WestWorld S02 E05 | Akane no Mai | පැහැදිලි කිරිම

ඔන්න සමීර අයියා මේ සැරේ කතාවට උපසිරස දුන්නනේ.පොරොන්දු උන පරිදිම මං නොකඩවා කතාවේ සෑම කොටසම විවරනය ගෙන එනවා.අද කතාවේ දර්ශන වලින් 80% කට වඩා තියෙන්නේ  shogun world පදනම් කරගෙනයි.පෙර ලිපි වලදි අපි ඔබට කිව්වා මතක ඇති මේ ජපන් සමුරායිවරුන් ඉන්න උද්‍යානය ගැන.මේ උද්‍යානයට අයත් කාල සීමාව වෙන්නේ 1600 ත් 1870 අතර කාලයයි.මේ  උද්‍යානයට Shogun World කියලා නම තබලා තියෙන්නේ ඒ යුගයේ පාලනයවු රජයේ නම Tokugawa shogunate වු නිසයි.

මේ කතාංගයෙත් එක ගැන පොඩ්ඩක් අවධානය යොමු කරලාම කතාවේ පැහැදිලි කිරිමට යමු. Akane no Mai කියන වාක්‍ය සිංහල අදහස තමයි රතු නැටුම. ඒ නැටුම තමයි අපි අවසානයට දකින්නේ.එවගේම තවත් තේරුමක් තියෙනවා ඒ තමයි මේ කැරැල්ල ඇතිවු පසුව ලේ විලක් බවට පත්වෙමින් යන එක. Akane කියන්නේ කව්ද කියලා දන්නවනේ. shogun world වල මේව් ගේ චරිතය කරන කෙනා. මේ කොටස පිලිබද මිශ්‍ර‍අදහස් තමයි ප්‍රේක්ෂකයන්ට තියෙන්නේ.ඒකට හේතු කිහිපයක්ම තියෙනවා.එකක් තමයි වැඩි වශයෙන් ජපන් දෙබස් අන්තර්ගත විම.ආසන්න වශයෙන් මුළු දෙබස් වලින්  13 වගේ ප්‍ර‍මානයක් තියෙන්නේ ජපන් දෙබස් කන්ඩ.

අනෙක් කාරණාව තමයි කතාව එකවරම වෙනත් උද්‍යානයක් හා වෙනස් රිද්මයකට මාරු විම.නමුත් අපි අමතක කරන්න හොද නෑ මේ කතා සමයේ mid-season එක තමයි මේ පස්වන කොටස.ඉතිං කතාවේ යම් වෙනසක් වෙනවා නම් ඒක ආරම්භ වෙන්න ඔනේ මෙන්න මේ කොටසන්.


1.ටෙඩි

5 වැනි කොටස ආරම්භ වෙන්නේ කාල් ඇතුලු කන්ඩායම පාලක මැදිරියට පැමින කරන පරික්ෂාවකින්.ඔවුන් අර ජලාශයේ පාවෙමින් තිබු රෝබෝ සිරුරු එක් ස්ථානයකට ගෙනත් ගොඩගහනවා. මෙන්න මේ අවස්ථාවෙදි අපිට දකින්න පුළුවන් ටෙඩිව.පලමු කොටස අවසන් වුනේ ජලාශයේ ගිලි සිටින ටෙඩිව පෙන්වමින්.මෙතන යම් විශේෂත්වයක් තියෙනවා මේ අවස්ථා දෙකේදිම ටෙඩිව පෙන්වද්දි එතන බර්නාඩ් සිටිනවා.එවගේමයි අවස්ථා දෙකේම එක සමාන හැගිමක් තමයි පෙන්නුම් කරන්නේ.මේ ඇසුරෙන් අන්තර්ජාලයේ යම් අනුමානයක් කරලා තියෙනවා කාල් ඇතුලු පිරිස උද්‍යානයට එන කොට බර්නාඩ්ගේ සිරුර තුල ඉන්නේ ටෙඩි කියලා.

එවගේමයි අපි දැක්කා ඩොලොරස් ටෙඩි කරපු දේ.මේක මෙහෙම වෙයි කියලා කලිං පැහැදිලි කිරිමකදි අනුමානයක් කලා ඔයාට මතක ඇති.හැබැයි ඩොලොරස් මේ වගේ දරුණු තීරනයකට එකසැරේම ආවේ නෑ.දකින්න ඇති ඩොලොරස් සහ ටෙඩි අතර යම් සංවාදයක් වෙනවා.එතනදිඇය කියනවා කලිං අවස්ථාවකදි ඔවුන්ගේ ගව රංචුවට වැලදුනු bluetongue  කියන වෛරස් රෝගය මැඩපවත්වපු ආකාරය ගැන.එහිදි ඩොලොරස්ගේ තාත්තා ඒ රෝගිවු ගවයන් සියළු දෙනාවම ගිණි තියලා විනාශ කරනවා.එහෙම කරන්නේ මැස්සන් හරහා ඒ රෝගය පැතිරිම වලක්වන්නයි. ඒක ඇත්තටම ටෙඩිගේ ස්භාවය දැනගන්න කරපු පරික්ෂනයක්. මෙතන සැගවුනු අර්ථය මේකයි,

