2017 වසරේ වැඩිම ආදායමක් ලද සුපිරි තරු

ලෝකේ වැඩිම ආදායමක් උපයන පිරිස අතර බොලිවුඩ් සහ හොලිවුඩ් නළු නිලියන් ඉන්නවා. සමහරු රඟපාන අතරම නිෂ්පාදන කටයුතු වලත් නිරත වෙන නිසා තමන්ගේ ආදායම ඉහල දමාගන්න හැකිවෙලා තියෙනව. ඉතිං මේ කියන්න යන්නේ ලෝක ප්‍රකට forbes සඟරාවට අනුව 2017 වසරේදී වැඩිම ආදායමක් ලද නළු නිලියන් පිරිස ගැනයි. නළු නිලියන් කිව්වට වැඩිම ආදායම ලබපු 10 දෙන අතරේ නිලියන් නම් නැහැ.ඉතිං මෙහෙ සඳහන් ආදායම් වාර්තා ෆෝබ්ස් සඟරාවට අනුව තමයි පෙලගස්වල තියෙන්නේ මං.
 
10. ආක්ෂේ කුමාර්.:  $35.5M
පහුගිය අවුරුදු කිහිපය පුරාවටම අක්ෂේ කුමාර් කියන්නේ බොලිවුඩයේ වාර්තාගත ආදායමක් ලබපු සිනමාපට කිහිපයකටම දායක වුවෙක්. බිරිඳ නිෂ්පාදනය කරනවා සැමියා රඟපානවා සල්ලි මල්ලක් ගෙදර ගේනවා. 2018 වසරේදීත් ජය කෙහෙළි නංවාවී අක්ෂේ නම් 😀
 
9.සල්මන් ඛාන්.:  $ 37M
දැනට සිනමාපට 85 සඳහා දායක වෙලා තියෙන සල්මන් ඛාන් කියන්නේ ගිය වසරේ ඉන්දියානු බොක්ස් ඔෆිස් කිරුළේ හිමිකරුවෙක්. ඉතිං සල්මන් තමා 2017 වසරේ නමවනියට වැඩිම ආදායමක් ලද සුපිරි තරුව. ෆොබිස් එකේ නම් සල්මන්ගේ අපරාධ වාර්තා ගැනත් කියල තිබ්බ නිකම් කින්ඩියට වගේ.. 
 
8. ශාරුක් ඛාන්.: $38M
2017 වසරේ වැඩිම ආදායමක් ලද සුපිරි තරු අතර 8 වැනියා කිං ඛාන්.. හැබැයි ශාරුක් වැඩි වශයෙන් ආදායමක් උපයල තියෙන්නේ සිනමාපට වලින් නම් නෙමෙයි, වෙළඳ දැන්වීම් සඳහා පෙනී සිටින බවයි ෆොබිස් එකෙන් කියන්නේ. සුද්දො නම් අහලවත් නැති බාන්ඩ සහ සේවා සඳහා ශාරුක් වෙළඳ දැන්වීම් වල පෙනී ඉඳල තියෙනව කියලයි කියැවෙන්නේ. ඉදිරියටවත් හොඳ කල දසාවක් ලැබෙයි කියල හිතමු අපි.
 
7. ටොම් කෘස්.: $43M
ඔන්න එහෙනම් හත්වෙනියා හොලිවුඩයෙන්, කොහොමත් මෙතන ඉඳලා ඉහලට යන්නේ හොලිවුඩයෙන් තමයි. ටොම් කෘස් කියන්නේ ඉතිං තවමත් ලෝකේ හොල්ලන වැඩ කරන සුපිරි නළුවෙක්. ද මමී සහ මිෂන් ඉම්පොසිබල් 6 වෙතින් තමයි මෙයා ගිය වසරේ වැඩිම ආදායමක් උපයල වැඩිම ආදායම ලද සුපිරි තරු අතර හත්වෙනි ස්ථානය දිනාගෙන තියෙන්නේ.
 
6. රොබට් ඩව්නි ජුනියර්.: $48M
කාලයක් මේ ලයිස්තුවේ පළමු ස්ථානය හිමිකරගෙන හිටියා. ඒත් ඉතිං කිසිම අහිතක් නැතුව ඔන්න හයවෙනියා වෙලා තියෙනවා. මාවල් සිනමා විශ්වය මගින් කරලියට ආව මොහු ලොවක් ආදරය කරන අයන් මෑන්ට පන පොවමින් ඩොලර් මිලියන 48ක ආදායමක් සහිතව රොබට් ඩව්නි ජුනියර් ලයිස්තුවේ හයවෙනි ස්ථානය හිමිකරගෙන තියෙනවා..
 
