සිනමාවේ ගීත ලොවින් 154 | Mile Ho Tum [Reprise Version] | සිංහල උපසිරැසි සමඟ

හින්දි චිත්‍රපටයක් කිව්වාම ගොඩක්ම වෙලාවට අනිවාර්‍යයෙන්ම ගීත තුන හතරක් හෝ අන්තර්ගත වෙනවාම තමයි. සමහර චිත්‍රපට වල ඊටත් වඩා ගීත අන්තර්ගත වෙන අවස්ථා ඕනේ තරම් තියෙනවා. මේ සමහර ගීත බොහොම මියුරුයි. කොච්චර ඇහුවත් හිතට මදියි. හින්දි චිත්‍රපට ඉතිහාසය තුල අතිශය මියුරු ගීත ඕනේ තරම් අපිට හොයාගන්න පුළුවන්. හැබැයි, මේ කියන්න යන්නේ මේ සියල්ලටම ඉදිරියෙන් තියෙන ගීතයක් ගැන. මේ තමයි, යූ ටියුබ් වෙබ් අඩවිය තුල, හින්දි චිත්‍රපට ගීත ඉතිහාසයේ වැඩිම මනාප සංඛාවක් ලබා ගැනීමට සමත්කම් දක්වපු ගීතය. එහෙමත් නැත්නම්, හැමෝටම තේරෙන විදියට කියනවා නම්, Youtube වෙබ් අඩවිය තුල හින්දි චිත්‍රපට ගීතයක් සඳහා වැඩිම LIKE ප්‍රමාණයක් ලැබිලා තියෙන්නේ මේ ගීතය සඳහා. මේ වෙද්දී මිලියනය (ලක්ෂ දහය) ඉක්මවූ LIKE ප්‍රමාණයක් මේ ගීතය සඳහා ලැබිලා තියෙනවා. ඒ වගේම, Youtube වෙබ් අඩවිය ඔස්සේ පමණක් මිලියන 270 (කෝටි 27) ඉක්මවූ වාර සංඛාවක් මේ ගීතය නරඹලා තියෙනවා. හිතාගන්න පුළුවන් ඇතිනේ මේ ගීතය සඳහා මොන අන්දමේ උන්මාදයක්ද තියෙන්නේ කියලා. විශේෂත්වය තමයි, මේ ගීතය සඳහා මේ වෙද්දී ලැබිලා තියෙන, මිලියනය ඉක්මවන Youtube LIKE ප්‍රමාණය ආසන්නයට එන්න කිසිම හින්දි ගීතයකට හෝ, හින්දි චිත්‍රපට පූර්ව ප්‍රචාරක පටයකට හෝ හැකියාවක් ලැබිලා නැහැ. යම් තරමක හෝ අභියෝගයක් එල්ලකරන්න හැකියාව තියෙන්නේ, ලක්ෂ නවයකට ආසන්න LIKE සංඛාවක් ලබාගෙන සිටින සල්මන් ඛාන්ගේ Tiger Zinda Hai චිත්‍රපටයේ පූර්ව ප්‍රචාරක පටය පමණයි.

මෙම ගීතය ඇතුලත් වෙන්නේ, 2016 වර්ෂයේදී තිරගත වුණු, Rajeev Khandelwal ප්‍රධාන රංගන දායකත්වය ලබා දෙන්නා වූ, Fever හින්දි චිත්‍රපටය තුලයි. චිත්‍රපටය සඳහා original reprise version ගීතය ගායනා කරනු ලබන්නේ, Blue (2009) හින්දි චිත්‍රපටය සඳහා තේමා ගීතය ගායනා කරමින් බොලිවුඩ් චිත්‍රපට ගීත ගායනය සඳහා අත්පොත් තැබුවා වූද, මේ වන විට බොලිවුඩ් සිනාමාවට නැතුවම බැරි ගායිකාවක් වන, 29 හැවිරිදි Neha Kakkar විසිනි. නමුත්, මෙම ගීතය සඳහා ඇයගේම වැඩිමහල් සොහොයුරා වන, Tony Kakkar විසින්ද සහය වනු ලබනවා. විශේෂත්වය තමයි, Fever චිත්‍රපටය සඳහා මෙම ගීතය නිළ වශයෙන්ම ගායනා කරනු ලැබුවේ Tony Kakkar විසින් වීමයි.

එහෙනම් අහලම බලන්න, මේ ගීතය කොච්චර නම් මිහිරියිද කියලා. නිසැකවම, බොහෝ දෙනෙක් එක සැරයක් විතරක් අහලා නවතින එකක් නැහැ.

Sisila Prasad (8 Posts)


Leave a Reply

Your email address will not be published. Required fields are marked *