Baaghi 2 (2018) | හිතුවක්කාරයාගේ මීලග ආගමනය
හරි පෝස්ට් එක කියවන්න එද්දිම දකින්න ඇතිනේ. මම මේ කියන්න හදන්නේ බොලිවුඩ් සිනමා රිදී තිරයේ ඉදිරියේදී තිරගත වීමට නියමිත සුපිරි ක්‍රියාදාම ගනයේ සිනමා සිත්තමක් වන Baaghi 2 චිත්‍රපටය ගැන.
පළමු චිත්‍රපටය තිරගත වුනේ 2016 වසරේදී Baaghi: A Rebel for Love. නමින්. ඔයාලට මතක ඇති ඒකේ එක හිතුවක්කාර තරුණයෙක් මාෂල් ආර්ට් ඉගෙනගන්න ගිහින් එයා ලස්සන ගෑණු ළමයෙක් එක්ක ආදරෙන් බැඳිලා පෙරලගත්තු බාල්දි ටික.
Nadiadwala Grandson Entertainment ආයතනය වෙනුවෙන් Sajid Nadiadwala ගේ නිෂ්පාදනයෙන් සහ Ahmed Khan ගේ අධ්‍යක්ෂණයෙන් හැඩවුණු මේ චිත්‍රපටය සඳහා තමන්ගේ රංගන දායකත්වය දැක්වුයේ ටයිගර් ශ්රෝෆ් සමගින් සුරූපී ශ්‍රද්ධා කපූර්. ඉන්දියානු රුපියල් කෝටි සියයකටත් වැඩි ආදායමකට හිමිකම් කීමට සමත් වූ මේ චිත්‍රපටිය ඇක්ෂන් මූවි කැටගරියට ආසකරන අයගේ ලොකු අවධානයක් දිනාගත්තා.
ඉතින් මේ සිනමාපටයේ දෙවන කොටසක් නිකුත් වේවි කියලා බලපු අයගේ හිත්වල අනුමානයක් තිබ්බට අවුරුදු එකහමාරක් විතර යනකන් ඒ ගැන කිසිම ආරංචියක් තිබ්බේ නෑ. නමුත් මේ ගැන බොලිවුඩ් රසිකයින් අතර කතාබහ ආයෙත් හටගන්න පටන් ගන්නේ ටයිගර් ෂෙරොෆ් සමගින් දිශා පටානි රංගනයේ නිරතවෙන Befikra කියන මියුසික් වීඩියෝවක් නිකුත් වීමත් සමග. මේ තියෙන්නේ ඒ වීඩියෝව
ඉන් ටික කාලෙකට පස්සේ එනම් 2017 මැයි පළවෙනිදා තමන්ගේ ට්විටර් ගිණුමට Baaghi 2 first look poster එක එක් කිරීමත් සමග මේ සම්බන්ධ කතා බහ නැවතත් ඇවිස්සෙන්න ගත්තා. 
ඔහොම යනගමන් ඉතින් මේ චිත්‍රපටය ගැන තොරතුරු ටිකෙන් ටික එලියට දාන්න ගත්තා. ඉතින් දැනගන්න ලැබෙන විදිහට බාගී සීරිස් එකේ දෙවන චිත්‍රපටය වන මේ සිනමා සිත්තම සඳහා රංගනයෙන් දායක වන්නේ පලවෙනි එකේ වීරයා වුනු ටයිගර් එක්ක සුරූපී දඟකාර දිශා පටානි. 
ටයිගර් ෂෙරොෆ් ගැන ඉතින් අමුතුවෙන් කියන්න අවශ්‍ය නෑනේ. ප්‍රවීන නළු ජැකී ෂෙරොෆ්ගේ පුත් වන මොහු ඉතා දක්ෂ ක්‍රියාදාම නළුවෙක් සහ දක්ෂ නර්තන ශිල්පියෙක් වෙනවා. 
ඒ වගේම දිශා පටානි ගැන කියනවනම් තෙලුගු සිනමාවෙන් තම සිනමා දිවිය ආරම්භ කර මේ සුරූපී තරුණිය හින්දි සිනමාවට පා තබන්නේ M.S. Dhoni: The Untold Story (2016) චිත්‍රපටයෙන්. ඉතින් ඇය තවමත් බොලිවුඩ් රංගන ක්ෂේත්‍රයට පා තැබුවා පමණයි. ඉතින් Baaghi චිත්‍රපට මාලාවට රංගන දායකත්වය ලබාදීමට ලැබීම ඇයට ලැබුණු හොඳ අවස්තාවක් ලෙස සැලකිය හැකියි. 
