Game of Throne Season 7 පළමු trailer එක පිළිබඳ කතාව

1. සර්සි ලැනිස්ටර් ගේ සතුරෝ

ජෝන් ස්නෝ, ආර්යා සහ මුළු උතුරම ද, දකුණින් ඩ්‍රෝන් දූපත් වල සෑන්ඩ් වරු ද, නැගෙනහිරින් ඩැනේරිස් ඇතුළු අන්සලීඩ් හමුදාව හා ඩ්‍රොතැකිවරුද, බටහිරින් යූර‍ෝන් ග්‍රේජෝයි වරුද සිටී. යූරෝන් ගේ සයිලන්ස් නෞකාව දැක ගැනීමටද එහිද‍ී අපට හැකි වෙනවා. එහෙත් මෙම කොටසේ වැදගත්ම කරුණ එය නොවේ.  ඈ පාගා සිටින මේ සිතියම ඇතැයි සිතිය හැකි කාස්ටලි රොක් දක්වා ශිශිරය පැතිර ගොස් ඇති බවට හැඟ වෙන ඇගේ බැලැන්කට්ටුවයි. සමහර විට එය රාජකීය සංකේතයක් ද විය හැකියි. කෙසේ වෙතත් ඇය සිටගෙන සිටින්නේ සිතියමේ Neck නැමති කොටසේ වන අතර ජේමි ලැනිස්ටර් සිටගෙන සිටින්නේ ෆින්ගර්ස් කොටසකට මුහුණ ලා ය. ඉන් හැඟ වෙන්නේ දිනෙක ඇය බෙල්ලෙන්ම සිර වන බවට පෙර ලබා දෙන සංකේතයක් ද විය හැකියි. එමෙන්ම අදාළත්වයක් ඇති ලැන්ස්ටර් වරු ලෙස ඈ තමා හා ජේමි නම් කරගනිද්දි, ටිරියන් ලැනිස්ටර් සහ ඩ්‍රෝගෝන් අපි දකිමු.එනම් හැබෑවටම අදාළත්වයක් ඇති ලැනිස්ටර්වරයා ටිරියන් ය. ඈ යූරෝන් ග්‍රේජෝයි සමඟ යම් සම්මුතියකට එළඹෙන බව එක් රූප රාමුවකින් පෙනේ. කෙසේ වෙතත් මෙවර ලැනිස්ටර් හමුදාව වැඩි වශයෙන් පෙනෙන මෙන්ම විනාශයට පත්වන බවක් පෙනේ..ඈ සතුරන් ගැන කතා කරන කාලය පුරාම බුරුල් කළ සෙලෝවකින් හුරුපුරුදු ලැනිස්ටර් සංගීතය ඇසේ. මේ වද්දි ඇය නව දෙවියන්ගේ තරු ලකුණ සිංහාසන කුටුයෙන් ඉවත් කර, සිය සිංහ ලාංචනය එහි යොදා සිටී. 

2. ඩැනේරිස් ගේ පැමිණීම

ඩැනී භූමියට ගොඩබසින්නේ චමත්කාර ලෙසකටය. එය ඇගේ ෆැනටසි භූමියයි. ඈ තමන් එය පාලනය කරන්නට උරුම ලද්දිය බව පවසයි. දොර හැරෙන විට, තවමත් ඩ්‍රැගන් ස්ටෝන් වල ඇති ටාගේරියන් ලකුණු ඈ දකී.එමෙන්ම ඩ්‍රැගන්ස්ටෝන් හී සිතියම තිබූ කාමරයේ වැදගත් කතා බහක් නැවතත් සර් ඩාවෝස් අතින් සිදුවන බව පැහැදිළියි. එමෙන්ම ලැනිස්ටර් වරුන්ගේ පරාජය සැලසුම් කරන්නේද ලැනිස්ටර් වරයකු බව පෙනේ. ඈ ඩ්‍රැගන් ස්ටෝන් සිංහාසනයේ හිඳ සිටී. අනිසලීඩ් වරු දොර හැර ඇය දැක්මට අවසර දෙන්නේ ජෝන් හා ඩාවෝස් යන දෙදෙනාටයැයි සැක කළ හැක. කෙසේ වෙතත්, ඈගේ රූපරාමු දකින සෑම විටම, පසුබිමින්  ක …. ලි……සි …. ලෙස වාදනය වෙයි.ඔවුන්ගේ පැමිණීම දෙස ඈතින් බලා සිටින මැලිසැන්ඩ්‍රේ ද අමතක නොකළ යුතුයි.  

