Supernatural ඇසුරින් Wayward Sisters ලෙසින් Spin-off කතාමාලාවක් ලබන වසරේදී.. .

 

හැමෝම දන්න Supernatural ටෙලි කතාමාලාව පදනම් කරගෙන Spin-Off කතාමාලාවක් හැටියට Wayward Sisters කියලා කතාමලාවක් නිකුත්වන බවක් දන්නවා ඇති වගේම නොදන්නවත් ඇති. කතාවට බහින්න කලින් කියලා ඉන්නම් මොකක්ද මේ Spin-Off කතාමාලාවක් කියන්නෙ කියලා.

Spin-off කතාමාලාවක් කියන්නේ, දැනට විකාශය වෙමින් තියෙන හො විකාශය වී අවසන් කතාමාලාවක කතාවේ දැනට ගලාගෙන යන කතන්දරය හා එහි ඇතුලත් චරිත මූලික කරගෙන වෙනමම නිර්මානය වෙන කතාමාලා. හුගක් දුරට වෙන්නේ අර උපුටලා ගන්න කතාවෙන් අල්ප මාත්‍රයක් වගේ තමයි යොදාගෙන වෙනමම නිර්මානය වෙන කතාමාලාව නිර්මාණය කරලා ආරම්භයක් ගන්නේ. හැබැයි ඒකට අලුත් චරිත වගේම පරන කතාමාලාවේ හිටිය චරිත පවා ඇතුලත් වෙනවා. එහෙම කරලා කිහිපවතාවක් මේ කතාමාලා දෙක තුල ලස්සන ක්‍රොස්ඕවර් කතාංගයක් නිර්මාණය වෙනවා. හැබැයි ඔය හැම කතාමාලාවක් තුලම ක්‍රොස්ඕවර් කිරීම් නම් දැකගන්න ලැබෙන්නේ නැහැ කියලා මතක තියාගන්න.

එහෙම නිර්මාණය වුනු කතාමාලාවන් සදහා හොදම උදාහරන

01) Arrow (2012-) කතාමාලාව ඇසුරින් The Flash (2014-) හා The Legend’s Of Tomorrow (2016-) කතාමාලාවන් නිර්මාණය වීම.

02) Breaking Bad (2008- 2013) කතාමාලාව ඈසුරින් Better Call Soul (2013-) කතාමාලාව නිර්මාණය වීම.

03) Chicago Fire (2012-) ඇසුරින් Chicago (2014-), Chicago Med (2015-), Chicago Justice (2017) නිර්මාණය වීම.

04) Knight Rider (1982-1986) කතාමාලාව ඇසුරින් Code Of Vengeance (1985-1986), Team Knight Rider (1997-1999),  Knight Rider (2008-2009) නිර්මාණය වීම.

05) The Vampire Diaries (2009-2017) කතාමාලව ඇසුරින් The Originals (2013-2018) නිර්මාණය වීම.

06) The Walking Dead (2010-) කතාමාලාව ඇසුරින් Fear The Walking Dead (2015-)  නිර්මාණය වීම.

ඕවා තමයි හොදම නිදසුන්. මේ ටික ඇරුනම අපි හුගක් ආසවෙන් බලපු කාටුන්වල පවා මෙහෙම නිර්මාණය වුනා.

කතාමාලාවේ රංගනයෙන් දායක වෙන්නේ ගැහැනු චරිත කියලයි මුලින් නම් කිව්වේ. “හැබැයි” කියලා කියන්න කලින් ඒ ඇයි කියන්නම්. සුපර්නැචුරල් වල තේමා ගීතය වෙච්චි Carry on my wayward son ගීතයේ කොටසක් ඒ කිව්වේ Wayward son කියන කොටස අරන් ඒකෙ son කොටස අයින් කරලයි මේ “Wayward Sisters” කියලා කතාමාලාවේ Tittle එක නිර්මාණය වෙලා තියෙන්නේ.

හැබැයි අන්තර්ජාලයට නිකුත් වුන First Look පින්තූර ගොනුවලින් නම් සෑම් හා ඩීන්ව අපිට දකින්න ලැබුනා. ඒකටත් හේතුවක් තියෙනවා ඒකත් කියන්නම්කො. ලබන බ්‍රහස්පතින්දාට සුපර්නැචුරල් වල මිඩ් සීසන් කතාංගය විකාශය වීමෙන් පස්සේ ආයේ කතාව පටන් ගන්නේ 2018 ජනවාරි 18 වැනිදා. ඒ කතාංගය නම් කරලා තියෙන්නේ “Wayward Sisters” කියලා. එදාට විකාශය වන දහවන කතාංගය මගින් Spin-Off සීරිස් එකට පුංචි අඩිතාලමක් දාලා දෙන එක තමයි වෙන්නේ. සමහරවිට ඒ කොටසින් ආරම්භයක් අරගෙන Supernatural විකාශය වෙන කාලයේම හෝ Supernatural දහතුන්වැනි කතාසමය අවසන් වී දාහතර කතාසමය පටන් ගැනීමට තියෙන කාල පරතරය අතරතුරේ විකාශය කරන්නත් ඉඩ තියෙනවා.

