ඉන්දියානු චිත්‍රපට නරඹන සියලු දෙනා දැන ගත යතුම දෙයක්. – CBFC

ආහ් මේකද! මේක නම්  ඕන තරම් දැකලා තියෙනවා . එහෙම නේද හිතුනේ? ඔව්. ඕන තරම් දැකලා තියෙන දෙයක් ගැන ගොඩක් දෙනෙක් නොදන්නා කතාවක් කියන්න තමයි මේ සූදානම් වෙන්නේ.

චිත්‍රපටයක් හෝ රූපවාහිනී කතා මාලාවක් හිතෙන හිතෙන විදිහට ප්‍රදර්ශනය කරන්න පුලුවන්ද? මම දන්න විදිහට නම් කිසිම රටක එහෙම කරන්න බෑ. ඒ වගේම හැම චිත්‍රපටයක්ම හැමෝටම සුදුසු වෙන්නෙත් නෑ. ඉතින් මේ චිත්‍රපට කර්මාන්තය යම් පාළනයකින් / නියාමනයකින් යුතුව පවත්වාගෙන යා යුතු වෙනවා.ඉතින් ඉන්දියාවේ මේ වෙනුවෙන් පිහිටුවලා තියෙන මණ්ඩලය තමයි CBFC එහෙමත් නැත්නම් චිත්‍රපට සහතික කිරීමේ මධ්‍යම මණ්ඩලය කියලා කියන්නේ. චිත්‍රපට විතරක් නෙවෙයි, රූපවාහිනී කතා මාලා පවා මෙම මඬුල්ලෙන් අවසර ලබා ගත යුතුයි. ඊට පස්සේ තමයි මහජනයා හට ප්‍රදර්ශනය කරන්න පුලුවන් වෙන්නේ. ඉන්දියාවේ CBFC පිළිගැනෙන්නේ ලෝකයේ ගොඩක්ම සීමා කිරීම් තිබෙන මඬුල්ලක් විදිහටයි. ඉතින් මේ මඩුල්ලෙන් නිර්දේශ කරලා තිබෙන රෙගුලාසි සම්පූර්ණ කරාම, මේ සහතිකය අයදුම්කරුවන්ට ලබාගන්න පුලුවන්. මේ ගැන වැඩි විස්තර දැනගන්න ඕන නම් මෙතනට ගිහින් බලන්න.

මේ සහතිකයේ දක්නට ලැබෙන අපි හැමෝටම වැදගත් වන චිත්‍රපට වර්ග කිරීම ගැන මුලින්ම දැන ගනිමු. ප්‍රධාන වශයෙන් සහතික වර්ග 4ක් දකින්නට ලැබෙනවා. ඒ තමයි U, U/A, A සහ S. ඒ පිළිබඳව එකින් එක විස්තර වශයෙන් දැනගනිමු.

01. U කාණ්ඩය (සීමා කර නොමැති)

මේ වර්ග කිරීමෙන් කියවෙන්නේ කිසිම සීමා කිරීමක් නැහැ කියලයි. ඒ කියන්නේ මේ වර්ග කිරීමෙන් නිකුත් වන චිත්‍රපට ඕනෑම කෙනෙක්ට එහෙමත් නැත්නම් පවුලේ සැමට නරඹන්න පුලුවන්. හැබැයි බොහොම සීමිත ප්‍රචන්ඩකාරී ක්‍රියා ඇතුලත් වෙන්න පුලුවන්. වැඩිහිටියන්ට පමණක් සුදුසු වන එහෙමත් නැත්නම් කෙලින්ම කිව්වොත් නිරුවත් දර්ශන ආදිය නම් කොහෙත්ම ඇතුලත් වෙන්නේ නෑ. ඒ නිසා දෙයියනේ කියලා පවුලේ හැමෝටම එකට වාඩි වෙලා බලන්න පුලුවන්. 😛

02. U/A  කාණ්ඩය (වයස අවුරුදු 12 ට අඩු නම් දෙමාපිය අධීක්ෂණය යටතේ නැරඹිය යුතු)

මේ වර්ග කිරීමට අයත් වන චිත්‍රපට වයස අවුරුදු 12 ට අඩු ළමයින් බලනවා නම් දෙමාපිය අධීක්ෂණය යටතේ නැරඹිය යුතුයි. මේ චිත්‍රපට වල ඉතාම සීමිත ලිංගික දර්ශන තියෙන්න පුලුවන්. කෙලින්ම කිව්වොත් කිස් කරන දර්ශන වගේම වැඩිහිටියන්ට වඩාත් සුදුසු ආකාරයේ දර්ශන තියෙන්න පුලුවන්. ඒ වගේම කුඩා හෝ දරුණු ප්‍රචන්ඩකාරී ක්‍රියා සහ හඬ ඉවත් කළ අසභ්‍ය වචන ඇතුලත් වෙන්න පුලුවන්. මගේ අත්දැකීම් අනුව නම් බොහෝ දුරට දකින්න ලැබෙන්නේ මේ වර්ගීකරණයට ඇතුලත් වන චිත්‍රපට.

මේ වර්ග කිරීම ලැබී ඇති චිත්‍රපට වල බොහොම දරුණු වචන, අසභ්‍ය වචන වගේම  ප්‍රචන්ඩකාරී ක්‍රියා ඇතුලත් වෙන්න පුලුවන්. හැබැයි කාන්තාවන්ට අපහාස කරන වචන ඇතුලත් කිරීම තහනම්. ඒ වගේම  වැඩිහිටියන් පමණක් නැරඹීම සුදුසු වන දර්ශන ඇතුලත් වෙන්න පුලුවන්. හැබැයි සම්පූර්ණ නිරුවත් දර්ශන(ඉදිරියෙන් හෝ පිටුපසින්)පෙන්වීම තහනම්. ඉතින් පවුලේ අම්මලා, තාත්තලා, අයියලා, අක්කලා, නංගිලා, මල්ලිලා එක්ක චිත්‍රපටයක් බලන්න යනකොට මේ ලේබල් එක දැක්කොත් එහෙම මොකක් හරි කියලා ශේප් වෙලා බලන්නම ඕන නම් පස්සේ වෙලාවක බලන එකයි තියෙන්නේ. 😛