Westworld S02 E01 පැහැදිලි කිරිම

කලිං සදහන් කල විදිහටම කතාවේ පැහැදිලි කිරිම අපි වඩා සාර්ථක විදිහකට බයිස්කෝප් මංසල හරහා ගෙන එනවා.එහෙනම් වැඩි කතා නැතුවම කතාවට හැරෙමු.

1.අලුත් ආරම්භයක් ?

තේමා සංගිතය සමගින් පෙන්වන රූප පෙල් පසුගිය කතාසමයට වඩා යම් යම් වෙනස්කම් කිහිපයක් තියෙනවා.ඉහත රූප රාමු පෙල් දකින් තියෙන්නේ වම්පසින් බයිසන් ගවයෙක්(04.24) කලිං කතා සමයේ හිටියේ අශ්වයෙක්.එවගේමයි මේ බයිසන් ගවයන්ව පලමු කොටසේදිත් අපිට නැවත දකින්න ලැබුනා මතක ඇති.එවගේම Superblow දැන්විමෙත් හිටියා.යම් විදිහකට මේ අලුත් කතාසමයේ රෙබෝවරුන්ගේ ප්‍ර‍චන්ඩ ස්භාවය පෙන්වන සංඛ්තයක් වෙන්න පුළුවන්.

ඊලගට දකුණු පසින් පෙන්වන රූපය(04.40) පිලිබද අන්තර්ජාලයේ විවිද මත කිහිපයක් තිබෙනවා.පලමු මතය තමයි රොබෝවරුන්ටත් දාරක ස්නේහය ඇති පෙන්වනවා කියන එක.ඒකට උදාහරනයක් විදිහට මේව් ඇයගේ දියණිය සොයායෑම දක්වන්න පුළුවන්.අනෙක් මතය තමයි රොබෝවරුන් තම වර්ගයා බෝ කිරිමේ ක්‍ර‍මයක් සොයාගනිවි කියන ඉඟිය.පලමු කතාසමයේ මේ වෙනුවට තියෙන්නේ ලිංගික දර්ෂනයක්.සමහරවිට එහි දිගුවක් විදිහටත් සලකන්න පුළුවන්

2.ආර්නෝල්ඩ් සමග සුපුරුදු කතාබහ

කලිං කතා සමයේ වගේම ආර්නෝල්ඩ් සහ ඩොලොරස් අතර සංවාදයක් සිදුවෙනවා.මෙහිදි ඇය යථාර්තය පිලිබද යම් ප්‍ර‍ශ්න කිරිමක් සිදුකරනවා.ඉතිං එතනදි ඩොලොරස් දෙන පිලිතුරුත් එක්ක ආර්නොල්ඩ් සදහන් කරනවා ඔහු බයයි ඇය පත්වෙන්න යන කෙනා ගැන කියලා.මේක එක්තරා විදිහකින් වයට් ගැන ඉගියක් වෙන්න පුළුවන්.අනෙක් කාරණාව තමයි වියට්/වයට් කියන්නේ ගැහැනු  නමක් කියලා තාමට නිෂ්පාදකයින් තමන්ට පැවසුවා බව evan rachel wood මාධයට කිව්වා.ඒ අනුව අපිට හිතන්න වෙන්නේ වයට් කියන්නේ  ඩොලොරස්ගේම වැඩි දියුණු කල සංස්කරනයක් බවට.

ඊලග දර්ෂණ පෙලේ අපි දකිනවා බර්නාඩ් සම්බන්ධවුනු සිදුවිම් පෙලක්(08.31).මේ සමහර තැන් වල ආර්නෝල්ඩ් ඉන්නත් පුළුවන්.ඒ දර්ෂන පෙල අවසානයේදි ඔහු කියනවා “Is this now” කියලා.ඔයාට මතක ඇති පසුගිය කතාසමයේදිත් සදහන් කලා රොබෝවරුන්ගේ මතක අපිට වඩා ගොඩක් ප්‍ර‍බලයි කියලා.මෙතනදි වෙන්නෙත් ඒකම තමයි.අපි ඒක ඊලග කරුනෙන් බලමු.

