ඩීීසි කොමික් රසිකයින්ට සුභ ආරංචියක්… .

ඩීීසි කොමික්ලගේ අලුත්ම වැඩක් ගැන ආරංචියක් ලබා දෙන්නයි මේ සුදානම. හැබැයි ඉතින් ටිකක් පරණයි ඒත් ඉතින් නොදන්න කෙනෙක් හරි දැනගනීවිනේ. වෝනර් බ්‍රදර්ස් වගේම ඩීීසි එන්ටර්ටේන්මන්ට් එක්කාසු වෙලා අලුත්ම වැඩක් පටන් ගන්න බව පසුගිය වසරේදී දැනුම් දුන්නා. ඒ තමයි ඩීීසිලටම කියලා තමන්ගේම ස්ට්‍රිමින් සේවයක්. ඒත් මොකක්ද මේ ස්ට්‍රිමින් සර්විස් එකක් කියන්නේ? ඒ ගැන මුලින් දැනන් ඉම්මු.

Streaming Service එකක් නොහොත් ප්‍රවාහ සේවයක් කියන්නේ යම් ඉල්ලීමක් පරිදි අන්තර්ජාලය හරහා ඔන්ලයින් රුපවාහිනී කතාමාලා, චිත්‍රපට හෝ අනිකුත් ඕනෑම විදිහක වීඩියෝ පට නරඹන්න තියෙන හැකියාව. මේක හුගක් වෙලාවට නොමිලයේ ලැබෙන්නේ නැහැ. මොකද සාමාජිකත්වයක් අරගෙන ලියාපදිංචි වෙන්න ඕනා මාස පතා හෝ අවුරුද්දකට අදාළ ගෙවීමක් සිදු කරලා. උදා – Netflix, iTunes, Hulu, YouTube, Vudu, Amazon Instant, LoveFilm, Baidu, NowTV and Vimeo

අවබෝධ වෙන්න ඇතිනේ මොකක්ද මේ ස්ට්‍රිමින් සර්වීස් එකක් කියන්නේ කියලා. දැන් යමු ආරංචිය දිහාවට. ඩීීසිලට කියලා නිර්මාණය වෙන මේ ස්ට්‍රිමින් සර්විස් එක නම් කරලා තියෙන්නේ DC Universe නමින්.  මේක තාම එළිදක්වලා නම් නැහැ. නමුත් මේකත් ගෙවීමක් කරලා ලබාගන්න ඕන සේවයක්. (බයවෙන්න කාරී නැහැ ටොරන්ට් එනවා  😛 ) සාමාජිකත්වය අරගන්න අයට නම් ස්ට්‍රිමින් සේවය තුල තියෙන රුපවාහිනී කතාමාලා නරඹන්න හැකියාව ලැබෙනවා. මේකට මේ වෙද්දී ඇතුලත් වෙන කතාමාලා කිහිපයක් නම් කරලා තියෙනවා. ඒ මොනාද කියනවනම්,

Harley Quinn නම් ඇනිමේෂන් කතාමාලාව. ආරංචි මාර්ග වලට අනුව නම් මේ කතාමාලාවේ හාර්ලි කවීන්ගේ චරිතයට හඩකැවිම සිදු කරන්නෙත් Suicide Squad (2016) චිත්‍රපටයේ හාර්ලි ක්වින්ගේ චරිතයට දායක වූ Margot Robbie මයි. ඒ වගේම පැය බාගකට සිමා වුනු මේ කතාමාලාව කොමඩි ගනයට වැටෙනවා. විකාශය වීම ගැන නම් හරියටම කියන්න දන්නේ නැහැ.

Young Justice: Outsiders – ඒ කියන්නේ Young Justice ඇනිමේෂන් කතාමාලාවේ තුන්වැන්න තමයි මේ Outsiders කියලා නම් කරලා තියෙන්නේ. අපෙන් මුල් සීසන් එකට සබ් දුන්නට දෙවැනි එකට දුන්නේ නැහැ තමයි. ඒකට මොකක් හරි විසදුමක් ලගදීම දෙන්නම්කො. කොහොම නමුත් තුන්වැනි කතාසමය මේ වසරේදී විකාශය වීම ආරම්භ වෙනවා. කතාංග 26 කින් සමන්විත වෙනවා.

Doom Patrol – කොමික් යුනිවර්ස් එකේ ඉන්න තවත් ප්‍රබලම කණ්ඩායමක් වටා තමයි කතාව ගලාගෙන යන්නේ. එක් කොටසක් පැයකට සිමා වෙන, කොටස් දහයකින් සමන්විත වෙනවලු. Greg Berlanti, Geoff Johns දෙන්නගේ නිෂ්පාදනය යටතේ තමයි නිෂ්පාදන කටයුතු වෙන්නේ. නිකුත්වෙන දිනය නම් තවම සදහන් කරලා නැහැ. කොහොම නමුත් මේ අයව “ටයිටෑන්” කතාමාලාව තුලින්ද දැකගන්නට හැකිවේවි.

