Titans (2018-) Trailer [පූර්ව ප්‍රචාරක පටය සිංහල උපසිරැසි සමග + Trailer Breakdown දන්න සිංහලෙන්…]

හරියටම මීට මාස දෙකකට කලින් මං ලිපියක් අරන් ආවා ඩීීසි කොමික් රසිකයින්ට සුභ ආරංචියක් කියලා. මතකද දන්නේ නැහැ. ඒ ලිපියේ සදහන් වෙලා තිබුණු එක් කතාමලාවක් තමයි Titans (2018-) කියන්නේ. මේ කතාමාලාවේ අලුත්ම තොරතුරුත් විටින් බයිස්කෝප් මංසල හරහා අරන් ආවා. ඉතින් වසරක් පාසා පවත්වන සැන්ඩියේගො කොමික් කොන් තුලින් මේ කතාමාලාවේ මුල්ම පූර්ව ප්‍රචාරක පටයත් නිකුත් වුණා. තාමත් ට්‍රේලර් එක බැලුවේ නැත්තම් පහල තියෙන තැනින් ගිහින් බලන්න.

Trailer Breakdown දන්න සිංහලෙන්…

ට්‍රේලර් එක මුලින්ම පටන් ගන්නේ හේලි සර්කස් එකෙන්. හේලි සර්ක්ස් එක කියන්නේ ඩික් ග්‍රේසන්ගේ ඔරිජින් එක එහෙම නැත්තම් එයාගේ මුල් කතාව පටන් ගන්නේ මේකෙන්. මේ තැන අයිති ඩික් ග්‍රේසන්ටමයි. මෙහෙදී තමයි එයා Flying Graysons කණ්ඩායමේ කොටස්කාරයෙක් හැටියට සර්කස් එකේ වැඩ කලේ. ඒවගේම රොබින් හැටියට හැදුනේ වැඩුනෙත් මෙහෙදී තමයි. Trapeze Act එහෙම නැත්තම් ට්‍රැපිසියක හැඩති ක්‍රියාකාරකමක් පෙන්නුම් කරන්න ගිහින් තමයි ඒ ආධාරක ලණු කඩන් වැටිලා එයාගේ අම්මයි තාත්තයි මැරිලා යනවා.

Trapeze Act

මේ මරණේ නිකන්ම සිදු වෙච්ච දෙයක් නෙවෙයි. අපරාධ නායකයෙක් විසින් සිදු කරන ලද්දක්. ට්‍රේලර් එකේ උඩ ඉදන් ලණුව කඩන් වැටෙන සිදුවීම් එහෙම පෙන්නනවා දකින්න ඇති. මේ සිදුවීමේ ඇනිමේෂන් කාටුන් එකකින් උපුටලා ගත්ත විඩියො කොටසක් තියෙනවා. කැමතිනම් ඒකත් මෙතනින් බලන්න.

ඊළගට අපිට රේවන්ගේ පැහැදිලි මුහුණුවරක් දකින්න ලැබෙනවා. රේවන්ට රංගනයෙන් දායක වෙලා තියෙන්නේ “Teagan Croft” කෙනායි. රේවන් කියන්නේ 1980 කාලයේදී Marv Wolfman වගේම George දෙදෙනාගේ එකතුවෙන් නිර්මාණය වුණු New Teen Titans ඇසුරින් බිහිවුණු චරිතයක්. රේවන් කියන්නේ ට්‍රයිගෝන් නම් සද්දන්ත ඩීමන්ගේ දුව. Justice League vs. Teen Titans (2016) චිත්‍රපටය බැලුවා නම් මේ දෙන්නගේ සම්බන්ධය ඔයාලා දන්නවත් ඇති. රේවන්ට තියෙනවා ගුප්ත විදිහේ අමුතු බලයන්ගේ පිරුණු හැකියාවන්. මිනිස්සුන්ගේ හැගීම් දැනීම් දැනගන්න එහෙම පුලුවන්. 

