්ෂාව දැනෙන්නෙ.

එතැන ඉඳං ඈ සවයිව් වෙන එක අතෑරලා, මේ ගේම් එක ප්ලේ වෙන විදිහ ගැන හිතනවා. බේලිෂ් තමන් වෙත තියෙන ණය ප්‍රයෝජනයට අරන් වින්ටර්ෆෙල් ජය ගන්න තමන්ගෙ කාර්‍ය ඈ ඉටු කරනවා. කඩුවක් වනන්න නොදන්න කෙල්ලෙක්, වින්ටර්ෆෙල් දිනන්න සේනාවක් ගේනවා..ඒක විශිෂ්ට යි.

ජොන් ගියාම ඈ ලේඩි ඔෆ් තෙ වින්ටෆෙල් වුණාට පස්සෙ, ඈ බොහොම දක්ෂ විදියට සියල්ලට මුහුණ දෙනවා. වැදගත් උතුරු මිනිස්සුන්ගෙ කැමැත්ත, ඈ බේලිෂ් මරණයට පත් කිරීමෙන් ඉක්මනින් ලබා ගත්තා. සන්සා කියන්නෙ වෝරියර් කෙනෙක් නෙවෙයි. සන්සා ඉත්තෙක් විදිහට මෙච්චර කල් බේලිෂ් ගෙ ගේම් වල ප්ලේ වෙලා, තනියම මේ ගේම් එක ප්ලේ කරන බව දැන් හොඳටම පේනවා.

බේලිෂ් සන්සා දෙන්නගෙන් මිනිස්සු ඉස්සරහ සන්සා දින්නා. බේලිෂ් ජීවත් වුණත්, ඔහුට ප්‍රියතාවය ලැබෙන්නෙ නෑ..අනික මේ ගේම් එකේ එකම වගේ ගේම් කාරයො දෙන්නෙක්ට ඉඩක් නෑ.

ඉතිං බේලිෂ් මැරෙන්න ඕනෙ..එච්චරයි ..

නෙරංජි සුලක්ඛනා (49 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.


නෙරංජි සුලක්ඛනා

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

නෙරංජි සුලක්ඛනා has 49 posts and counting. See all posts by නෙරංජි සුලක්ඛනා

Leave a Reply

Your email address will not be published. Required fields are marked *

error: Content is protected !!