Titans – මේක තමයි අපිට බලාගන්න ලැබෙන මුල්ම සජීවී ක්‍රියාදාම රුපවාහිනී කතාමාලාව. Teen Titans එකේ අයගේ තරුණ අවධිය තමයි ටයිටෑන් කියලා නම් කරලා තියෙන්නේ. මේ කතාමාලාව මේ වසරේ අග බාගයේදී විකාශය වීම අරඹනවා.

Swamp Thing – මේකත් ටයිටෑන් කතාමාලාව සේම සජීවී ක්‍රියාදාම රුපවාහිනී කතාමලාවක්. දැනට නම් වැඩ කටයුතු ආරම්භ වෙලා නැහැ. මොකද මේක අධ්‍යක්ෂණය සිදු කරන්නෙ මේ දිනවල Aquaman (2018) චිට්‍රපටයේද අධ්‍යක්ෂක කටයුතු සිදු කරන James Wan ම තමයි. මේ කතාමාලාව 2019 වසරේදී නිකුත් විමට නියමිතයි.

අවසාන වශයෙන් Metropolis කියන සජීවී ක්‍රියාදාම කතාමාලාව.මේ ගැන නම් අමුතුවෙන් කියන්න යන්නේ නැහැ. මොකද කලින් මේ කතාමාලාව ගැන විස්තරයක් ලබා දුන්නා. ඒ ලිපිය මෙතනින් බලාගන්න හැකියාව තියෙනවා. මේකේ වාසියක් තියෙනවා. මොකද කෙනෙක් කතාමලාවක් හදලා හතර වටේම යවන්න ඕන නැහැ විකාශය කරවන්න කියලා. හරියට නිකන් මාවල්ලා තමන්ගේම චරිත ටික එකතු කරන් මාවල් ස්ටුඩියෝ එකෙන් එලියට දානවා වගෙ වැඩක්. සුපිරිම ස්පීඩ්ස්ටර් කෙනෙක්ව CW එකට දීලා පොඩ්ඩ බැරිවෙච්ච ගමන් අඩන එකේ, බැලුවොත් ඇත්නම් ඇරෝවර්ස් එකේ සමලිංගික චරිත වලින්ම පුරවන එකේ ෆේල් වෙන්න හරි ඩීීසිලා මේ විදිහට DC Universe කියලා වෙනම ස්ට්‍රිමින් සේවයක් හැදුව එක මේ වෙලාවේ හැටියට ගොඩක් වටිනවා. මොකද නිකමට හරි වෙනින් නාලිකාවක විකාශය වෙන ඩීීසි කොමික් පදනම්ව නිර්මාණය වුනු කතාමාලා එක්කෝ නැවැත්තුවොත් හරි, මේ අයට පුලුවන් එයාලගේ ස්ට්‍රිමින් සේවය හරහා ගොඩ අරගන්න. (ඒකෙන් අදහස් වෙන්නේ නැහැ CW එකේ නාහෙන් අඩන ෆ්ලෑෂ් සීසන් දහයක් විතර ගිහින් නැවතුනොත් අලුත් ස්ට්‍රිමින් සර්විස් එක හරහා ගොඩ අරන් තවත් සීසන් දහයක් එකතු කරන්න ඕන කියලා. 😂) වැදගත් කතා ගැන විතරයි අදහස් කලේ.

දැනට නම් මේ ටික විතරයි ආරංචි හැට්යට DC Universe ස්ට්‍රිමින් සේවය ගැන අපිට කියලා තියෙන්නේ. කොහොම නමුත් මේ වසරේදීත් ජූලි 19-22 දක්වා පැවත්වීමට නියමිත සැන් ඩියෙගෝ කොමික් කොන් සමුළුවේදී මේ පිළිබද අලුත්ම ආරංචි ගොඩක් දැනගන්න ලැබේවි කියලා විශ්වාසය තියාගන්න පුලුවන්. මේ ගැම්මෙන්ම අඩුම තරමේ 2022 කාලය වෙද්දීවත් DCEU චිත්‍රපට වලට DC ලට එයාලගේ කියලා ස්ටුඩියෝවක් පටන් ගත්තා නම් DCEU එක ගොඩගන්න උත්සහ කරලා බලන්න හරි තිබුනා. මොකද කෑලි කෑලි වලට කපලා අසාර්ථක වෙන චිත්‍රපට නිර්මාණය කරලා වල බහිනවට වඩා ඒ උත්සාහ කිරිල්ල වටිනවා.

තවත් ලිපියකින් හමුවෙමු.

චාමර සම්පත් (108 Posts)

චාමර සම්පත්