Khan ත්‍රිත්වයේ අවාසනාව: අතීතය සහ වර්තමානය

බොලිවුඩය කියන්නේ ඛාන්ලගේ පොරපිටිය…
ඛාන්ලගේ ජය භූමිය…

මෙහෙම කාලයක් බොලිවුඩය සින්නකරව ලියාගෙන හිටපු Khan අධිපත්‍යය එකපාරටම වල් වැදුණා. කවුරුවත් හිතන් හිටියේ නැති විදිහට 2018 වසර Khan ත්‍රිත්වයට අවාසනාව ගෙනාවා. ශාරුක්,සල්මන් හා අමීර් තිදෙනාගේම බලාපොරොත්තු සුන් කරමින් ඔවුන්ගේ චිත්‍රපට අසාර්ථක වුණා.
සල්මන් ඛාන් රඟපෑ Race 03
අමීර් ඛාන් රඟපෑ Thugs of Hindostan
ශෘරුක් ඛාන් රඟපෑ Zero චිත්‍රපට ත්‍රිත්වයටම සිදුවුණේ ඒ සෙතේමයි. එකදිගට Blockbuster ගහපු ඛාන්ලා මෙදා සැරේ නතර වුණේ Hit එකක්වත් නැතිවයි. Race 03 සහ Thugs of Hindostan ෆොල්ප් නොවුණත් ආදායම අතින් කවර් වුණේ අන්තිම නූලෙන්. අමීර්, ගොඩක් බලාපොරොත්තු තියාගෙන හිටපු Thugs of Hindostan චිත්‍රපටය පවා ආදායම අතින් බොහොම අසාර්ථකයි.

කෝටි 185 වැය කරපු සල්මන්ගේ Race 03 චිත්‍රපටයට උපයා ගන්න හැකි වුණේ කෝටි 300 පමණයි. කෝටි 310 අති දැවැන්ත පිරිවැයක් සහිත වූ Thugs of Hindostan මෙතෙක් කල් බොලිවුඩයේ වැඩිම වියදමක් දරා නිපදවපු චිත්‍රපටය ලෙස වාර්තා අලුත් කළා. ඒත් ආදායම අතින් එයට හිමි කරගන්න හැකි වුණේ කෝටි 335ක් පමණයි. ශුද්ධ ආදායම කෝටි 25ක්වත් නැති තරම්. Zero චිත්‍රපටය තාමත් තිරගත වෙන ගමන්… ඒත් මේ වෙද්දී ආදායම කෝටි 171යි. චිත්‍රපටයේ නිෂ්පාදන වියදම කෝටි 200යි. ෆ්ලොප් නොවුණත් සීරෝ වෙනුවෙන් කිසිම බලාපොරොත්තුවක් තියාගන්න බැහැ. අනෙක් ඛාන් ඩබලට වගේම ශාරුක්ටත් 2018 වසර සීරෝම තමයි!

2018 වසර තුළ අවාසනාවන්ත වුණත් පසුගිය අවුරුදු 12 පුරාවටම එකදිගට බොලිවුඩයේ හොඳම ආදායම වාර්තා කළේ Khan ත්‍රිත්වයයි. 2007 වසරේ ඉඳන් බොලිවුඩයේ හොඳම Box-Office ආදායමට හිමිකම් කිවුවේ මේ තුන්දෙනාගෙන් කෙනෙක්. පළවෙනි, දෙවනි ස්ථාන මේ තුන්දෙනා අතරේම මාරු වුණා මිසක් මෙයාලගෙන් පිටට ගියේ නෑ.



2017

Tiger චිත්‍රපට මාලාවේ දෙවන දිගහැරුම ලෙස තිරගත වුණු සල්මන් ඛාන්ගේ Tiger, Zinda Hai චිත්‍රපටය ඉන්දියානු රුපියල් කෝටි 339.6 ආදායමක් උපයා ගැනීමට සමත් වුණා. 2017 වසරේ වැඩිම ආදායම්ලාභී චිත්‍රපටය වුණෙත් එයයි.

2016

2016 වසර තුළ වැඩිම ආදායමක් හිමිකර ගැනීමට සමත් වුණේ අමීර් ඛාන්ගේ Dangal චිත්‍රපටයයි. ඒ වාර්තාගත කෝටි 387.3 ආදායමක් හිමි කරගනිමින්. විශේෂයෙන්ම චීනය තුළ මේ චිත්‍රපටයට විශාල ඉල්ලුමක් තිබුණා.
කෝටි 333.4 ආදායමක් ලබා ගනිමින් දෙවන ස්ථානයට පත් වුණේ සල්මන්ගේ Sultan චිත්‍රපටයයි.

2015

2012න් පස්සේ සල්මන්ගේ වාසනාව වැඩියෙන්ම කැරකෙන්න පටන් ගත්තේ 2015දී. Bajrangi Bhaijaan මතකයි නේද? ඉන්දියානු කෝටි 320.3 ආදායමක් එකතු කරගත් ඒ සලරුව තමයි 2015 වසරේ ආදායම් දර්ශකයේ උඩටම ආවේ. කෝටි 210.1 හිමිකර ගත් Prem Ratan Dhan Payo දෙවන ස්ථානයට පත් වුණා.

