Queen Remakes : රැජිනියන් ආපහු එන පාටයි!
Vikas Bhalගේ අධ්‍යක්ෂණයෙන් 2014 වසරේදී තිර ගත වුණු Queen චිත්රපටිය මතකයි නේද? කන්ගනාගේ ඇඟ හීතල වෙලා යන රංගනය තාමත් හිතේ ඇඳෙනවා නේද? කොහොම අමතක කරන්නද… ඉන්දීය සිනමා රසිකයන්ව පිස්සු වට්ටවලා ටොමැටෝමීටර,IMDb මීටර උපරිමයටම කරකවපු Queen චිත්රපටය ආර්ථිකමය අතිනුත් අතිසාර්ථක වුණා. ඒ නිසාම Queen චිත්රපටය භාෂා හතරකින් නැවතත් ප්රතිනිර්මාණය කරන්න කටයුතු සූදානම් කළා. අද ගෙනාවේ ඒ ගැන විස්තරයක්…
Tamannaah Bhati, Kajal Agarwal, Manjima Mohan සහ Parul Yadev කියන නිළියන් හතරදෙනා තමයි මේ නිර්මාණ හතරට ප්රධාන රංගනයෙන් දායක වෙන්නේ. Queen තුළින් දැකපු කංගනාගේ අභියෝගාත්මක රංගනය පුරවන්න මේ හතර දෙනාට පුලුවන් වෙයිද කියලා අපිට නුදුරු අනාගතයේදීම දැනගන්න පුලුවන් වෙයි.
ඒ අනුව දමිළ
තෙළිඟු
මලයාලම්
කන්නඩ යන භාෂාවලින් මෙය නැවත ප්රතිනිර්මාණය වෙනවා.
Kagal Agarwal ගේ රංගනයෙන් සපිරි Paris Paris චිත්රපටය Queen හි දමිල ප්‍රති නිර්මාණයයි. Ramesh Aravindගේ අධ්‍යක්ෂණයට Tamizhachi Thangapandianගේ තිර පිටපත එක්තැන් වුණු මෙය Manu kumaran විසින් නිෂ්පාදන දායකත්වය සපයයි. Amith Trivedi සංගීත අධ්‍යක්ෂණයකි. මෙම වසරේ පෙබරබාරි මස තිරගත වීමට නියමිතයි.
Tamannaah රංගනයෙන් සපිරි That is Mahalakshmi චිත්රපටය Queen හි තෙළිඟු ප්‍රති නිර්මාණයයි. අධ්‍යක්ෂණය Prashanth Varma විසිනි. Manu kumaran විසින් නිෂ්පාදන දායකත්වය සපයයි. Amith Trivedi සංගීත අධ්‍යක්ෂණයකි. මෙම වසරේ තිරගත වීමට නියමිතයි.
Parul Yadev විසින් රංගන දායකත්වය දෙනු ලබන Butterfly චිත්‍රපටයද අධ්‍යක්ෂණය කර ඇත්තේ Prashanth Varma විසිනි. Queen හි කන්නඩ ප්‍රති නිර්මාණයයි. Manu kumaran විසින් නිෂ්පාදන දායකත්වය සපයයි. Amith Trivediගේ සංගීත අධ්‍යක්ෂණයට Mamta Sagar තිරපිටපත ගළපා ඇත. තිරගත වන කාල වකවානු නිශ්චිතවම ප්‍රකාශ කර නැත.
මලයාලම් සිනමාවට එක්වන Queen ප්රතිනිර්මාණය වන මෙහි අධ්‍යක්ෂකවරයා G.Neelakanta Reddyය. Zam Zam හි තිර පිටපත Vikas Bahlගේය. Amit Trivediගේ සංගීත අධ්‍යක්ෂනයකි. ප්රධාන නිළිය ලෙස රඟපාන්නේ Manjima Mohan ය.
ඉන්දියානු කෝටි 12.5ක කුඩා නිෂ්පාදන වියදමකින් ඉන්දියානු කෝටි 108.2ක අති දැවැන්ත ආදායමක් හිමි කරගත් Queen සලරුව 62වන ජාතික සිනමා උළෙලේදී Best Hindi Film සහ Best Actress යන සම්මාන ද්විත්වය හිමි කරගන්නා ලදී. මෙවන් පසුබිමක් තුළ සිනමා විචාරකයින් මෙන්ම ප්‍රේක්ෂකයන්ද මේ සඳහා වැඩි අවධානයක් ලබා දී ඇත.
කන්ගනාගේ ආදරබර රංගනයට ළඟා වීමට තමන්නාට හෝ කාජල්ට හැකි වේද?
Queen හි ආර්ථික සාර්ථකත්වය මෙම චිත්‍රපටත් ලබා ගනීවිද?
පුරා වසර ගාණක් රසික සිත් තුළ ලැගුම් ගත් Queen මෙන් රසික වටිනාකමක් මේ සඳහාත් ලැබේද?
පිළිතුරු නුදුරු අනාගතයේම ලැබේවි....