මේ දෙන්නට අමතරව රන්දීප් හූඩා, ලක්ෂ්මි මංචු, මනෝජ් බාජ්පායේ එහෙමත් මේ සඳහා තම රංගන දායකත්වය එකතු කරලා තියෙනවා.
ඒ වගේම සුරූපී ජැක්ලින් ෆර්නෑන්ඩස් ද මේ සඳහා ආරාධිත රංගනයකින් දායක වනවා. ඒ තේසාබ් චිත්‍රපටියේ ගීයක් වන Ek Do Teen ගීතයේ රීමේක් වර්ෂන් එකක් සමගින්.
| ඒ වගේම මේ සලරුවේ ගීත සඳහා සම්පුර්ණ අයිතියT-Series ආයතනය සතු වන අතර සහ මේ චිත්‍රපටයේ ගීත තවමත් නිකුත් වී නැති බව තමයි අපට දැනගන්නට ලැබුනේ. තවමත් නිකුත් වී ඇත්තේ Mudiyaan නමැති ගීතය පමණයි. චිත්‍රපටයේ කතාව ගැන කියනවනම් මේ චිත්‍රපටය සඳහා පාදක කරගෙන තියෙන්නේ 2016 වසරේ නිකුතු වුනු Kshanam කියන තෙලුගු චිත්‍රපටයේ අනුසාරයක්. කෙසේ වෙතත් මේ වසරේ මාර්තු 30 වන දින ලොවපුරා තිරගත වීමට නියමිත Baaghi 2 චිත්‍රපටය ඉතාමත් සාර්ථක ඵල නෙලාගනිවී කියලා බොලිවුඩ් රසික ජනතාව බලාපොරොත්තු වෙනවා. ඒ වගේම පසුගියදා මේ චිත්‍රපටයේ පූර්ව ප්‍රචාරක පටය එළිදැක්වූවා. ඉතින් ඔයාලට ඒක ඉහතින් සිංහල උපසිරසි සහිතවම බලාගන්න පුළුවන්.  අවසාන වශයෙන් මාර්තු 30 වනදින නිකුත් වීමට නියමිත මේ සුපිරි ක්‍රියාදාම සපිරි සිනමා සිත්තම හැකි ඉක්මනින් සිංහල උපසිරැසි සහිතව ඔබ වෙත ගෙන ඒමට අපගේ බයිස්කෝප් සිංහලෙන් උපසිරැසි කණ්ඩායම සැදී පැහැදී සිටිනවා. ඉතින් දිගටම අපිත් එක්ක රැඳී සිටින්න කියලා අවසාන වශයෙන් කියන්න කැමතියි. ඒ වගේම Baaghi චිත්‍රපට මාලාවේ මීළඟ සිනමා සිත්තම Baaghi 3 ලෙසින් නිකුත් වන බව දෙවැන්නෙහි පූර්ව ප්‍රචාරක පටය නිකුත් වීමටත් ප්‍රථමයෙන් නිවේදනය කරනු ලැබුවා. එහි රූගත කිරීම් මේ වසරේ දෙසැම්බර්හිදී ආරම්භ වන බව සඳහන් වනවා.   ඉතින් කලින් කිව්වා වගේම සිනමා ලොවට මොනතරම් නිර්මාණ නිකුත් වුවත්, ඒ ඕනෑම නිර්මාණයක් සිංහලට පෙරලා ඔබවෙත ඉක්මනින්ම ගෙන එන්නට බයිස්කෝප් සිංහලෙන් උපසිරැසි කණ්ඩායම සූදානමින් සැදී පැහැදී සිටිනවා. ඉතින් දිගටම අපිත් එක්ක රැඳී සිටින්න. සිනමාවේ සිදුවන අලුත්ම විස්තර දැනගන්න එක්වන්න බයිස්කෝප් මංසල සමගින් සහ සිංහල උපසිරැසිකරණයේ මහගෙදර බයිස්කෝප් සිංහලෙන් වෙත.  |
|||
| ජයෙන් ජය….!!!!! |
thanks bro ela
සුපිරි බොහෝම ස්තුතියි දෑනුවත් කිරීමට