Professor Marston and the Wonder Women (2017) | වොන්ඩර් වුමන්ට පණ දුන් මිනිසා

විලියම් මෝල්ටන් මාස්ටන් ” එහෙමත් නැත්නම් මහාචාර්ය චාල්ස් මෝල්ටන් කියන්නේ මනෝවිදාඥයෙක්. 1921 දි හාවඩ් සරසවියෙන් මනෝවිද්‍යාවට Ph.D. උපාධිය ලබාගන්න මාස්ටන් ඒ  වෙනකොට විවාහ වෙලා ඉන්නේ කුඩා කාලයේ පටන් මිතුරියක් වෙච්ච එලිසබෙත් මාස්ටන් එක්ක. ඇයත් මනෝවිද්‍යා උපාධියකට හිමිකම් කියන්නියක්. මේ දෙන්න එකතු වෙලා තමයි අපි ෆිල්ම්වල දකින බොරු කියනකොට අල්ලගන්න පුළුවන් යන්ත්‍රය, එහෙමත් නැත්නම් නුතන polygraph යන්ත්‍රය සොයාගන්නේ. ඒ ගේම මේ දෙන්න හරි අමුතු දෙන්නෙක්. කුඩා කාලයේ  පටන්ම හඳුනන නිසාමද මන්දා දෙන්නට දෙන්න බොහොම ඕපන් මයින්ඩ්. ඒ කියන්නේ බොහොම විවෘතයි. අනිත් කරනේ ඔවුන් දෙන්නම මනෝවිද්‍යාව හදාරන නිසා මනස සහ මිනිස්සුන්ගේ හැසිරීම් මිනිස්සුන්ගේ හැඟීම් ගැන ඉතාම නම්‍යශිලියි.

ඉතිං අපේ කතා නායකයා විලියම් Tufts University එකේ උගන්වන අතරේදී තමයි බොහොම සිත් වසඟ කරගන්නාසුළු පෙනුමැති ඔලිව් බර්නි ව එහෙමත් නැත්නම් අපි කොමික් ලෝකයේදී දකින වොන්ඩර් වුමන් චරිතය නිර්මාණය කිරීමට විලියම්ට අනුප්‍රාණයක් ඇතිකරපු ඒ යුවතිය මුණගැහෙන්නේ. ඒ හමුවීමත් එක්ක විලියම්-එලිසබෙත් යුවලගේ ලෝකය උඩු යටිකුරු වෙනවා. මුලින්ම විලියම්ට ඔලිව් ගැන හිතක් පහල උනත් ඔලිව්ට හිත පහල වෙලා තියෙන්නේ එලිසබෙත් ගැන. යුරෝපයේ සමහර රටවල් වල සම්මත ලංකාව තුල තවමත් අසම්මත ආකාරයේ සම්බන්ධතාවයක් වෙන්න පටන් ගන්න මේ සිදුවීම හරියට සමකෝණී ත්‍රිකෝණයේ විලියම් එක මුල්ලක එලිසබෙත් තව මුල්ලක ඉන්නකොට ඔලිව් ඉන්නවා ඉතුරු මුල්ලේ. හැබැයි ඉතිං මේ දේ මෙතනින් නවතින්නේ නැහැ. මේ සම්බන්ධතාවය නිසා විලියම්ට තමන්ගේ රස්සාව නැතිවෙලා සමාජයේ දෝෂ දර්ශනයට ලක්වෙලා පසුබහින්න වෙනවා. එහෙම පසුබැහල ගිහින් අන්වර්ථ නාමයක් යටතේ කොමික් කතාවක් ලියන්න ගන්නවා. ඒ තමයි මේ වෙනකොට ලෝකයේ ජනප්‍රියම සුපිරි වීරවරිය වන වොන්ඩර් වුමන්  කොමික් කතා පොත් මාලාව. 1942 ඩි චාල්ස් මෝල්ටන් නැමැත්තෙක් විසින් Sensation Comics #1 හි තමයි අපි දැන් දන්නා කියන වොන්ඩර් වුමන් මුලින්ම ප්‍රකාශනය වෙන්නේ. ඉතිං ඒ අපි දන්නා වොන්ඩර් වුමන් නිර්මාණය වෙන්නේ මෙන්න මේ කියන අපි නොදන්නා ඔලිව් බර්නි නිසා. විලියම් මාස්ටන්ට අරුම පුදුම ගැහැනියක් වෙච්ච, සමාජයට අසම්මත සමබන්ධ තාවයක් වෙච්ච ආදර කතා තුනක් එක ගෙදරක එක වහලක් යට. කෙටියෙන් කිව්වොත් එක් සැමියෙක් බිරින්දෑවරු දෙදෙනෙක් එක වහලක් යට  😛 කොටින්ම මේ කතාවට සහය දෙන එක විලියම් මාස්ටන්ගේ මිණිබිරිය Christie Marston ප්‍රසිද්දියේ ප්‍රකාශ කළා ඔවුන්ගේ පවුල මේ කතාවට කිසිම අයිතියක් දක්වන්නේ නැහැ මේ කතාව ගොඩ නැගීමට කිසිම සම්බන්ධයක් දක්වන්නේත් නැහැ කියල.