3.බර්නාඩ් ?!

බර්නාඩ් වෙරලක සිට අවදි වෙන දර්ෂනයක් තමයි අපි දකිනේ.මෙතනදි ස්ටැබ්ස් ඇවිත් අනෙක් ආරක්ෂයන්ට කියනවා ලොක්කට වෙඩි තියන්නද හදන්නේ කියලා.ඒ විදිහටම බර්නාඩ් S01 E01 කියනවා ඔයා හදන්නේ ලොක්කට වෙඩි තියන්නද (20.40).මේ එකම අර්ථය එන දෙබස් දෙකක් S01 E01 හා S02 E01 දැම්මේ ඇයි  ? ෆෝඩ් මිය යන්න කලිං ඔහුගේ විඥාඤය(consciousness)  බර්නාඩ්ට සම්බන්ධ කලා කියලා.ඒ අනුව මේ ඉන්නේ තවත් විදිහක ෆෝඩ් කෙනෙක්.

මොකක්ද මේ බර්නාඩ්ට වෙලා තියෙන්නේ ?

පලමු මතය – ඔහු ඉන්නේ ෆෝඩ්ගේ තවත් එක කතාවක.

දෙවන මතය – අපි දකින්නේ බර්නාඩ්ගේ මතකයන් විතරයි.ඒ නිසා මේ සිදුවිම් මීට වඩා හාත්පසිම වෙනස් විදිහකට සිදු උනා වන්නත් පුළුවන්.මෙකද අපි දකිනවා episode එකේ අවසාන හරියෙදි බර්නාඩ් ඔහුව පරික්ෂා කරගන්නවා.මේකෙදි පෙන්වන දේෂ එකක්ක ඔහුගේ මතකයේ නිර්වද්‍යතාව ගැන අපිට විශ්වාස කරන්න බෑ.මොකද ඔහුට තනිවම ඒ දෝෂය සම්පුරනයෙන් විසදගන්න බැරිවුන නිසා.

ඔන්න කතාව තවත් සංකිරන වෙනවා.ඇත්තටම බර්නාඩ්ලා කී දෙනක් ඉන්නවද ? මේ ඉදිරි කොටසක තියෙන රූපරාමුවක්.ඒ අනුව අපිට තේරුම්ගන්න වෙන්නේ චාලට් හේල් බර්නාඩ්ගේ රහස දැනගන්නා බවයි.අනෙක් කාරනව අපි බර්නාඩ් ලෙස දකින්නේ 1 රොබෝවරයෙක් පමනක් නොවන බව දැන් පැහැදිලියි.ඒක හදුනගන්න එක සලකුණක් තමයි බර්නාඩ්ගේ නලලේ ඇති තුවාල කැලල.මේක ඇතිවුනේ ෆිලික්ස් බර්නාඩ්ව අලුත්වැඩියා කරපු අවස්ථාවෙයි.

4.Westworld ඇත්තටම තියෙන්නේ කොහෙද ?

S01 වලදි මේකට විවිද මත පලවුනා.නමුත් දැන් අපිට සැලකිය යුතු අනුමානයක් තියෙනවා  මේ උද්‍යාන තියෙන්නේ දකුණු චීන මුහුද ආශ්‍රිතව කියලා.එකට හොදම ඉගිය තමයි ඉහත දර්ෂණය(12.33).මේ ඉන්නේ බොහෝවිට චින නාවුක හමුදාවේ නිලධාරියෙක් වෙන්න ඔනේ .ඔහු මේ දුපතට පැමින මෙහෙයුම් කරන්න සුදානම් වෙනවා.නමුත් ඩිලොස් ප්‍ර‍ධානියා ඒක වලක්වනවා එවගේම අපි දැන් දන්නවා ඩිලොස් සමාගම සතුව උද්‍යාන 6 තිබෙන බවට.ඒක තහවුරු වෙනවා බෙගලි ව්‍යාග්‍ර‍යාගේ සිරුර තියෙන තැන(01.08.51)  ඒ වගේම ඩිලෝස් සමාගමේ වෙබ්අඩවියට අනුව  මේ කොටසෙදි දකින ජපන් සමුරායි වරුන් සිටින උද්‍යනයේ නම Showgun world. එවගේමයි මෙතනදි අපි දැනගන්නවා සිදුවිමෙන් සති 2කට පසුවයි ඩිලෝස් ආරක්ෂයන් පැමින ඇත්තේ කියලා.එතකොට අපි දකින්නේ සති 2කට පෙර සහ පසු දර්ෂණයයි ඒ කියන්නේ අයෙත් කාලරාමු කිහිපයක කතාව යනවා.ඒ නිසා ඉදිරි ලිපිවලදි සති දෙකකට පෙර දර්ෂණ තිබුනොත් ඒ සදහා නිල් පැහැය යොදාගෙන පැහැදිලි කිරිම ගෙන එන්නම්.

