2018 වසරේ වැඩිම ආදායම් සහිත චිත්‍රපට

ගෙවී ගිය 2018 වසර සිනමා ලෝලී සහෘදයන්ට අමතක නෙවෙන වසරක් වේවි කියලා හිතෙනවා. අහස උසට නැඟි ආදායම් වාර්තා… රසික මතබේද… මධ්‍යයේ අද සූදානම් වෙන්නේ පසුගිය වසරේ වැඩිම ආදායමක් ගත්තු චිත්‍රපට ගැන කෙටි හැඳින්වීමක් කරන්නයි.

1. Avengers: Infinity War

සිනමා ශාලා 4474 පුරා තිරගත වුණු මාවල් විශ්වයේ දැවැන්තම චිත්‍රපටය. මේක ගැන කතා කරනවා නම් වෙනම ලිපියකින් වෙනම විස්තරයක් ගේන්න ඕනේ නිසා චිත්‍රපට විචාරයකට යන්නේ නැහැ. ආදායම අතින් ඇමරිකානු ඩොලර් මිලියන 2048.7 ආදායමක් හිමි කරගනිමින් ආදායම් ලැයිස්තුවේ අංක 01ට පැමිණ තියෙනවා.

2. Black Panther

මාවල් විශ්වයේම තවත් එක් සලරුවක් වන Black Panther ආදායම් ලැයිස්තුවේ දෙවන ස්ථානයට පත් වෙලා ඉන්නේ ඇමරිකානු ඩොලර් මිලියන 1346.9 ආදායමක් සහිතවයි. සිනමා ශාලා 4084 ප්‍රදර්ශනය වුණු මෙය තිර ගතවීමත් සමඟ අප්‍රිකානු වර්ණවාදය පිළිබඳ සෑහෙන සිනමා විචාරක අවධානයක් දිනා ගන්න සමත් වුණා.

3. Jurassic World: Fallen Kingdom

වැඩිම ආදායමක් හිමි කරගත් Avengers: Infinity Warටත් වඩා වැඩි සිනමා ශාලා ප්‍රමාණයක තිර ගත වූ ජුරාසික් වර්ල්ඩ් චිත්‍රපටය මුලු ආදායම ලෙස ඇමරිකානු ඩොලර් මිලියන 1308.5 ආදායමකට හිමිකම් කියන්නේ ආදායම අතින් 3වන ස්ථානයත් තමන් සතු කරගෙන. තිර ගත කළ සිනමාශාලා ප්‍රමාණය 4485යි.

4. Incredibles 02

ආදායම් වාර්තාවේ සිවුවන ස්ථානය පරිගණක සජීවිකරණ නිර්මාණයකට හිමිවෙලා තියෙනවා. 2004 වසරේ The Incredibles චිත්‍රපටයේ දිගුවක් ලෙස පැමිණි මෙය ඇමරිකානු ඩොලර් මිලියන 1242 ආදායමක් පසු කර තියෙනවා.

5. Aquaman

DC විශ්වයේ ගැළවුම්කාරයා විදිහට ගොඩක් අය විශ්වාස කරපු ඇක්වාමෑන් චිත්‍රපටය සිනමා ශාලා 4180 තිරගත කරමින් ඇමරිකානු ඩොලර් මිලියන 963.4 මුලු ආදායමක් ලබාගෙන තියෙනවා. ඒ අනුව එය පසුගිය වසරේ තිරගත කළ චිත්‍රපට අතරින් පස්වැනියට වැඩිම ආදායමක් ලබාගත් චිත්‍රපටයයි.

6. Venom

හයවන ස්ථානයේ ඇමරිකානු ඩොලර් මිලියන 855.7 ලබා ගත් Venom චිත්‍රපටිය දැක්වෙන්නේ සිනමා ශාලා 4250 තිරගත කිරීමකිනුයි.

7. Mission: Impossible – Fallout

Mission: Impossible චිත්‍රපට මාලාවේ තවත් දිගුවක් ලෙස පැමිණි මෙය ඇමරිකානු ඩොලර් මිලියන 791 ලබා ගෙන තියෙනවා. ඒ අනුව ආදායම් වාර්තා ලැයිස්තුවේ හත් වන ස්ථානය හිමි කරගෙන තියෙනවා.

8. Bohemian Rhapsody

Golden Globe සිනමා උළෙල අතික්‍රමණය කළ Bohemian Rhapsody අටවන ස්ථානයේ පසු වෙන්නේ ඇමරිකානු ඩොලර් මිලියන 743.9 ආදායමකින්. සිනමා ශාලා 4000 තිරගත වුණු බවද සඳහන්.

9. Deadpool 2

ඇමරිකානු ඩොලර් මිලියන 736.6 ලබා ගත් Deadpool 2 චිත්‍රපටිය ආදායම් වාර්තාවේ 9වන ස්ථානය ලබාගෙන තියෙනවා.

10. Fantastic Beasts: The Crimes of Grindelwald

හැරී පෝටර් කතා මාලාවේ නිර්මාතෘ ජේ.කේ. රෝලිංගේ තිරපිටපතින් සමන්විත Fantastic Beasts: The Crimes of Grindelwald ඇමරිකානු ඩොලර් මිලියන 643.2 ලබා ගත් ආදායම් වාර්තා දර්ශකයේ ඉහළින්ම වැජඹෙන්න සමත් වෙලා තියෙනවා. ඒ අනුව එය පසුගිය වසරේ දහවන වැඩිම ආදායමක් ලබා ගත් සලරුවයි.

මුල් චිත්‍රපට දහය එහෙම තියෙනකොට එකොළොස්වන ස්ථානයේ සිට විසිවන ස්ථානය දක්වා ආදායම් ලබා ගෙන තියන්නේ පහත සඳහන් වෙන චිත්‍රපටි පෙළයි.
11. Ant-Man and the Wasp
12. Ready Player One
13. Operation Red Sea
14. Detective Chinatown 2
15. The Meg
16. Hotel Transylvaia
17. The Grinch
18. Rampage
19. Ralph Bearks the Internet
20. A Star is Born

Kavinu Weerakkody