ඉතිං මේ කතාව Angela Robinsonගේ අධ්‍යක්ෂණයෙන් සහ තිර රචනයෙන්ද, Luke Evans, Rebecca Hall, Bella Heathcote යන අයගේ ප්‍රධාන රංගනයෙනුත් හැඩවෙනවා. වර්තමානයේ  ඩොලර් මිලියන ගණන් මුදල් හම්බකරලා දෙන මේ කොමික් කතාවත්, මතක ඇතිනේ ගිය වසරේ ආදායම්සා අතින් DC කොමික් විශ්වයේ  සාර්ථකම සිනමාපටය උනේ වොන්ඩර් වුමන් බව. ඉතිං මේ  කොමික් චරිතයත් නිර්මාණය කරනකොට ඒ නිර්මාපකයන්ට විදින්න වෙච්ච කරදර හිරිහැර දුක සතුට සියල්ලම කැටිකරගත්ත මේ අමුතු ජාතියේ කතාව ඔයාලට ඉක්මනටම බයිස්කෝප් සිංහලෙන් වෙතින් උපසිරසි සමගම දැකබලාගන්න අවකාශය ලැබේවි. මතක තියාගන්න අද වගේ නෙමේ ඒ කාලේ කොමික් රචකයින්ට ඉතාම බොළඳ අන්දමේ පහත් පිරිසක් ගානට දාලයි සමාජය සලකලා තියෙන්නේ.  🙁

‘ඇය සුන්දරයි, දඟකාරයි, කාරුණිකයි, හරිම අහිංසකයි… 
එතකොට ඔයා බුද්ධිමත්, කෘරයි, හාස්‍යජනකයි, නොම්බර ඒකෙ බැල්ලියක්.
ඔය දෙන්නම මාත් එක්ක එකට ඉන්නකොටයි සර්වසම්පුර්ණ ගැහැණියව නිර්මාණය වෙන්නේ ‘

~ චාල්ස් මෝල්ටන් (වොන්ඩර් වුමන් නිර්මාතෘ) ~

ශාන් විමුක්ති (58 Posts)


One thought on “Professor Marston and the Wonder Women (2017) | වොන්ඩර් වුමන්ට පණ දුන් මිනිසා

  • March 25, 2018 at 4:18 AM
    Permalink

    Mekatath sinhala sub demuko bro… Lassana film ekk wage .. mn meke bluray aawa dawas walama download kara..thawama beluwe ne sinhala sub denkm inne…

Leave a Reply

Your email address will not be published. Required fields are marked *

error: Content is protected !!