5.සියල්ලටම හේතුව

උපසිරස සමග පලවු ලිපියෙදි කිවනේ මෙයාලත් අපි වගේම කාබනික ජිවින් කොටසක් කියලා එකට හොදම උදාහරනය තමයි මේ.එවගේමයි දකුණු පැත්තේ රූපයේ පෙන්වන්නේ රොබෝවරුන්ගේ ඉලෙක්ට්‍රොනික මොලයයි.මේක වතුර වගේ මාධ්‍යයක් තුල දාලා ඇත්තේ බෝහෝවිට ඒකේ උෂ්නත්වය පාලනය කරන්න වෙන්න පුළුවන්.මොකද මෙවැනි සිසිලන උපක්‍ර‍ම දැනටත් සමහර පරිඝනක පද්දති වලදි අපි යොදාගන්නවා.මේ කොටස තමයි රොබෝවරුන්ගේ වටිනාම කොටස.

ඔන්න කාල රාමුව වෙනස් උනා(18.10).

6.සියල්ල පාලනයෙන් තොරයි

පසුගිය කතාසමයේදි අපි දැක්කා ප්‍ර‍ධාන පාලක මැදිරිය අගුල් වැටෙනවා.නමුත් මේ කොටසෙදි දකින්න ලැබෙන්නේ එහි දොරටුව විවෘත කරලා කවුරුන් හෝ ඔවුන් සියළු දෙනාම ඝාතනය කරලා.තත්ත්වය කොච්චර දරුණුද කියන්න වලහෙකුත් පාලක මැදිරියේ ඉන්න දර්ෂණයක් අපි දකිනවා.නමුත් වෙස්ට්වල්ඩ් පුර්ව ප්‍ර‍චාරකපට වල අපිට දකින්න ලැබුනු විදිහට නම් සියළුදෙනාව ඝාතනය කරන්නේ ඩොලොරස්ගේ සහචරයන් කන්ඩායමක්.මෙව් නැවතත් තමන්ගේ දුව හොයාගෙන යනවා ඒ වෙනුවෙන් හෙක්ටර්ගේ සහයත් ඇයට ලැබෙනවා.ඉහත සිදුවිම් පෙලත් බොහෝවිට සති දෙකට පෙර දර්ෂන වෙන්න පුළුවන්.

7.ඩිලෝස් වල සැබැ අරමුණ ?

අධක්ෂක මන්ඩලේ අනෙක් සාමාජිකයන් මිය ගියට පස්සේ චාලට් බර්නාඩ් සමගින් භූගත මැදිරයකට එනවා.ඊටපස්සේ ක්ෂණික DNA පරික්ෂාවක් මගින් ඒ මැදිරියේ අගුලු විවෘත වෙනවා.වඩාත් හාස්‍යජනකම කාරණය තමයි බර්නාඩ්ටත් එම අගුල විවෘත වීම.එ අනුව අපිට හිතන්න වෙන්නේ ෆෝඩ් ඔහුටම ආවේනික DNA පවා ඇතුලත් කරලා තියෙනවා.

