බ්ලැක් ඇඩම් Suicide Squad දෙවැන්න තුලින් රිදී තිරයට.. .
DCEU තුල අඩිතාලම පවත්වාගෙන යන්න තෙවන චිත්‍රපටය හැටියටත්, මෙවර නොවැම්බර් 17′ වැනිදා සිට තිරගත වන Justice League සදහාත් පොඩි අඩිතාලමක් තියපු චිත්‍රපටයක් තමයි Suicide Squad (2016) චිත්‍රපටය සැලකෙන්නේ. මේ චිත්‍රපටය බලමු අය දන්නවා චිත්‍රපටයේ නිමාව සිදුවුණේ මෙහි දෙවැනි චිත්‍රපටයක් නිකුත් වීමට අවශ්‍ය කරන කරුණු ඉතිරි කරලා කියලා. ඒවගේම මාස කිහිපයකට කලින් අපි මංසල ෆේස්බුක් පිටුව හරහා දැනුම් දුන්නා 2018 වසරේ නිකුත් වීමට නියමිත Suicide Squad දෙවැන්නෙහි රූගත කිරීම් ලබන වසර තුලදී ආරම්භ කෙරෙන බව. එහෙනම් අපි අලුත්ම කාරණාවට බහිමු.
අලුත්ම ආරංචිය කියන්න කලියෙන් පරණ කරුණු කාරණා ටිකක් මතක් කරලා ඉන්නම්. සමහර අය දන්නවා ඇති. ඒත් තවත් සමහර දෙනෙක් නොදන්නවත් ඇති. ඒ දෙගොල්ලොන්ටම දැනගන්න එක්කම කියන්නම්. බ්ලැක් ඇඩම් කියන DC චරිතය තුලින් රිදී තිරයට එන්නේ රෙස්ලින් බලන අය “රොක්” කියන නමින් හදුනන Dwayne Johnson. මේ ගැන අපිට මුලින්ම දැනගන්න ලැබුනේ 2014 සැප්තැම්බර් 3′ වැනිදා ඔහු විසින්ම තැබූ Twitter පණිවිඩයක් හරහාය. මේ පහලින් දක්වලා තියෙන්නේ එයාගේ ඒ ට්වීටර් පණිවිඩයයි.
ඔව් ඔව් ඒ වෙද්දී අඩුම තරමේ BvS වත් නිකුත් වෙලා නම් තිබුනේ නැහැ. ඒත් චරිත තෝරාගැනීම සිදු වෙලා තිබුනේ. රොක්ව අපිට මුලින්ම දැකගන්න පුලුවන් වෙයි කියලා මුලින්ම ප්‍රකාශයක් කරලා තිබුනේ Man Of Steel දෙවැනි චිත්‍රපටිය තුලින් කියලයි සදහන් වුණේ. මේ දෙන්නා අතර ඇතිවෙන්න පුලුවන් කියලා හිතලා සුපිරි ෆෑන් මේඩ් පින්තූරයක් පවා නිකුත් වෙලා තිබුණා. පහලින් දක්වලා තියෙන්නේ ඒ පින්තූරය.
ඒත් දැනට හරියටම දවස් දෙකකට කලින් ආරංචියක් ලැබිලා තියෙනවා 2019 වසරේ නිකුත්වන Suicide Squad දෙවැනි චිත්‍රපටය තුලිනුත් අපිට බ්ලැක් ඇඩම්ව දැකගන්න ලැබේවි කියලා. නිලවශයෙන් තොරතුරු ගණනාවක් එක්ක සදහන් කිරීමක් නොකලත් මුලාශ්‍ර වල සදහන් වෙන විදිහට ප්‍රකාශකයන් හට බ්ලැක් ඇඩම්ව Suicide Squad තුලින් පෙනී සිටීමක් කරවන්න අදාළ සැලසුම් කරගෙන යනවා කියලයි කියන්නේ. එහෙම වුනොත් නම් මුල් චිත්‍රපටයට වඩා දෙවැනි චිත්‍රපටය තුල සැහෙන්න ලොකු වෙනස්කමක් දකින්න ලැබේවි කියලා කියන්නේ.
මිට වඩා තොරතුරු දැනගත්තොත් තවත් ලිපියකින් හමුවෙන්නම්. ජය!
