කොමික්ටීවී කතා මාලාපුවත්වගතුගසියල්ල

නවතම ඩීීසි විශ්වයට එකතුවන හයවැනි කතාමාලාව 2019 වසරේදී.. .

පේනවිදිහට නම් DC Comics වල සියලුම කාර්ය මණ්ඩලයන්වල අය SDCC පටන් ගන්නකන් ඉදලා තියෙන්නේ ප්‍රේක්ෂකයන්ව දිගින් දිගටම පුදුම කරන්නද කොහෙද. ඒ මොකද කියනවනම් ඇමරිකානු කොමික් පොත් රචකයෙක් වගේම රූපවාහිනී කතාමාලා තිරපිටපත් රචකයෙක් වගේම නිෂ්පාදකවරයෙක් වශයෙන් කටයුතු කරන Geoff Johns තවත් ඩීීසි කොමික් පදනම්ව නිර්මාණය කිරීමට බලාපොරොත්තු වන කතාමාලාවක් ගැන දැනුවත් කරලා තියෙනවා. ඇය නමින් ස්ටාර්ගර්ල්.

මං ඔයාලට කලින් ලිපියකදී කිව්වා DC Universe කියන ලයිව් ස්ට්‍රිමින් ෆ්ලැට්ෆෝම් එක කියන්නේ මොකක්ද වගේම ඒකෙන් වෙන්නේ මොකක්ද කියලත්.  ඉතින් DC Universe කියන ස්ට්‍රිමින් ෆ්ලැට්ෆෝම් එකටම අයත් වන හයවැනි කතාමාලාව තමයි ස්ටාර්ගර්ල් කියන්නෙ. මේක කාටුන් විදිහට නිර්මාණය වෙන ඇනිමේෂන් සීරිස් එකක් නම් නෙවෙයි. තනිකරම ලයිව් ඇක්ෂන් විදිහට නිර්මාණය වන්නක්.

කෝර්ටනි වයිට්මෝර් නොහොත් ස්ටාර්ගර්ල් නම් අන්වර්ථ නාමයෙන් හදුන්වන මේ චරිතය මුලින්ම නිර්මාණය වන්නේ Geoff Johns හා Lee Moder කියන දෙන්නා විසින්. 1999 වසරේදී තමයි S.T.R.I.P.E. නම් පළමු කලාපයෙන් කොමික් අතරට පැමිණෙන්නේ. එහෙම නිර්මාණය වුණු මේ චරිතය මේ වෙද්දී ලයිව් ඇක්ෂන් කතාමාලා දෙකකින්ම ප්‍රේක්ෂකයින් අතරට ඇවිත් තියෙනවා. එනම් Smallville වගේම Legends of Tomorrow යන කතාමාලා දෙකෙනුයි.

ඉතින් මේ අලුතින් නිර්මාණය වන ස්ටාර්ගර්ල් කතාමාලාවත් නිෂ්පාදන කටයුතු සිදු කරන්නේ Geoff Johns විසින්මයි. SDCC සාකච්ඡාවේදී එයා කියලා තියෙන විදිහට නම් 2019 වසරේදී මේ ලයිව් ඇක්ෂන් කතාමාලාව දැකගන්න පුලුවන් වෙයි කියලා.

 

Author

One thought on “නවතම ඩීීසි විශ්වයට එකතුවන හයවැනි කතාමාලාව 2019 වසරේදී.. .

  • enakal balan innawo

    Reply

Leave a Reply

Your email address will not be published. Required fields are marked *