DC Universe Update | ස්වාම්ප් තින්ග් කතාමලාව අධ්‍යක්ෂණයට ලෙන් වයිස්මන් එකතු වෙයි

හෙමින් සැරේ අලුත් ආරෙකට නිර්මාණය වෙමින් පවතින DC Universe එකේ ඊලගට නිර්මාණය වීමට නියමිත කතාමලාවක් තමයි Swamp Thing කියන්නේ. මං හිතන්නේ ඔයාලට මතක ඇති මේ කතාමලාවන් එන පිළිවෙල කලින් ලිපියක සදහන් කල නිසා මේ කතාමාලාවේ අයිතිකරු හැටියට කටයුතු කරන්නේ කවුද කියලා?! වෙන කවුරුවත් නෙවෙයි ඒ තමයි ඇක්වාමෑන් චිත්‍රපටයේද අධ්‍යක්ෂක කටයුතු සිදු කල James Wan නම් අධ්‍යක්ෂකවරයායි. දැනට ලැබී ඇති අලුත්ම ආරංචි වලට අනුව ස්වාම්ප් තින්ග් කතාමාලාවේ මුල් කොටස අධ්‍යක්ෂණය සදහා Total Recall (2012) චිත්‍රපටයේ අධ්‍යක්ෂක කටයුතු සිදු කල වගේම Sleepy Hollow හා The Gifted කතාමාලාවන් දෙකෙහි විධායක අධ්‍යක්ෂකවරයකු වශයෙන් කටයුතු කල Len Wiseman එකතු කරගෙන තියෙනවා Swamp Thing කතාමාලාවේ මුල් කොටස අධ්‍යක්ෂණය කිරීම සදහා. තාමත් නිකුත් වන දිනයක් නම් සදහන් වෙලා නැහැ. නමුත් බොහෝදුරට 2019 වසරේ අවසන් කාලයේදී දැකගන්න ලැබේවි.

ඩිසි යුනිවර්ස්හි මුල් කතාමාලාව වන ටයිටැන්ස් කතාමාලාව ලබන මාසයෙ ඔක්තෝම්බර් දොළොස් වැනිදා විකාශය වීමට නියමිත ඇති අතර ඩිසි යුනිවර්ස්හි නිර්මාණය වන දෙවැනි කතාමාලාව වන ඩූම් පැට්‍රෝල් මේ දිනවල රූගත කරමින් පවතිනවා.

චාමර සම්පත්