ෆ්ලෑෂ් චිත්‍රපටය ෆ්ලෑෂ්පොයින්ට් ලෙසින් දිගහැරීමට සැරසෙයි.. .

මේ අවුරුද්දේ සැන් ඩියාගෝ කොමික් කොන් වලින් සෑහෙන්න ලොකු වෙනස්කම් සිද්දවුණා කිව්වොත් වැරදි නැහැ. අලුත් ට්‍රේලර්ස් වගේම DCEU එකේ මිලගට නිකුත් වීමට නියමිත චිත්‍රපටි කිහිපය ගැනද හැදින්වීමක් කලා. කලින් තිබුණු විදිහ ගැන මං මුලින් කියලා ඉන්නම්.

• 2018 – The Flash, Aquaman
• 2019 – Shazam, Justice League Part II
• 2020 – Cyborg, Green Lantern Corps

ඔන්න ඔහොම තමයි තිබුණේ. නමුත් ඉතින් හිතුවට වඩා වෙනස්වීමක් වුණා. හැබැයි මේවා ප්‍රවර්ධනය වෙමින් පවතින ඒවා හොදේ.

• Shazam (2019)
• Cyborg (2020)
• Green Lantern Corps (2020)
• Justice League Dark
• Flashpoint
• The Batman
• Man of Steel sequel
• Suicide Squad 2
• Gotham City Sirens
• Batgirl
• Wonder Woman 2

ඔය රතු පාටින් සදහන් කලේ ඊයේ කොමික්න් කොන් වලදී එයාලගේ ඉදිරි චිත්‍රපට දැක්ම ගැන සදහන් කරපු වෙලාවේ කිව්ව ටිකයි. අනික් ටික ගැන නම් තාමත් ආරංචියක් නැහැ. කොහොම නමුත් ප්‍රේක්ෂකයන් නම් මේ ගැන හොදට අහනවා. මේ විතරක් නෙවෙයි Suicide Squad (2017) එකේ හිටිය ජෝකර් හා හාර්ලි ක්වින් ඉන්න තනි චිත්‍රපටයක්ද එළිදක්වන්න බලාපොරොත්තු වෙනවා කියලා සදහන් කිරීමකුත් කලා. අපිට ටයිටල් එක දීලා තිබුණේ Flash (2018) කියලනේ. නමුත් මේක වෙනස් වීමක් වෙලා තියෙනවා. කොමික් චිත්‍ර කතා අනුසාරයෙන් ෆ්ලෑෂ් චිත්‍රපටය Flashpoint විදිහට. ෆ්ලෑෂ්පොයින්ට් කිව්වම ඉතින් මට නම් මුලින්ම මතක් වෙන්නේ ෆ්ලෑෂ්පොයින්ට් ඇනිමේටඩ් ෆිල්ම් ඒක. ඊලගට ෆ්ලෑෂ් සිරිස් එකේ ෆ්ලෑෂ්පොයින්ට් එක.

ෆ්ලෑෂ්පොයින්ට් එකේදී බේරීට එයාගේ බලයන් නැතිකම දකින්න ලැබීම. පස්සේ මෙයා එයා එයාගේ බලයන් ආයේ ලබාගන්න හැටි. එතකොට ඉතින් සුපුරුදු පරිදි එයාට ෆ්ලෑෂ්පොයින්ට් එකෙන් ලැබුණු හොදම එකම දේ වෙන්නේ නෝරා ඇලන් නොහොත් එයාට එයාගේ අම්මව බේරගන්න ලබුනු සිදුවීම්පෙල.

මර්තා, තෝමස් හා බෲස් චිත්‍රපටියක් බලලා ගෙදර එන ගමන් ඉද්දි මැරයෙක් බෲස්ට වෙඩි තියලා තෝමස් වේන් බැට්මෑන් වුනු කාලය, එතකොට බෲස්ට වෙඩි වැදුණු කම්පනය නිසා මර්තා වේන් ජෝකර්  වෙච්ච සිදුවීම් පෙල.

