New trailer Brake down එක පිළිබඳ විස්තරය.
පළමුවැනියටම අපිට පෙනෙන්නෙ තමන් රජකරන්නටම උපන් බව කියන ඩැනේරිස්ව. ඇය ආක්‍රමණයට කොච්චර දක්ෂ වුණත් පාලනයේදි තරමක් අසාර්ථකයි කියලා අපි දන්නවා. කොහොමත් යම් දෙයකට කට කියවන අය ඇත්තටම ඒකට දක්ෂ නෑ. මේ අතරෙ සර්සි මෑඩ් කින්ග් ගෙ දුව කියන අනවර්ථ නමින් තමයි ඩැනේරිස්ව ටාලි වංශයට හඳුන්වා දෙන්නෙ. ඇය ජෝන්ට එවූ ලියුමෙ පවා ජොන් ආමන්ත්‍රණය කළේ කැරළිකාර අවජාතකයා කියලා. සර්සි මේ විදිහට අනෙක් අයව පහත් කරලා කතා කරන්නෙ, සිංහාසනයෙ නියම උරුමය තමන්ට නැති වල ඇයම දන්න නිසා. කොහොම වුණත්, අපිට බොහොම අලංකාර ලැන්ස්ටර් වංශයට අයත් හමුදාවක් ඉන්පස්සෙ දකින්න පුළුවන් වෙයි.
මේ අතරෙ අපිට පේනවා උතුරුකරය අවි පුහුණුව පටන් අරන් තියෙනවා. ඒ අතරෙ ජෝන් පැහැදිළි කරනවා යුද්ධය තනිවම දිනන්න බැරි බව. ඒ අතරෙ ටාගේරියන් වරු විශ්වාස කළ නොහැකි බව නයිට්වරු කියනවා. ජෝන් පවා ටෙක්නිකලි දැනට ටාගේරියන් කෙනෙක්. එකම දේ ඒක දන්නෙ දැනට ජීවත් වන අයගෙන් දෙතුන් දෙනෙක් පමණයි. ඒ අතරෙ නැවත වරක් ලියානා සීත සෘතුව පැමිණිලා කියලා ජෝන්ට කියනවා. මේ කරුණ නොවැදගත් වෙන්න අමාරුයි. සීතය කියන්නෙ අවසානයට.
ඒ වගේම ටාගේරියන් වරු විශ්වාස කරන්න බෑ කියන වෙලාවෙ ජෝන් ගෙ මුහුණ එක්කම පෙන්වන්නෙ බේලිෂ්ගෙ මුහුණ. බේලිෂ්ගෙ මුහුණෙ හිනාවෙන් පෙනෙන්නෙ, ඔහු මෙතැන සිටින ටාගේරියන් කවුද කියලා අඳුනන බව. අපි එක් නොවුණොත් හැමෝම මියයාවි කියද්දි, සන්සාගෙ මූණ පෙන්වන්නෙ අනපේක්ෂිත හැඟීම් ටිකක් එක්ක.
ඒ වගේම නිකං යූරොන් හැම වෙලාවෙම නයිට් කිං ගෙ ඉරියව් පෙන්වනවා කියලා පේනවා නේද? තව දුරටත් අපිට පේනවා ඔහුට කින්ග්ස් ලෑන්ඩිං මිනිස්සු හරි ආසා වෙලා බවක්. ඒ හැම දේම එක්ක ඉස්සරහට තියෙන හැම යුද්ධයක්ම පවුල් දෙකට බෙදිලා කරන යුද්ධයක් බවට පත්වෙන බවකුත් මේ ට්‍රේලරයෙන් පේනවා.
රැන්ඩෙල් ටාර්ලි සර්සිට එකතු වෙද්දි, සැමුවෙල් ටාර්ලි ජෝන්ට උදව් කරනවා. ජේමි හා සර්සිට විරුද්ධව ටිරියන්, තියොන් සහ යාරාට එරෙහිව යූරෝන්.. ප්‍රධාන බල ආසන අයත් පවුල් මෙහෙම දෙකට බෙදෙද්දි, කුඩා ධජ දරන්නන් පවා දෙපසට බෙදෙන්න ඉඩක් නැත්තෙම නෑ. ඒත් සැමුවෙල් ව ඒ බල ආසනේ මිනිස්සු දන්නෙත් නැති නිසා, ටිරියන්ව ගණං ගන්නෙත් නැති නිසා ඒ සියල්ල අයත් සර්සිට තමා ග්‍රේජෝයි වරු පමණයි දෙකට බෙදුණෙ.
