“බ්ලැක් විඩෝ” හට තමන්ගේම කියා චිත්‍රපටයක් ඉදිරියේදී හිමිවේ

ස්කාර්ලට් ජෝහැන්සන් නොහොත් බොහෝ දෙනෙක් අදුරන “බ්ලැක් විඩෝ” කියන්නේ මාවල් චිත්‍රපට විශ්වයේ හුගක් ප්‍රසිද්ධ කාන්තා චරිතයක් කිව්වොත් නිවැරදියි. 2010 නිකුත් වුන  Iron Man දෙවන චිත්‍රපටයෙන් පටන් ගත්තම 2012 නිකුත් වුනු Avengers මුල් චිත්‍රපටය, 2014 වර්ෂයේ නිකුත් වුන Captain America: The Winter Soldier වගේම Avengers: Age of Ultron (2015) තුලින් විතරක් නෙවෙයි අවසානයට නිකුත් වෙලා බිලියන ගානක වාර්තාවක් පිහ්ට්වාපු Captain America: Civil War (2016) චිත්‍රපටයෙන් අපිට බ්ලැක් විඩෝගේ හොද වැඩකෑලි ටිකක් බලාගන්න පුලුවන් වුණා. මෙතනින් නවතින්නේ නැහැ එතකොට මේ අවුරුද්දේ ලොකු පෙරලියක් කරන්න සුදානම්ව නිකුත් වීමට නියමිත Avengers: Infinity War (2018) තුලිනුත් දැකගන්න පුලුවන් වේවි මෙවර අප්‍රේල් 25 වැනිදා ඉදන්.

ඉතින් ඇවෙන්ජර්ස් කණ්ඩායමටත් එකතු වෙලා, චිත්‍රපට හයකටම දායක වුණු බ්ලැක් විඩෝට නැති සෝලෝ චිත්‍රපටයක් අපිට 2019 දී Captain Marvel කියලා චිත්‍රපටයක් බලාගන්න පුලුවන්. මං දන්නවා ඒක සමහර දෙනෙක්ට නම් දිරවන්නේ නැති වැඩක් කියලා. ස්කාලට්ට එයාගේ කියලා තනි චිත්‍රපටයක් නිර්මාණය කරන්න කියන යෝජනාව සෑහෙන්න කාලෙක ඉදන් තිබුණු දෙයක්. ඒත් මේ ගැන කතා වුණා, යෝජනා තිබුණා ඒත් මොකද වෙන්නේ කියලා කිසිම වගක්වත් තිබුනේ නැහැ. ඒත් හැම දේකටම පිළිතුරු ලබාදෙන විදිහේ පුවතක් අද (2018 ජනවාරි 11 වැනිදා) වාර්තා වුණා. ඒ තමයි මෙතෙක් කල් චිත්‍රපටයක් නැතිව වේලි වේලි හිටිය ස්කආලට්ට එයාගෙම කියලා චිත්‍රපටයක් නිර්මාණය වෙන බව සහතික වෙන විදිහේ පුවතක් වාර්තා වෙමින්.

කොටින්ම කියනවනම් මේ වෙද්දී “Black Widow” චිත්‍රපටයේ පිටපත ලිවිම සදහා කෙනෙක් පත් කරගෙන අවසන්. ඒ කෙනත් කාන්තාවක්. Timer (2009), Olaf’s Frozen Adventure (2017) වගේ චිත්‍රපට ගණනාවක් නිර්මාණය වෙන්න දායක වුනු Jac Schaeffer තමයි මේ තිරපිටපත්වල කටයුතු සිදු කරන්නේ. මේ වෙද්දී 2016-2019 මාවල් තෙවන අදියරේ චිත්‍රපට බොහොමයක් චිත්‍රපට නිකුත් වෙලා හෝ නිකුත් වීමට නියමිතයි. ඒ කියන්නේ තෙවන අදියර මේ වෙද්දී තීරණය වෙලා අවසන්. ලැබිලා තියෙන තොරතුරු වලට අනුව බොහෝදුරට බ්ලැක් විඩෝ චිත්‍රපටය මාවල් සිව්වන අදියරට අයිති වේවි කියලා කියනවා. සහතිකවම කියන්න තවමත් සිව්වන අදියරේ තහවුරු කරගැනීමක්වත් නැහැ. හැබැයි,

• Spiderman 2
• Guardians of the Galaxy Vol.3
• Black Widow

ඔහොම නිර්මාණය වෙන්නත් ඉඩ තියෙනවා. කොහොම කවදා නිර්මාණය වෙලා නිකුත් වේවිද කියලා බලාගන්න පුලුවන් වෙන්නේ ඉතින් මින් මතුවට තමයි. මොකද එක්ස් මෙන්ලා වගේම ෆැන්ටැස්ටික් ෆෝ එකේ අයත් එකතු වුන නිසා මේවා ලොකු වෙනස්කම් වලට භාජනය වේවි. බලාගෙන ඉම්මු මොන වගේ තවත් සුපිරි චිත්‍රපටයක් වේවිද කියලා.

මේ වගේ තවත් ලිපියකින් හමුවෙමු. ජය!

චාමර සම්පත් (117 Posts)

චාමර සම්පත්