5. ජැකී චෑන්.: $49M
ඉස්සර වගේ නැති උනත් තවමත් ජැකී චෑන් කියන්නේ නමක් තියාගත්ත චීන ජාතික නළුවෙක්. අමුතුවෙන් කියන්න ඕන නැහැනේ ඔයාලට ජැකී චෑන් ගැන. ඉතිං ගිය වසරේ ඩොලර් මිලියන 49ක ආදායමක් සමගින් වැඩිම ආදායමක් ලද සුපිරි තරු ලයිස්තුවේ 5 වැනි ස්ථානය හිමිකරගෙන තියෙනවා.
 
4. ඇඩම් ස්ලැන්ඩර්.: $50.5M
විචාරකයින් පතුරු ගහන නළුවෙක්, හැබැයි ප්‍රේක්ෂකයෝ අසීමාන්තිකව ආදරය කරන නළුවෙක්, ෆිල්ම් එකේ ඉන්නේ ඇඩම් ස්ලැන්ඩර් නම් ආයේ දෙකක් නැහැ බඩ බැඳගෙන හිනාවෙන්න පුළුවන් බව රසිකයෝ දන්නවා නෙට්ෆ්ලික්ස් සිනමාපට ගිවිසුම් හතරක් සමගින් සිනහව වෙනුවෙන් ඔහුට ඩොලර් මිලියන 50ක ආදායමක් සමගින් වැඩිම ආදායමක් ලද සුපිරි තරු පිරිසේ 4 වැනි ස්ථානය මොහුට හිමිව තිබෙනවා.
 
3. වින් ඩිසල්.: $54.5M
ෆාස්ට් ඇන්ඩ් ද ෆියුරියස් විතරක් නෙමෙයි ගාඩියන්ස් ඔෆ් ද ගැලැක්සි හි ගෘට්, රිටර්න් ඔෆ් ද එක්සෙන්ඩර් සමගින් ඩොලර් මිලියන 55කට ආසන්න ආදායමක් සහිතව සුපිරි නළු වින් ඩිසල් වැඩිම ආදායමක් ලද සුපිරි තරු ලයිස්තුවේ 3 වැනි ස්ථානය හිමිකරගෙන තිබෙනවා.
 
2. රොක්.: $65M
තවත් ෆාස්ට් ඇන්ඩ් ද ෆියුරියස් තරුවක්, රෙස්ලින් තරුවක්, බේ වොච්, ජුමන්ජි, HBO නාලිකාවේ Ballers රුපවාහිනී කතා මාලාවෙනුත් සෑහෙන ගානක් හොයාගත්ත මේ සුපිරි තාරකාව තමයි 2017 වසර අවසන් වෙනකොට වැඩිම ආදායම ලද සුපිරි තරු ලයිස්තුවේ දෙවනියා. එහෙනම් කවුද බලමු පළවෙනියා.
 
1. මාක් වෝල්බර්ග්.: $68M
තුන්වනියත් තට්ටයෙක්, දෙවනියත් තට්ටයෙක්, පලවෙනියත් තට්ටයෙක් උනා නම් එහෙම මං අදම හිස මුඩු කරනවා 😛 වෙලාවට එහෙම උනේ නැහැ, ට්‍රාන්ස්ෆෝමර්ස් ලාස්ට් නයිට් සහ ඩැඩිස් හෝම් 2 සමගින් AT&T වෙළඳ දැන්වීම් සහ ඔහුට අයත් Wahlbergers නමැති බර්ගර් අවන්හල් ජාලයෙන් ලබන ආදායමත් එක්ක මිට පෙර රොක් සහ රොබට් ඩව්නි වැන්නන් හිමිකරගෙන හිටිය සුපිරිම ධනවත් සුපිරි තරුවගේ ස්ථානය 2017 වසරේදී මාක් වොල්බර්ග් මෙලෙසින් හිමිකරගන්නවා..
ශාන් විමුක්ති (47 Posts)


2 thoughts on “2017 වසරේ වැඩිම ආදායමක් ලද සුපිරි තරු

  • March 29, 2018 at 7:43 PM
    Permalink

    SHIK අපරාදේ පළවෙනියා තට්ටයෙක් උනානම් මෙයා තට්ටේ ගපුම කොහොමද බලන්ඩ තිබුන නේ

  • March 29, 2018 at 7:23 AM
    Permalink

    great blog brother

Leave a Reply

Your email address will not be published. Required fields are marked *