Hindi Songs Now And Then – හින්දි සින්දු එදා සහ අද – 24

ආයුබෝවන් යාලුවනේ. කාලෙකට පස්සේ ඔන්න මම මංසලට ආවා සුපුරුදු ලිපිමාලාවක තවත් එක ලිපියක් අරගෙන. ඉතින් මේ ගීතයත් කාලයක් අතිශය ජනප්‍රිය වෙලා තිබිලා කාලයත් එක්ක අමතකවෙච්ච එකක්. නැවතත් ඔයාල හමුවට නව මුහුණුවරකින් ඇවිත් තිබෙනවා.

මේ ගීතය ඉස්සරවෙලාම ඔයාලට දකින්න ලැබෙන්නේ වීඩියෝ ඇල්බම් එකක. ජබාර් ජෙසී කියන ගායකයා විසින් දිල් ලේ ගයි කියල අනුව දශකයේ අග බාගයේ නිර්මාණය කරපු ඇල්බමයක තමා මේක දක්නට ලැබෙන්නේ.  ලතා ෂාම් බන්ජෙතා විසින් කරලා තියන පද රචනයට ජයිදෙව් කුමාර් තමා සංගීතය නිර්මාණය කරලා තියෙන්නේ. ගීතය ගායනය සහ ගීතයේ අයිතිය ජබාර් ජෙසී ගේ.

මෙම ගීතයේ නව සංස්කරණය ඔයාලට දක්නට ලැබෙන්නේ 2017 ජුනි දෙවනදා තිරගත වෙන්න ආරම්භ කරන ලද Sweetiee Weds NRI චිත්‍රපටයේ. ජබාල් ජෙසී මෙම ගීතයත් ගායනා කරන අතරේ ඔහු සමග සෝනියා ශර්මා සහ අක්ෂා සින්ග් එකතු වෙනවා. රැප් කොටස KD ගායනා කරන අතරේ ජයිදෙව් කුමාර් විසින්ම නව සංගීතය නිර්මාණය කරලා තියනවා. පදවැල් වල සංස්කරණයක් දේවේන්ද්‍ර කෆීර් විසින් කරලා තියනවා. ගීතයට හේමන්ත් කෝලි සහ සොයා ඇෆ්රෝස් පෙනී සිටිනවා. නව ගීතයේ අයිතිය T-Series ආයතනය සතුවෙනවා.

ඉතින් මෙම ගීත දෙකම නරඹලා රසවිඳින්න කියන ගමන් සමුගන්නවා.

බුදු සරණයි.