අධ්‍යක්ෂක මන්ඩලයවත් මේක දන්නේ නෑ.ඒ නිසයි ඔවුන් මිය යන තුරු චාලට් මේ භූගත සංඛිරනය ගැන නොකිවේ.ඒ වගේම ඇය පිටත සිටින කෙනෙක් සමග සංවාදයේ යෙදෙනවා.

අමතර  – මේ drone host චරිත රගදක්වන්නේ  බැලේ නර්ථන ශිල්පින් පිරිසක්.

ඇත්තටම ඩිලෝස් සමාගම මොකක්ද කරන්නේ.මේකට උත්තරය අපිට දැන්ම හරියට දෙන්න බෑ නමුත් west world (1973) චිත්‍ර‍පටයේ දෙවන කොටස වන future world(1976) චිත්‍ර‍පටයේ මේකට යම් ඉගියක් දෙනවා.ඒ තමයි ඩිලොස් සමාගම තමන්ගේ උද්‍යානවලට එන අතිශය වැදගත්(VVIP) අමුත්තන්ගේ ජෛව දත්ත එකතුකරනවා.එහිදි ඔවුන්ගේ ක්ලෝන හදනවා.ඉන්පසුව ක්ලෝනය ලවාම අදාල පුද්ගලයන්ව ඝාතනය කරලා ඔවුන්ගේ තැන ගන්නවා.එහිදි අදාලා පුද්ගලයාගේ මතකය,ඔහුගේ හුරුපුරුදු සියල්ලම ඩෙලෝස්/ඩිලොස් සමාගම පිටපත් කරලා ඒක ක්ලෝනයට ඇතුලත් කරනවා.ඉතිං මේ ක්ලෝන රොබෝවරු පිටත ලෝකයට ගියාම ඔවුන්ට ලෝකයේ ගොඩක් වැදගත් දේවල් වෙනස් කරන්න පුළුවන්.මොකද ඔවුන්ගේ රූපවල සැබෑ හිමිකරුවන් ලෝකයේ බලවත් චරිත නිසා.ඒ හරහා ඩිලෝස් සමාගමට අවශ්‍ය පරිදි මුළු ලෝකයම පාලන කරන්න ලැබෙනවා.ඒ තමයි  future world චිත්‍ර‍පටයේ කියවුනු කතාව.ඒක ඒ විදිහටම west world කතාවේ තියෙවි කියලා හිතන්න අමාරුයි.මුළු ලෝකයම පාලන කිරිම කෙසේවෙතත් ව්‍යාපාරයක් විදිහට ඔවුන්ට අවශ්‍ය පරිදි වෙලදපොල පාලන කරන්නත් වෙන ව්‍යාපාරිකයන් වෙනුවෙන් කොන්ත්‍රාත් ලෙස එවැනි වෙනස්කම් කරන්නත්(හරියට Inception චිත්‍ර‍පටයේ වගේ) පුළුවන් වෙනවා.

මොකද මෑතකදි එක්තරා වෙබ් අඩවියක් west world හරහා ඩිලෝස් සමාගමට ලැබෙන ලාභය පිලිබද ගනනයක් කරනවා.ඔවුන්ට අනුව west world තුලින් ඩිලෝස් සමාගමට ලොකු ලාභයක් ලැබෙන්නේ නෑ.බොහෝවිට නිශ්පාදන වියදම පමනයි පියවෙන්නේ.ඒ අනුව අපිට හිතාගන්න පුළුවන් ඩිලෝස් සමාගමට වෙනම අරමුණු වගයක් තියෙ බවට.ඒකට තව ඉගියක් තමයි පසුගිය කතාසමයේදි චාලට් තෙරේසාට කියනවා උද්‍යානයේ අරමුණ ගොඩක් පුළුල් දෙයක් බව.සමහරවිට අමුත්තන්ගේ තොරතුරු වෙනත් පාර්ශවයන්ට විකිණිමත් කරනවා වෙන්න පුළුවන්.