සුපර්මෑන්ගේ උල්කාපාත ගොඩබෑමෙන් පස්සේ සුපීව හිර කරගෙන පරීක්ෂණ කරන එක. ආතර් කරී හා මීරා කුමරිය එක්ක සාම ගිවිසුම් ගහලා මේ දෙන්නා ආදරයෙන් එකතු වෙච්ච තරහට ඩයෑනා මීරාව මරලා දාලා කෘර වොන්ඩර් වුමන් විදිහට හැසිරෙන එක. ස්ටීව් ට්‍රෙවර්ව එහෙම මරලා දානවත් එක්ක. ඇක්වා මෑනුත් එහෙම තමයි. එක පාරින් මැරිලම යන්න දෙනවා. ඔන්න ඕකනේ ෆ්ලෑෂ්පොයින්ට් එකේ කතාව වෙන්නේ ඉතින්. රිවස් ෆ්ලෑෂ්ව දැකගන්න හැකිවෙන එක.

ඉතින් මේ කතාවම වෙනවනම් හුගක් හොදයි. සාමාන්‍ය ඔරිජින් කතාවක් දෙනවා වෙනුවට ස්ටෝරි ලයින් වෙනස් වීමක් වෙන එකමයි හොද. මොකද සාමන්‍ය ඔරිජින් ස්ටෝරියක් දුන්නා නම් ඒක වෙනස් වුනත් නොවුනත් බැනුම් අහන එකනේ වෙන්නේ. ෆ්ලෑෂ්පොයින්ට් කතාව නොදන්න අය නෑ තමයි ඒත් ඉතින් සජීවි රූපරාමු සහිත සිනමා අත්දැකීමට ගේනවා කියන නම් හුගක් වටිනවා.

තවත් පොඩි දෙයක් තියෙනවා කියන්න. මං කිව්වනේ ෆ්ලෑෂ්පොයින්ට් එකේ බෲස් පොඩි කාලෙදිම මැරිලා බැට්මෑන් වෙන්නේ තෝමස් වේන්, ජෝකර් වෙන්නේ මර්තා වේන් කියලා. දැනට පොඩි කටකතාවක් පැතිරිලා යනවා තෝමස් වේන් නොහොත් බැට්මෑන්ට තෝරගෙන තියෙන්නේ මෑතකාලින The Walking Dead කතාමාලාවේ පොලු පාරක් දීලා මිනිස්සුන්ගේ ඔළු පලලා යන්නම දොඹෙන් දීපු නීගන් නොහොත් Jeffrey Dean Morgan. මිනිහ චරිතයට පන පොවන විදිහත් එක්ක බැට්මෑන්ට ගැලපෙනවා කියන එකේ ආයේ ඒකෙ කිසි සැකයක් නැහැ. මේක කටකතාවක් විතරක් උනාට මේක ස්ථිරවම වෙන්න ඉඩ තියෙනවා කියන එකයි මගේ නම් මතය. මේ ගැන Jeffrey Dean Morgan ගේ පුද්ගලික ඉන්ස්ටග්‍රෑම් ගිණුමේ පවා සදහන් වුණා කිසිම දෙයක් සදහන් නොකර ෆෑන් ආට් එකක් පමණක් සදහන් කර.

මං දන්නවා වැඩි දෙනෙක් DC වලට කැමති නැහැ කියලා. නමුත් මට කියන්න තියෙන්නේ මෙච්චරයි. ඉස්සරහට තමයි හොද හොද සෙල්ලං ගොඩාක් බලාගන්න පුළුවන් වෙන්නේ. වැඩිදුර විස්තර ලැබුනම ආයේ දැනුවත් කිරීමක් කරන්නම්. එහෙනම් ඊලග දිගහැරුම Justice League (2017) එක්ක නොවැම්බර් මාසෙන් පසුව එක්වෙන්න අමතක කරන්නත් එපා.

චාමර සම්පත් (108 Posts)

චාමර සම්පත්