හැබෑවටම මේ සටන් සමාගම් ලෙස බෙදෙන්න නියමිත ප්‍රධාන පාර්ශව දෙකේ එක පැත්තක්, අවජාතකයන්ගෙන්, අබ්බගාතයන්ගෙන්, දුර්වලයන්ගෙන් වගේම කැඩිච්ච බිඳිච්ච දේවල් වලින් පිරිලා..ඉතිං මොකද හිතන්නෙ? අර පළවෙනි සීසන් එකේ තුන්වැනි එපිසෝඩ් එකේ අය ඔක්කොම යම් දවසක මහා කාර්යභාරයේ පෙරගමන් කරුවො වෙයි වගේ නේද?
ඒ වගේම ඩැනේරිස්ට හමුවෙ අමුත්තා, මෙලිසන්ඩ්‍රෙ බවයි පේන්නෙ. වාරිස් සහ ඈ අතර කතා බහක් වෙයි වගේම, ඩැනේරිස්ට යමක් කියන්නෙ මෙලිසන්ඩ්‍රෙ උත්සාහ කරන බව පෙනෙනවා.ඇය කියනවා, තමන් ඩැනේරිස්ට වැදගත් යමක් ඉටු කරන්නට ඉතිර් බව විශ්වාස කරනවා කියලා. අනෙක් කෙනාට වගේ. මේ අනෙක් කෙනා කවුරු විය හැකිද? කොහොම වුණත් ට්‍රේලරේ පුරාම ඩැනීව ආලෝකය සමඟ පෙන්වන්නත්, සර්සිව අන්ධකාරය සමඟ පෙන්වන්නත් අධ්‍යක්ෂකවරු යම් උත්සාහයක් දරලා තියෙනවා.
ජේමි ලැනිස්ටර් සහ සර්සි අතර ආලිංගනයක් වගේම එලරියා සහ යාරා අතරත් යම් ආලිංගන දසුනක් නැවත පෙන්වනවා. ග්‍රේවෝම් හා මිසන්ඩෙ අතර පෙන්වන දසුන නම් මේ වෙද්දි දහ දොළොස් වතාවක් පෙන්නුවා. ඒ දර්ශනය එතරම්ම වැදගත් ඇති. එහෙම නොවේ නම්, ඔහොම පෙන්වන්න හේතුවක් නෑ.
ජේමි යුද්ධයට පිවිසුණ බව අතීතයේ ඉඳන්ම අහලා තිබ්බාට අපි ඒ වගේ දර්ශන දැකලා නැති නිසා මේ පාර ජේමිගෙ වැඩ බලාගන්න බැරි වෙන එකක් නෑ.
ආර්යාගෙ රූපය අනුව ඈ ඉන්නෙ උතුරට ආසාන්නයේ බවයි පේන්නෙ. ඈ යන්නෙ දකුණට නම්, ඒ දර්ශනය අනුව දකුණ පවා සීතලෙන් වෙලී ගිහිං තියෙන්න ඕනෙ. ආර්යා වේගවත් කෙනෙක් නිසා, දකුණ ට උතුරට ඉක්මනින් මාරු වෙන්න බැරි කමක් නෑ. කොහොම වුණත් මේ රූපාවලියෙත් ජෝරාව පෙන්වනවා. ඔහු තරමක් සනීප ගතියකින් ඉන්නවා. ඔහුගෙ මූණට රෝගය ව්‍යාප්ත වී නැති බවක් පේන්නෙ. ඒ වගේම අර පරpණ කඩුවක් මදින දර්ශනයත් නැවත වරක් පෙන්නුවා. ඒ කඩුවෙ තලය අනුව නම් බොහෝ විට ඒ ග්‍රේ වෝම් වෙන්න බැරි නෑ.
අලුත් කොටසක් දකින්න තියෙන්නෙ දවසක් දෙකකටත් අඩු කාලයක් නිසා ටිකක් ඉවසමු. හුඟක් අය ඉල්ලලා තිබ්බ නිසා පළවෙනි එපිය සෑහෙන දුරකට රිවිව් කරන්න හිතුවා… තව පැය කීපෙකින් හමුවෙමු.
මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.
Thanks…… Jaya wewa!!
බෝහෝම ස්තූතියි
niyamay akke. jaywewa
ස්තූතියි
thank you