8.විලියම්ට තවත් අලුත් සෙල්ලමක්

පසුගිය කතාසමය පුරාවට විලියම් වෙහෙසුනේ වංකගිරියේ මැද හොයාගන්නනේ.වංකගිරිය මිනිස්සුන්ට අදාලා දෙයක් නෙවෙයි කියලා පසුගිය කතාසමය අවසානයේදි අපිට පැහැදිලි උනානේ.දැන් ෆෝඩ් අලුත් සෙල්ලමක් විලියම් වෙනුවෙන් හදලා.ඉතිං මේ කතා සමයේදි අපිට බලාගන්න පුළුවන් විලියම් ක්‍රිඩා කරන විදිහ.

පුංචි ෆෝඩ්ට වෙඩි තිබේ කව්ද කියලා දැන් දැක්කනේ

9.අලුත් ෆෝඩ්

මෙතනදි චාර්ලට් ෆොඩ් වගේ තමයි ඇදගෙන ඉන්නේ.මේ පිලිබද නිශ්චිතම තොරතුරක් තවම නෑ නමුත් west world කතාවේ ඇදුම් පැලදුම් වලිනුත් යම් ඉගි ගන්න පුළුවන්.එක එහෙම නම්  චාලට් තමයි අලුත් ෆෝඩ් වෙන්නේ.

10.Teddy flood 

කාල් ඇතුලු කන්ඩායම රොබෝවරුන් විශාල වශයෙන් රැස්ව ඉන්න ස්ථානයට ගියාට පස්සේ දකින්න ලැබෙනවා ඒක ජලාශයක් බවට පත්වෙලා තියෙනවා(01.10.46) මේ සිදුවිම ෆෝඩ් විසින් කරපු දෙයක් විදිහටයි ඔවුන් විශ්වාස කරන්නේ.නමුත් මේක සති 2 ඇතුලදි සිදුවු සිදුවිමක් වෙන්නත් පුළුවන්.අවසන් දර්ෂනයේදි (01.12.16) අපිට දකින්න ලැබෙන්නේ ටෙඩිව.ඒ වගේම බර්නාඩ් කියනවා ඔහු තමයි මේ සියළු දෙනාවම ඝාතනය කලේ කියලාත ඒ ප්‍ර‍කාශය ගැන විවිධ මත තියෙනවා.නමුත් ටෙඩිගේ සම්පුරන නම Teddy flood ඉතිං  flood කියන්නේ ගංවතුරු එතකොට එයා මැරිලා ඉන්නේ ගංවතුරකට හසුවෙලා.මේ අතර තියෙන සම්බන්ධය මොකක්ද ? සමහර අය නම් කියන්නේ මේ ගංවතුර ඇතිකලේ ටෙඩි කියලායි.ඒ වගේම එයාට ඩොලෝරස කියනවා ඉදිරි සැලසුම.යම් ලොකු සැලසුමක් ඩොලෝරස්ට තියෙන බවයි පෙන්නේ.

ඔවුන්ගේ අපේක්ෂාව වෙන්නේ පිටත ලෝකයට පැමින එකත් යටත් කරගැනිමයි.සමහරවිට ඒ සැලසුමේ එක් කොටසක් වෙන්න පුළුවන් මේක.නමුත් පේන විදිහට නම් ඒක වැරදිලා වගේ.

වැදගත්ම කාරනය තමයි අපි මේ දකින සමහර සිදුවිම් දකින්නේ බර්නාඩ්ගේ මතකය හරහායි ඒක අපේ මතකයන්ට වඩා ප්‍ර‍භලයි.ඒ නිසා සිදුනොවුනු සිදුවිමක් උනත් සිදුවු එකක් බවට ඔවුන්ගේ මතකයේ තැම්පත්වෙනවා.අපේ ව්‍යාජ මතකයන් අපිට හදුනගන්න පුළුවන් මොකද අපේ මතකය ඔවුන්ට සාප්ක්ෂව අස්ථාවරයි.නමුත් ඔවුන්ගේ මතකයේ තියෙන ස්ථායි බව නිසාම ව්‍යාජ මතකයක් හදුනාගන්න ඔවුන්ට බැරිවෙනවා.