කොහොම උනත් මේ අලුත් Wayward Sisters වල හරියටම ඉතිරි කොටස් විකාශයවන දිනයක් කියලා නැහැ කියලයි ආරංචිය. හැබැයි Wayward Sisters වල Plot එපිය නොහොත් මුල් කතාංගය තමයි Supernatural වල දහවන කොටස විදිහට නම් කරලා තියෙන්නේ.

සුපර්නැචුරල් තුල හිටිය ජෝඩි මිල්ස්, ක්ලෙයර් නෝවැක්, ඇලෙක්ස් ජෝන්ස්, ඩොනා හෑන්ස්කම්, පේශන්ස් ටර්නර් වගේ එකි මෙකි නොකි චරිත බොහොමයක් මේ වෙද්දී Wayward Sisters සදහා රංගනයෙන් දායක වීමට නියමිතයි. පින්තූර ටික බැලුවහම  ඔයාලටම ඒක දැකගන්න ලැබෙනවා.

සුපර්නැචුරල් තරම්ම මේ කාන්තාවන්ගේ ටෙලි කතාමාලාව හොදට තියෙයිද කියලා බලාගන්න ඉන්න ලබන අවුරුද්ද වෙනකන් ඉන්න වෙනවා. ක්‍රොස්ඕවර් ගැන කලින් කිව්ව නිසා තවත් සුභ ආරංචියක් තියෙනවා මතක් කරන්න. සීරිස් එක පටන් ගත්ත මුලදීම මම කිව්වා සුපර්චුනැරල් කතාමාලාවයි ස්කූබි ඩු කතාමාලාව අතරෙයි ක්‍රොස්ඕවර් එකක් සිද්ද වෙනවා කියලා. ඒකට පොඩි එගියකුත් දුන්නා සුපර්නැචුරල් 13×02 කොටසේ. මතකද ජැක් ආසාවෙන් ස්කුබි ඩු බලද්දී ඩීන් ටීවී එක ඕෆ් කරලා දාන්න කලින් ටික වෙලාවෙක් එයත් හරිම ආසවෙන් බලං හිටියා. ආයේ ඉතින් අමුතුවෙන් කියන්න ඕන නැහැනේ ඩීන් කියන්නේ අංක එකේ ස්කූබි ඩු පිස්සෙක් කියලා. කොහොම හරි මේ කතාසමයේ ස්කූබි ඩු ක්‍රොස්ඕවර් කතාංගය වැටිලා තියෙන්නේ සුපර්නැචුරල් දසයවැනි කොටසින්. ඒ විතරක් නෙවෙයි ඒ කොටස නම් කරලා තියෙන්නේ “ScoobyNatural”කියලා. ජනවාරි 18 කතාමාලාව පටන් ගත්තට එක දිගටම විකාශය නොවන නිසා මට මේ කොටස විකාශය වන දිනයවත් හරියට කියන්න අමාරුයි.

ඔන්න ඔහොමයි සුපර්නැචුරල්වල අලුතින්ම සිද්දවෙන්න යන දේවල් අලුත්ම තොරතුරු. ආයෙමත් මේ වගේ අලුත් දෙයක් අරගෙන ලිපියකින් හමුවෙමුකො එහෙනම්. ජයෙන් ජය!

 

චාමර සම්පත් (96 Posts)


7 thoughts on “Supernatural ඇසුරින් Wayward Sisters ලෙසින් Spin-off කතාමාලාවක් ලබන වසරේදී.. .

  • February 6, 2018 at 8:44 PM
    Permalink

    thanks ela me wage sin digatama genalla danuwath karanna eka loku deyak nathnam kathawa baladdi mula aga danne nathuwa kathawe teruma nathi wenawa digatama me wage lipi danna good luck

  • January 23, 2018 at 4:38 PM
    Permalink

    Ela castiel

  • January 6, 2018 at 8:24 PM
    Permalink

    thanks ban

  • December 27, 2017 at 10:48 PM
    Permalink

    thanks mcn lipiyata

  • December 12, 2017 at 6:53 PM
    Permalink

    sahathika aththa කොල්ලෝ
    කොච්චර හොද ඒවා අවත මොකද ඉතින් වැඩක නෑ

  • December 7, 2017 at 8:32 PM
    Permalink

    DENNAM ITHIN KOCHCHERE HODE tv SERIES AAWATH WEdak nee kiyela thamai kiyanne thiyenne……. mokedee ithin ubela Tv series welete sub denne nethilune ithin de …….

  • December 7, 2017 at 2:07 AM
    Permalink

    බොහෝම ස්තුතියි මේ වගේ විස්තර අරගෙන අපි හැමෝම දෑනුවත් කරනවට .

Leave a Reply

Your email address will not be published. Required fields are marked *

error: Content is protected !!