ට්‍රේලර් එකේ මුල් කොටසදී හේලි සර්කස් එකට යන රේවන්ගෙන් කෙනෙක් අහනවා ඔයා කවුද කියලා. තේරුණු හැටියට එතෙන හිටියෙත් අතහැරලා දාපු සර්කස් එකේ හැංගිලා ඉන්න තැනක් හැටියට පාවිච්චි කරන ඩික් ග්‍රේසන්මයි. එතනදි ග්‍රේසන්ව දාකලා හෝ රේවන් ග්‍රේසන්ගේ අතින් ඇල්ලුවම එයාගේ බලයන් හරහා දැනුනු නිසා තමයි රේවන් අදුරගන්නේ එයාගේ ඉස්සරහ ඉන්නේ සර්කස් එකේ හිටිය කොල්ලා කියලා. ට්‍රේලර් එක කට් කරලා තියෙන විදිහට නම් ඒක හරියටම කියන්න තේරෙන්නේ නැහැ.

ඊගාවට තමයි අපිට ඩික් ග්‍රේසන් නොහොත් රොබින්ගේ හොද මුහුණුවක් දකින්න ලැබෙන්නේ.  ඩික්ට රංගනයෙන් දායක වෙලා තියෙන්නේ “Brenton Thwaites” කෙනායි. රොබින් හැටියට නගරේ ආරක්ෂකයෙක් වශයෙන් කටයුතු කරන අතරේ පොලිස් නිලධාරියෙක් හැටියටත් කටයුතු කරන බවක් තමයි පෙනුනේ. මං හිතන්නේ මේ තමයි එයා කොමික්වල වගේම අවුරුදු දාසයක් පුරාවටම සේවය කරපු Bludhaven PD නොහොත් බ්ලඩ්හේවන් පොලිස් දෙපාර්තමේන්තුව වෙන්න ඕන මේකෙත් මේ පෙන්නන්නේ. 🤔🤔

Like Father, Like Son 😍🔥

ඊගාවට තමයි අපිට බැට්මෑන් ලගදි දකින්න ලැබෙන බැට්රෑන්ග් එක වගේම රොබින්ගෙත් එයාට ආවේනික වෙච්ච තරුවක හැඩයක් ගත්ත රොබින් රෑන්ග් එකක් විසි කරනවා දකින්න ලැබෙන්නේ. ටයිටැන්ස් කතාමාලාවේ නිෂ්පාදක මණ්ඩලය ඔය “R” හැඩති රෑන්ග් එක නිර්මාණය කරන්න දායක වෙලා තිබුනත් අවසානයේදී Neal Adams වගේම Norm Breyfogle කියන දෙන්නා තමයි ඕක හදන්න සෑහෙන මහන්සි වෙලා තියෙන්නේ.

මේක තමයි හොදම හරිය. රොබින්ගේ කෙරුවාව දකින්න ඇතිනේ බැට්මෑන්ටත් බැනලම පටන් ගත්තා. ට්‍රේලර් එක පටන් ගන්න හරියෙදි අවධානයෙන් බැලුවා නම් දකින්න ඇති දැනුවත් කරලා මේක R-Rated කතාමාලාවක් කියලා?! සැහැසිකම, ප්‍රචණ්ඩත්වය හා කුහුහරුප වගේ දේවල් වලින් මේ කතාමාලාව මිශ්‍ර වෙලා තියෙන නිසයි එහෙම දෙයක් ගැන කලින් දැනුවත් කිරීමක් කරන්නේ. කොටින් කියනවනම් ඉතින් රොබින්ගෙන් පටන් ගත්තම එයා අපරාධකාරයින්ට දරුණුවට පහර දීපු හැටිත් අපිට දකින්න ලැබුණානේ. 