  • නිරෝගි ගවයන් = කැරැල්ලට සහය දක්වන රොබෝවරු             
  • රෝගිවු ගවයන්  = ටෙඩි ඇතුලු තවමත් කැරැල්ලට පුර්ණ කැමැත්තක් නොදක්වන රොබෝවරුන්
  • මැස්සන්             = මිනිසුන්

ඒ පරික්ෂන ටෙඩි අසමත් වෙනවා. ඒ මොකද ඔහු කියනවා ඒ රෝගිවු ගවයන් නොමරා ඔවුන්ව වෙන්කරලා තිබ්බානම් මැස්සන්ගෙන් බේරගන්න පුළුවන් කියලා.එතනදි ඩොලොරස් දැනගන්නවා ටෙඩි මේ තත්ත්වයෙන් තවදුරටත් හිටියොත් ඇයට ඔහු ලොකු බාධාවක් වෙන බව.ඒ නිසයි ඇය ඔහුගේ කේත පද්දතිය වෙනස් කරන්නේ.මේ වෙනස්කම පිලිබදව විවිධ මත තිබුනත් පිලිගත හැකි අනුමානයක් තවම නෑ.ටැබ්ලට් පරිගනක තිරය මත පෙන්නුම් කරන දේ අනුව නම් ඔහුගේ තනිව සිතිමේ හැකියාව අඩුකරලා ඩොලොරස්ගේ පාලනයට අරගෙන තියෙනවා වගේ


2.west world vs shogun world

ඇත්තටම shogun world කියන්නේ west world වල ජපන් සංස්කරනයයි.හෙක්ටර්,ආමිස්ටිස් හා මේව් ඇතුලු චරිත එලෙසම  shogun world තුලදි දකින්න පුළුවන්.ඒ විතරක් නෙවෙයි එහි එන සිදුවිම් පව සමානයි.මේකට හේතුවක් විදිහට සයිස්මෝර් සදහන් කරන්නේ සති 3කින් කතා 300ක් ඔහුට ලියන්න තිබෙන නිසා වැඩේ ඉක්මන් කරන්න මෙලෙස copy & paste කල බව.ඒ වගේමයි ඔහු කියනවා කිසිම විටෙක රොබෝවරයෙක් තමන්ගේ නිවුන් රොබෝබවරයාව නොදැකිය යුතු බව.උදාහරනයකට ගත්තොත් හෙක්ටර්   දකින්න බෑ ආමිස්ටිස් දකින් බෑ ඒ වගේම මේව් අකෙනව දකින්නත් බෑ.හැබැයි ඒක එහෙම උනා නමුත් මෙතන තියෙන සුවිශේෂි බව තමයි සාමානයෙන් එහෙම උනාම රොබෝවරන්ගේ දෝෂයක් ඇතිවෙන්න ඔනේ.නමුත් ඒක එහෙම උනේ නෑ.ඔවුන් හැසිරුනේ හරියට මනුස්සයෙක් තමන්ගේම ක්ලෝනයක් දැක්කාම හැසිරෙන ආකාරයටයි.

තවත් දෙයක් තමයි ජපන් සටන්කාරයි එහෙමත් නැතිනම් ආමිස්ටස්ගේ නිවුන් රොබෝවරිය කියනවා සර්පයෙකුටත් මකරෙකු විය හැකි බව.මෙතන අදහස මේකයි ආමිස්ටිගේ පච්චයේ තියෙන්නේ සර්පයෙක්.ජපන් සටන්කාරියගේ පච්චය මකරෙක්.ඔවුන් දෙදනා සමාන බව තමයි එතනදි කියන්නේ.

එවගෙමයි අකෙනා සහ සකුරා අතර සම්බන්ධය මෙව් සහ ඇයගේ දියණිය අතර සම්බන්ධයට සමපාත වන බවට ඇතමුන් කියනවා.නමුත් ඔබ හොදින් බැලුවොත් සකුරාගේ චරිතය සමපාත වෙන්නේ ක්ලෙමෙන්ටයින්ගේ චරිතයටයි.ක්ලෙමන්ටයින් කිව්වමයි මතක් උනේ .ඩොලොරස් සහ ටෙඩි තැබැරුමට ගියවෙලාවේ දැක්කනේ පරණ ක්ලෙමන්ටයින් අලුත් ක්ලෙමන්ටයින් දිහා බලාගෙන ඉන්නවා.ඒ බැල්ම තුල තිබුනු වේදනාව,වික්ෂිපත බව හොදටම තිබුනා.එවගේමයි එතනදි ටෙඩ් තමන්ගේ සුපුරුදු පරිදි අලුත් ක්ලෙමන්ටයින් සමග කතා කරනවා. සමහරවිට ඩොලොරස් තමන්ගේ සැලසුම ඉක්මන් කරන්න සමහරවිට මේක හේතු වෙන්න ඇති.


