Epic(2013) – වන අරණේ රහස සොයා…
වනන්තරයේ තුළ සැඟවුණ අපූර්ව රහසක් සොයාගෙන යන ලස්සන ත්‍රිමාණ සජීවිකරණ සලරුවක් මේ අවුරුද්දේ මැයි මස අග භාගයේදී අපි හැමෝටම දකින්න ලැබෙනවා. අපි කව්රුත් දන්න ‘Ice Age’ සහ ‘Rio’ ත්‍රිමාණ සජීවීකරණ සලරූ නිෂ්පාදකයන්ගේ තවත් නිර්මාණයක්. මෙහි කතන්දරය ඉතාමත්ම සුන්දර අත්දැකීමක් වේවි කියලා මෙහි පූර්ව ප්‍රචාරක පටය දකින අපිට නම් හැඟෙන්නේ. මෙහි කතාව වන්නේ; ගැහැණු ළමයෙක් පිවිසෙනවා වනාන්තරය තුළ සැඟවුණ, මිනිසුන්ගේ ප්‍රමාණයට වඩා කුඩා, ලෝකයකට. එතැනදී ඇයට තේරෙනවා අපේ ලෝකේ වගේ ඒ ලෝකෙත් හොඳ සහ නරක අතර සටනක් තියෙනවා කියලා. ඉතින් මෙහිදී ඇය හොඳ සමඟ එකතු වී ඔවුන්ගේ ලෝකය වෙනුවෙන් සටනක් කරන අයුරු ඉතා අපුරු විදිහට සලරුවකට නගලා තියෙනවා. මේ නිර්මාණයේ බෙදාහැරීම් කටයුතු සහ නිෂ්පාදන කටයුතු කරන්නේ Blue Sky Studios සහ Twentieth Century Fox Animation යන ප්‍රසිද්ධ සමාගම් මඟින්.
අධ්‍යක්ෂණය :- Chris Wedge
රචනය :- Tom J, Astle, Matt Ember, James V. Hart, William Joyce, Daniel Shere
හඬ කැවීම :-
“බොම්බා” ලෙස Jason Sudeikis
“නිම් ගලු” ලෙස Steven Tyler
“මාරි කැතරින්” ලෙස Amanda Seyfried
“බුෆෝ” ලෙස Pitbull
“ටාරා රැජින” ලෙස Beyonce Knowles
“රොනින්” ලෙස Colin Farrel
“මැන්ඩ්‍රේක්” ලෙස Christoph Waltz වගේ සුපිරි නළුනිළියන් වගේම ගායක ගායිකාවන් හඬ කැවීම මඟින් දායකත්වය ලබාදෙනවා.
~ලිපිය ‘හසන්ත වික්‍රමරත්න’ සහෝගෙන් ~