2014

2014 වසරේ ආදායම් අතින් පළමු,දෙවන,තෙවන ස්ථාන තුනම රැකගන්න ඛාන්ලා තුන්දෙනා සමත් වුණා. කෝටි 340.8 අති දැවැන්ත ආදායමක් ළඟා කරගනිපු අමීර් ඛාන්ගේ PK චිත්‍රපටය අන්තවාදීන්ගේ විශාල විරෝධයන් හමුවේ අති සාර්ථක වීම පුදුමයක්. කොහොම වෙතත්, කෝටි 231.8 ආදායමක් සමඟින් සල්මන්ගේ Kick දෙවන ස්ථානයේ රැඳෙනකොට කෝටි 203 ආදායමක් ඇතිව තෙවන ස්ථානයට පත් වුණේ ශාරුක්ගේ Happy New Year චිත්‍රපටයයි.

2013

අමීර් සමඟින් කත්‍රිනාගේ සුරූපී රංගනයෙන් හැඩ වුණු Dhoom 03 ඉන්දියානු කෝටි 284.2 ආදායමක් හිමිව පළමු ස්ථානයේ වැජඹුණා. දෙවන ස්ථානය හිමුවුණේ ශාරුක්ගේ Chennai Express චිත්‍රපටයටයි.

2012

මේ වසරේ ආදායම අතින් පළමු ස්ථානයට පත් වුණේ සල්මන්ගේ Ek Tha Tiger සලරුවයි. ඒ ඉන්දියානු කෝටි 198.7 ආදායමක් සමඟින්. කෝටි 155 ලබා ගත් ඔහුගේම Dabangg 2 චිත්‍රපටයට දෙවන ස්ථානය හිමි වුණා.

2011

කොටින්ම 2011 කියන්නේ සල්මන් ඛාන්ගේ අවුරුද්ද! තාමත් එක වගේ ජනප්‍රිය Bodygaurd චිත්‍රපටය කෝටි 148.8 සමඟින් ප්‍රථම ස්ථානය රැක ගනිද්දී ඔහුගේම Ready චිත්‍රපටය කෝටි 119.7 ආදායමක් ඇතිව දෙවන ස්ථානයට පත් වුණා. පළමු, දෙවන ස්ථානවලට සල්මන් උරුමකම් කියනකොට ශාරුක්ගේ Ra.One සලරුව තුන්වන ස්ථානය ලබා ගත්තේ කෝටි 114.2 ආදායමක් ඇතිවයි.

2010

ආදායම් වාර්තා තබමින් තිර ගත වූ සල්මන්ගේ Dabangg චිත්‍රපටය 2010 වසරේ වැඩිම ආදායමක් සහිත චිත්‍රපටය ලෙස හඳුන්වනවා. එහි ආදායම ලෙස දැක්වෙන්නේ ඉන්දියානු කෝටි 138.88ක්.

2009

බොහෝ දෙනෙක්ට අමීර් පිස්සුව වැළඳුණු තැන තමයි 3 Idiots කියන්නේ. චේතන් භගත් විසින් රචනා කළ Five Point Someone පොත පාදක කරගෙන සිනමාවට නැඟුණු 3 Idiots චිත්‍රපටය ඉන්දියානු කෝටි 202.9 ආදායමක් ලබා ගනිමින් Box-Office වාර්තාව හොල්ලන්න සමත් වුණා. අමීර්ගේ වාසනාව පායපු 2009 වසරේ වැඩිම ආදායමක් හිමි වූයේත් මෙයටම තමයි.

2008

අමීර්ගේ Ghajini සලරුව ඉන්දියානු කෝටි 114ක් සහිතව අංක 01ට වැජඹෙද්දී ශාරුක්ට සිද්ධ වුණේ කෝටි 84 මූල්‍යමය තත්වයක් හිමි කර ගත් තමන්ගේ Rab Ne bana Jodi චිත්‍රපටය සමඟ දෙවන තැනට පසුබසින්න. කොහොම වුණත් 2008 වසර සල්මන්ට සුබ අවුරුද්දක් වුණේ නැහැ.

2007

2007 වසරේ පළමු ස්ථාන ත්‍රිත්වයෙන් දෙකක්ම හිමි කරගන්න වාසනාවන්ත වුණේ ශාරුක් ඛාන් විසින්. ඉන්දියානු කෝටි 78 ආදායමක් සමඟින් ශාරුක්ගේ Om Shanti Om චිත්‍රපටය ආදායම් වාර්තා අලුත් කරද්දී තෙවන ස්ථානයට පත් වුණේ ශාරුක්ගේම Chak De! India චිත්‍රපටය. ඒ ඉන්දියානු කෝටි 67 ආදායමක් සහිතවයි.

2019 වසරත් ඛාන් ත්‍රිත්වයට නැවතත් අවාසනාවේ වසරක් වෙයිද?
නැතහොත් පුරුදු පරදිම බොලිවුඩයේ සෙල්ලම් දැමීමට ඔවුන්ට ඉඩ ලැබෙයිද?
බොලිවුඩයේ ආදායම් වාර්තා අලුත් කිරීමට ශාරුක්ට හෝ සල්මන්ට හැකි වෙයිද?

නැතහොත්, මේ ඛාන් ආධිපත්‍යය බොලිවුඩයෙන් ගැළ වී යාමේ පෙරනිමිතිද?

Kavinu Weerakkody (8 Posts)


2 thoughts on “Khan ත්‍රිත්වයේ අවාසනාව: අතීතය සහ වර්තමානය

  • January 10, 2019 at 8:01 AM
    Permalink

    Zero film eka box office disaster ekk.sharuck khan going to be a vanish in bollywood.

  • January 10, 2019 at 6:26 AM
    Permalink

    thanks lipiyata

Leave a Reply

Your email address will not be published. Required fields are marked *

error: Content is protected !!