3.සයිස්මෝර්

පසුගිය කතාසමයේදිත් මේ කතා සමයෙදිත් සයිස්මෝර්ගෙන් උනේ කතාවට හාස්‍ය රසය එකතු කිරිම පමනයි.නමුත් මේ කතාංගයේදි සයිස්මෝර් තමන්ගේ වැඩ පෙන්වන්න පටන්ගත්තා.අපිට දකින්න ලැබුනා ඔහුට මේ චරිත පිලිබදව සහ භූමිය පිලිබද තිබෙන අවබෝධය.ඒවගේමයි ඔහු මෙතනින් ගැලවියාමට යම් සැලැස්මකුත් ක්‍රියත්මක කරනවා.ඒක සාර්ථක උනාද  කියන එක ඉදිරි කොටස් 2 ඇතුලදි අපිට බලාගන්න පුළුවන් වෙයි.


4.මේව්

මේව්ගේ පර්වර්ථනය තමයි මේ කතාංගයේදි වැඩිපුරම ස්මතුකරලා තියෙන්නේ.මේ පිලිබද අදහස් දක්වන ප්‍රෙක්ෂකයන් නම් කියනේ මේව්ගේ චරිතය matrix චිත්‍රපටයේ neo ගේ චරිතයට සමානයි කියලා.මොකද ඔහුත් තමන් ජිවත්වන ලෝකය පිලිබද නිවැරදි අවබෝධය ලබාගත්තට පස්සේ සුවිශේෂි හැකියාවන් රැසක් නොමිලේම හිමිවෙනවා.

දැන් බලමු මේව්ගේ මේ සුපිරි බලයේ තාක්ෂණික පසුබිම.මේ හැම රොබෝවරයෙක්ම ජාල ගතවෙලයි ඉන්නේ හරියට wifi ජාලයට සම්බන්ධ උනු ජංගම දුරකතන වගේ.ඉතිං මේ ජාලයේ ඉන්න එක රොබෝවරයෙක්ට පුළුවන් තමන් අවට ඉන්න අනෙක් රොබෝවරුන්ව හදුනාගන්න.ඔවුන්ගේ පද්තියට පිවිසෙන්න.හැබැයි යම් සීමාවක් තියෙනව. දැන් ප්‍ර‍ධාන ජාලය බිදවැටිලා නිසා පද්දති ආරක්ෂාවත් නෑ මේව් කලේ මෙන්න මේ බිද වැටිම හරහා රොබෝවරුන්ගේ පාලන පද්දතියට ඇතුල්වුන එකයි. ඒක එකතරා විදිහක hack කිරිමක්.නමුත් ඩොලොරස්ට තවම මෙවැනි වාචික විධාන නොමැතිව අනෙක් රොබෝවරුන් පාලනය කිරිමේ හැකියාවක් නෑ.එතකොට ගැටලුවක් මතුවෙනවා ඇයගේ සවිඥානය පිලිබදව.


5.සැගවුනු සලකුණු

මේ තියෙන කොඩි දිහා දැක්කම මොකද හිතන්නේ.මේ ගැන විවිධ අනුමානයන් තියෙනවා එකක් තමයි මේ උද්‍යාන 6 ලාංජන කියලා.නමුත් කලිං පැහැදිලි කිරිමකදි සදහන් කරපු සලකුණත් මෙතන තියෙනවා.

ඒ වගේමයි සකුරාගේ පිටේ කැටයම් කරපු ගසක සලකුනත් කතාවේ විවිධ තැන් වලදි අපිට හමුවෙලා තියෙනවා.

අනෙක් දේ තමයි කනෙන් මස්තික්ෂ දියර පිටතට කාන්දු විම.බොහෝවිට මේ රොබෝවරුන්ට අලුත්වැඩියාවක් නොකර ක්‍රියාත්මක වෙන්න පුළුවන් උපරිම කාලයක් ඇති.ඒ සිමාව පසු කරාම ඔවුන් ගේ විවිධ දෝෂ හටගන්නවා වෙන්න පුළුවන්. මතකනේ බර්නාඩ් රොබෝවරයෙක් බව එල්සි දැගත්තු ගමන් අහපු පලවෙනි ප්‍රශ්නය තමයි ඔහුව අලුත්වැඩියා කරන්නේ කොහොද කියන එකයි.එතනින් පැහැදිලි වෙනවා අලුත්වැඩියා කිරිම කොතරම් වැදගත්ද කියලා.


අදට කරුණු 5 කින් පැහැදිලි කිරිම අවසන් කරනවා.මොකද ලිපියක් ලියන්න ලැබෙන කාලයත් ගොඩක් අඩු නිසා.

කළිඳු වසුක (11 Posts)


Leave a Reply

Your email address will not be published. Required fields are marked *

error: Content is protected !!