කොමික්ට්‍රේලර්වගතුගවිචාරවීඩියෝසිංහල උපසිරසසියල්ල

Aquaman (2018) වැඩිදුර තොරතුරු සමඟ පූර්ව ප්‍රචාරක පටය සිංහල උපසිරැසි සමඟ

අමුතුවෙන් කියන්න ඕන නැහැනේ. ඔන්න ඊයේ රෑ චිත්‍රපටලෝලි අපේ හිත මිතුරන්ට ට්‍රේලර් වැස්සක් ලැබුනා. Fantastic Beasts: The Crimes of Grindelwald ආරම්භ උන ට්‍රේලර් වැස්ස අන්තිමේ අවසන් උනේ මම මේ දැන් කියන්න යන 2018 වසරේ අවසන් කොමික් චිත්‍රපටය හෙවත් මුහුදු හතක රජුගේ රාජාභිෂේකය ගැන කියවෙන Aquaman චිත්‍රපටයෙන්. ඉතින් කාට නැතත් DC අපිට නම් බලාපොරොත්තු තියාගන්න පුළුවන් දෙයක් ඊයේ රාත්‍රියේ මදි නොකියන්න ලැබුනා. මුලින්ම Shazam ට්‍රේලර් එකෙන් පුදුම කිරීම පටන් ගත්තා වගේම මේ ට්‍රේලර් එකෙන් හුස්ම මදකට නතර කරන සමත් උනා කිව්වොත් වඩා නිවැරදියි. ඉතින් දෙසැම්බර් 21 කියන්නේ වැඩි ඈතක් නොවුනට මේ ට්‍රේලර් එකෙන් පස්සේ තවත් ඒ දුර වැඩි වගේ හැඟීමක් අපි හැමෝටම ආවා. එහෙනම් ඔන්න හැමෝටම භාරයි මුහුදු පතුලේ රාජ්‍යයේ රාජ උරුමය සොයා යන ගොඩබිමට සහ මුහුදට යන දෙකටම නෑකම් කියන හිමිකරුවාගේ කතාවේ මූලාරම්භය අරගන්න.

ඒ අතරේ ඔයාලට පොඩියට කියන්නම් ඇක්වාමෑන් හෙවත් ආතර් කරීගේ විස්තර මොනවද කියල. ඇත්තෙන්ම ආතර් කරීගේ පියා ජලයෙන් මතුපිට ලෝකයේ අපි වගේ ජිවත් වෙන මනුස්සයෙක්. ඔහු ප්‍රදීපාගාරයක මුරකරුවෙක්. එතකොට මව වෙන්නේ ඇට්ලන්ටික් ලෝකයේ රැජිණක් වන අට්ලානා රැජිණ. ඒ දෙදෙනාගේ පුත්‍රයා තමයි ආතර් හෙවත් ඇක්වාමෑන් කියන්නේ. ඔහු කුඩා කාලයේ ඉඳන් ජිවත් වෙන්නේ මතුපිට ලෝකයේ තම පියා එක්ක. ඉතින් මවගෙන් උරුම වූ දායාද ඔහුට කුඩා කාලයේ පටන්ම උරුම වූ දෙයක්. ආතර්ගේ මවට හැමදාම මතුපිට ලෝකයේ ජිවත් වෙන්න බැහැ මොකද ඇය තමයි ඇට්ලන්ටා රැජිණ. ඇය නැවතත් ඇයගේ ලෝකයට ගොස් රාජ්‍ය පාලනය කිරීමට ඇති උවමනාව නිසා වෙනත් කෙනෙක් හා විවාහ වෙනවා. ඉතින් ඇයට ඒ විවාහයෙන් ලැබෙන දැරුවා තමයි ඕම් කියන්නේ. ආතර් පළමු දැරුවා උනත් ඔහුට මතුපිට ලෝකය හා තියෙන සම්බන්ධය සහ පසු කාලිනව වෙනත් උරුමක්කාරයෙක් නැති නිසාවෙන් රජු බවට පත් වෙන්නේ ඕම් කුමාරයා. ඉතින් ඔහුගේ බලාපොරොත්තුව වෙන්නේ මතුපිට ලෝකය සමඟ යුද්ධයක් පටන් ගෙන ඒ ලෝකයත් තම අණසකට නතු කරගන්න. ඉතින් මේ අරමුණට ආතර් ඉඩ දෙන්නේ නැහැ. ඊට උදවු වෙන්නේ මීරා නමැති තවත් කුමාරිකාවක්. ඇය Xebel නමැති රාජධානියේ කුමාරිකාවක්. මුහුද යට රාජධානි හතක් තිබෙනවා. ඒ හැම එකකටම වෙනම රජෙක් ඉන්නවා. ඒ හැම රාජධනියකම ඉන්නේ වෙනස්ම වූ ජීවින් කොට්ඨාශ. ඉතින් ඇට්ලන්ටික් රාජධානිය තමයි මේ සියල්ලේම පාලනය වෙන රාජ්‍යය වෙන්නේ. ඒ රාජධානි හත තමයි

1.Atlantis Kingdom
2.Fisherman Kingdom
3.The Brine Kingdom
4.Xebel Kingdom
5.The Trench Kingdom
6.The Missing Kingdom
7. නමක් තවම ලැබී නැහැ.

මේ තමයි දැනට හොයාගන්න ලැබුන තොරතුරු අනූව මේ රාජධානි 7 සඳහා ලැබී තිබෙන නම්. ඉතින් ආතර්ට තියෙන ලොකුම අභියෝගය තමයි ඕම් කියන්නේ. ඕම් කියන්නේ බලයට කෑදර කෙනෙක් ඉතින් එයා මේ සටන දිනන්න තමන්ට පුළුවන් හැමෝම එකතු කරගන්න උත්සාහ කරනවා. ඒ උත්සාහයේ ප්‍රතිපලයක් තමයි අපි මේ ට්‍රේලර් එකේ දකින Black Manta. කොමික් පොතපතේ හැටියට නම් Black Manta විසින් ඇක්වාමෑන්ගේ පුතාව මරා දමනවා ඒ වෙනුවෙන් ඇක්වාමෑන් Black Mantaගේ පියාව මරනවා. එහෙමයි දෙන්නගේ වෛරය ආරම්භ වෙන්නේ. ඉතින් අපි දෙසැම්බර් දකින කතාව තරමක් වෙනස් වෙයි. එහෙනම් හමුවෙමු මේ වගේ විස්තරයකින්. ජය!!!!

Author

5 thoughts on “Aquaman (2018) වැඩිදුර තොරතුරු සමඟ පූර්ව ප්‍රචාරක පටය සිංහල උපසිරැසි සමඟ

  • Sub eka denne kawadda.. film eka download karan inne sub eka denakan.

    Reply
  • me film eke sub eka dennako. film eka den download karanna thiyenawa. man gaththa

    Reply
  • බොහෝම ස්තූතී ලිපියට 🙂

    Reply

Leave a Reply

Your email address will not be published. Required fields are marked *