මේ ගැන නම් මං කතා කරන්නවත් කැමති නැහැ මොකද කියනවනම් මීට වඩා හොදට ස්ටාර්ෆයර්ගේ චරිතයට ගැලපෙන කොස්ප්ලේයර්ලා පවා ඉන්නවා. එහෙම නැතුව ස්ටාර්ෆයර් හැටියට “Anna Diop” මොකට තෝරගත්තද මන්දා. මේ ස්ටාර්ෆයර් කියන චරිතය නිර්මාණය වෙන්නෙත් Wolfman වගේම Perez කියන දෙදෙනාගේ අතින්. Koriand’r කියන්නේ පිටසක්වල ජීවී කුමාරිකාවක්. පසුකාලීනව තමන්ගේ සහෝදරිය විසින් ඇයව වහල්ලුන්ට විකුනනවා. එතනින් පැනලා යන්න ලැබුනම තමයි අවසානයේදී පෘතුවියේදී එයාට ටයිටැන්ස්ලව මුණගැහෙන්නේ.

ඊළගට දකින්න ලැබුණු ජෝඩුව තමයි හ්වාක් වගේම ඩොව් දෙන්නා. හ්වාක් හැටියට රංගනයෙන් දායක වෙන්නේ “Alan Ritchson” වගේම ඩොව් හැටියට රංගනයෙන් දායක වෙලා තියෙන්නේ “Minka Kelly” කියන ඇමරිකානු නිළියයි. මේ දෙන්නව 60′ කාලයේදී තමයි Steve Ditko විසින් නිර්මාණය කරලා තියෙන්නේ. මේ දෙන්නාගෙනුත් රොබින්ගේ වගේම ප්‍රචණ්ඩකාරී බවක් පහරදීම් වලිදි දකින්න ලැබුණා. 

තවත් හොද චරිතයක් අවසාන හරියෙදි දකින්න ලැබෙනවා. ඒ තමයි බීස්ට් බෝයි. බීස්ට් බෝයිවත් නිර්මාණය කෙරෙන්නේ Arnold Drake, Bob Brown දෙදෙනාගේ අතින්. බීස්ට් බෝයි කියන්නෙත් Doom Patrol (ඩූූම් පැට්‍රොල්) කණ්ඩායමේ සාමාජිකයෙක් වගේම ටයිටැන්ස් වලත් සාමාජිකයෙක්. “Ryan Potter” ඇමරිකානු නළුවා තමයි බීස්ට් බෝයිගේ චරිතයට රංගනයෙන් දායක වෙන්නේ. 

ඔය චරිත කිහිපය තමයි අපිට මුල්ම ට්‍රේලර් එක තුලින් දකින්න ලැබුණේ. හැබැයි තවත් සාමාජිකයන් මේ කණ්ඩායමේ ඉන්නවා. මේ කණ්ඩායමේ විතරක් නෙවෙයි මේ ටයිටැන්ස් එකේ අයට ඩූූම් පැට්‍රොල් එකේ අයවත් මුණගැහෙනවා. (එහෙම වෙන්න ඕන මොකද මේ වෙද්දී නිකුත් කරලා තියෙන එපිසෝඩ් ගයිඩ් එකට අනුව නම් පස්වැනි කොටස නම් කරලා තියෙන්නේ Doom Patrol කියලා) අනික තමයි ඒ Doom Patrol කණ්ඩායමේ ඉන්න චරිත වලට අදාළ නළු නිලියන් පවා වෙන් කරගැනීමක් කරලා ඉවරයි.

CW නාලිකාවේ ඇරෝවර්ස් එකේ ටින් කැටගරි එක අවධානයට යොමු කරන් හදන කතාවලට හාත්පසින්ම වෙනස් වගේම DCEU එකේ ආරයට යන අදුරු බවකින් යුක්ත කතාමාලාවක් තමයි මේ ටයිටැන්ස් කියන්නේ. මේක විකාශය වෙන්නේ ඩීීසිලා ආරම්භ කරපු DC Universe කියන එයාලගෙම ලයිව් ස්ට්‍රීම් ෆ්ලැට්ෆෝම් එක තුලයි. විකාශය වන දිනය ගැන නම් තාමත් දැනුම් දීමක් නම් කරලා නැහැ. ආයෙමත් අලුත් තොරතුරු ලැබුනම මුණගැහෙන්න මේ පැත්තේ එන්නම්කො.