මාවල් පනිෂර්.. .

ෆ්‍රෑන්ක් කාසල් කියන්නේ නිව්යෝක් හී ක්වීන්ස් වල ඉපදුන ඇමරිකානු මැරීන් බලකායේ කැප්ටන් කෙනෙක් වෙනකම් ඉහලට ආව කෙනෙක්. ෆෑන් බිහොක් නමැති රතු ඉන්දියානුවගෙන් “Survive in the wilderness” පුහුණුව එහෙම නැත්නම් මනුෂ්‍ය වාසයක් නොමැති කැලයකදී දිවි බේරාගෙන ඉන්න ආකාරය කියන පුහුණුව ලබාගන්න කාසල්ව වියට්නාම යුද්දයට නියුක්ත කෙරෙනව, ඒ පොයින්ට් මෑන් කෙනෙක් එහෙම නැත්නම් හමුදා මුර සංචාරයේ දෙනකොට නායකත්වය අරගෙන ඉදිරියෙන් යන කෙනා විදියට. මේ වෙනකොට ෆ්‍රෑන්ක්ගේ පෙම්වතිය වෙලා හිටිය මරියා ගැබ්ගෙන තියෙන්නේ. ඒ වගේම ෆ්‍රෑන්ක් කියන්නේ බලකායේ හිටියෙ හොඳම ස්නයිපර් කරුවෙක්. ඔහොම ඉන්න අතරේ පුහුණු කාලයේදී මුණගැහුන එයාගේ මිත්‍රයෙක් වෙච්ච රොජර් වොං නීති විරෝධී අන්දමට වියට්නාම් ජාතිකයින්ට ආයුධ විකිණීමේ ජාවාරමක් කරගෙන යනවා කියල ෆ්‍රෑන්ක්ට අහුවෙනව.
ඊට පස්සේ එතනින් ෆ්‍රෑන්ක්ව මාරු කරනවා ඔය විදියට දෙතුන් වතාවක් ෆ්‍රෑන්ක්ට ඔයවගේ සිදුවීම් වලට මුහුණ දෙන්න වෙනව. වියට් කොං ගරිල්ලන් සහ ඇමරිකානු හමුදාවන් අතර ඇතිවුන එක් දරුණු සටනකදී දෙපැත්තෙන්ම ඉතුරුවෙලා බේරෙන්නේ ෆ්‍රෑන්ක්ව විතරයි. යුධ භුමියේ දක්වපු වීරත්වය හේතුවෙන් Medal of Honor, the Navy Cross, තෙවතාවක් Silver Star and Bronze Stars, හතරවතාවක් the Purple Heart, වගේම Presidential Medal of Freedom පදක්කමක් වලින් ෆ්‍රෑන්ක් පිදුම් ලබනව. දෙවන වතාවටත් වියට්නාම යුද්දයට ගිහින් එන ෆ්‍රෑන්ක් තමන්ගේ දෙවන දරුවා ලැබෙන්න බලාපොරොත්තුවෙන් ඉන්නවා.  ඒ වගේම තුන්වෙනි වතාවටත් යුද්දයට යන්න අත්සන් කරනවා. මේ සිදුවීම් වෙන්නේ 1968 සහ 1971 අතර. ඇමරිකාව වියට්නාමයෙන් තමන්ගේ හමුදාවන් අරගන්න තීරණය කලාට පස්සේ ෆ්‍රෑන්ක් ආයේ ඇමරිකාවට ඇවිල්ල Special Black op පුහුණුවකට යනව.
ෆ්‍රෑන්ක් මේ නිවාඩුවේ ඉන්න අතරතුර ළමයි දෙන්නයි බිරිඳයි එක්ක සෙන්ට්‍රල් පාක් එකට ගිහින් ඉන්න අතරතුර අපරාධකරුවන්ගේ ප්‍රහාරයකට ෆ්‍රෑන්ක්ගේ පවුල නතුවෙනවා ෆ්‍රෑන්ක් බේරුනත් එයාගේ පවුලම ඝාතනයට ලක්වෙනවා. ෆ්‍රෑන්ක් ඝාතකයින් ගැන උසාවියේ සාක්කි දෙනවා. නමුතු මෙතැනදී ෆ්‍රෑන්ක්ට තේරෙනව නිව්යෝක් පොලිසිය පාතාලය එක්ක සම්බන්ධයි කියල. ඊට පස්සේ ෆ්‍රෑන්ක් යුධ සේවයට නොයා මේ අපරාධකරුවන් පසුපස හඹා යන්න ගන්නවා. ඒ ඔහු දන්නා එකම පිළිතුර වෙච්ච උණ්ඩයෙන්. ඕන ඔය විදියට තමයි මේ වෙනකොටත් අපි දන්න පනිෂර් බිහිවෙන්නේ. නීතියෙන් දඬුවම් නොලබා බේරිලා ඉන්න අයට දඬුවම් ලබාදෙන්නා විදියට. ඔය ගමන අතරවාරයේ පනිෂර් ස්පයිඩර් මෑන් එක්ක හවුල් වෙනවා විවිධ සතුරන් පරාජය කරන්න. ඒ වගේම බ්රුක්ලින් වල ඒ කියන්නේ කැප්ටන් ඇමරිකාගේ ගම ප්‍රදේශයේ අපරාධකරුවන් වැඩිවුණ වෙලාවේ ස්ටීව් රොජර්ස් පනිෂර්ව දෙන්න හැප්පෙනව. ඒ වගේම ඩෙයාඩෙවිල් සීසන් 2 එකේදී දකින්න ලැබෙන්න ඇතිනේ මේ කියපු දේවල් වලින් සැහෙන කොටසක්. ඒ වගේම එකේදිත් ඩෙයාඩෙවිල් එක්ක හැප්පෙනවා. ඒ වගේම ඩැමේජ් කන්ට්‍රෝල් කණ්ඩායමටත් පනිෂර් සහය වෙලා තියෙනව. පනිෂර් කියන චරිතය අරගත්තම ඒ චරිතයට කිසිම සුපිරි බලයක් නැහැ. බැට් මෑන් වගේ  බිලියනපතියෙකුත් නෙමේ. තියෙන එකම හැකියාව තමන්ගේ අතින් පයින් සටන් කිරීමේ හැකියාව වගේම නොවරදින ඉලක්කය සමග ආයුධ හැසිරවීමේ මනා  පුහුණුව විතරයි, ගොඩක් වෙලාවට අනිත් සුපිරි වීරයො සතුරාව නොමරා ඉතුරු කලත් පනිෂර්ගේ ක්‍රමය වෙන්නේ සතුරා දුටු තැන මරා දැමීම. අන්න ඒ නිසයි පනිෂර් ගොඩක් වෙලාවට අනිත් සුපිරි වීරයො එක්ක හැප්පෙන චරිතයක් වෙන්නේ. ඒ ගැන අපිට ඩෙයාඩෙවිල් සීසන් 2 එකේදී හොඳටම බලාගන්න පුළුවන්කම ලැබුනා. ඒ වගේම පනිෂර් කියන චරිතය නිර්මාණය කිරීමේ අරමුණ උනෙත් මේකමයි. අනිත් සුපිරි වීරයන්ට වඩා වෙනස් මගක් අනුගමනය කිරීම. ඉතින් මේ අදහස යටතේ පනිෂර්ව නිර්මාණය කෙරෙන්නේ Gerry Conway, Ross Andru, John Romita Sr. අතින් Amazing Spider-Man #129 (1974) දි.
ඉතිං මාවල් සහ නෙට්ෆ්ලික්ස් නාලිකා එක්කසුව නිර්මාණය කෙරෙන මාවල් යුනිවර්ස් එකේ දෙවනපෙළ ඇවෙන්ජර්ස් චරිත සමග දිගහැරෙන ඩෙයාඩෙවිල්, ජෙසිකා ජෝන්ස්, ලුක් කේජ්, අයන් ෆිස්ට් සුපිරි වීර ටීවී සීසන් පෙලේ අලුතින්ම දිගහැරෙන අලුත්ම සීසන් එක අද රිලිස් වෙනවා, මේ ලිපියේ අරමුණ උනේ ඉදිරි සතියේදී සිංහල උපසිරසි සමග ඔබවෙත දිගහැරෙන පනිෂර් 2017 කතා මාලාවට පසුබිම සකස් කරදීම. එහෙනම් ඉක්මනටම පනිෂර් සමග මුනගැසෙමු.
ශාන් විමුක්ති (58 Posts)


5 thoughts on “මාවල් පනිෂර්.. .

  • November 20, 2017 at 7:52 PM
    Permalink

    ස්තුතියි ලිපියට. මව් අඩවියෙ රෙෆරන්ස් ලින්ක් එකෙනුයි ආවෙ☺️

  • November 18, 2017 at 7:40 AM
    Permalink

    Niyamai Sahooo.. Attatama show eka balanna kalin me wage anaga sampurana lipiyak kiyawanna lebima gea Tnx

  • November 17, 2017 at 7:19 PM
    Permalink

    OK

  • November 17, 2017 at 5:25 PM
    Permalink

    thank you

Leave a Reply

Your email address will not be published. Required fields are marked *

error: Content is protected !!