3. උතුරුකරයේ කතාව

උතුරේ බ්‍රියන්ගේ පැමිණීම සිදුවී ඇති අතර, ආර්යාගේ පැමිණීමත් සිදු වන බව ස්ථිරයි. ඇයට එන අතර මග විශේෂ අමුත්තෙක් හමුවේදැයි කියාද සැක සහිතයි. ඈ නතර වී සිටින ගඟ අසබඩ කැලෑවේදියි ඈ හා නයිමේරියාගේ වෙන්වීම සිදු වූයේ. දැන් ද ‍ඈ ෆ්‍රේ නිවසේ සිටින්නේ ඒ කිට්ටුවටයි. කෙසේ වෙතත්, ජොන් ඩ්‍රැගන්ස්ටෝන් වෙත පිටත් වීමට පෙර සොහොන් ගෙයි පහන් දල්වයි. එහිදී ඔහු හා ලිට්ල් ෆින්ගර් අතර යම් බහින්බස් වීමක් වෙයි. එහිදී ජොන් නෙඩ් ස්ටාර්ක් නැවත උපද්දමින් ලිට්ල්ෆින්ගර් ගේ බොටුව තර කරයි. මේ එළිදැක්වීම කුමක් විය හැකිද? සමහර විට ජොන් සිය උත්පත්ති කතාව දැනගන්නේ ලිටල් ෆින්ගර් ගෙන් විය හැකියි. එහෙත් එය ඔහු විශ්වාස කරයිද? කෙසේ වෙතත්, ආර්යා සිය කාමරය තුළට නැවත පැමිණ ඇතිවා මෙන් පෙනෙන දර්ශනයක් මෙහි ඇත. එය කුම ක් හෝ කාමරයක් විය හැකියි. කෙසේ වෙතත්, ලිටල් ෆින්ගර්ගෙ මරණය මේ Season එකේ වීමට ඉඩකඩ වැඩියි. ඔහු ඉතා වේගයෙන් සන්සාව තමාවෙත නම්මාගන්නට කරන උත්සාහයේදි, කුමක් සිදුවිය හැකිද? ජෝන් ඩ්‍රැගන්ස්ටෝන් වෙත ගිය පසු, සමහරවිට ඔහු කුමන ක්‍රමයකින් හෝ සන්සා නම්මා නොගනීද? සමහරවිට ආර්යා සහ සන්සා අතර (ආර්යා උතුරට පැමිණිය හොත්) මේ පිළිබඳ ගැටුම් හට ගනීවි. සමහර විට සන්සා ලිට්ල්ෆින්ගර් විවාහ කරගන්නට කැමති වේවිද? එසේ වුවහොත්  ලිට්ල් ෆින්ගර් විවාහ කරගන්නා සන්සා සැබෑ සන්සා ස්ටාර්ක් වේවිද? ඒ සන්සා ගේ මුහුණ ගත් ආර්යා ස්ටාර්ක් නම්, ඈ ඔහු මරා දමන්නේ ඇගේ පියාට ලිට්ල් ෆින්ගර් ද්‍රෝහි වුණ වැලේරියන් කිණිස්සෙන්ම නොවිය හැකිද? සමහරවිට සන්සා ආර්යාගේ උදව්වෙන් ලිට්ල්ෆින්ගර්ගෙන් ගැලවෙනවා වන්නටත් පුළුවන. සමහරවිට, බ්‍රැන්ගේ පැමිණීම කුමන වෙනසක් උතුරට කරන්නට ඉඩ ඇත්ද? ඔහු හැබෑවටම පැමිණේවීද? 

5. අතුරු කතා

ලැනිස්ටර් හමුදාවට එතරම් හොඳ කාලයක් නොදෙමින් අන්සලීඩ්වරු නැගී සිටින බවද, ‍ඩොත්‍රැකි වරුන් හා මකරුන්ගේ වීරක්‍රියාද දැකීමට අපිට හැකි වේවි. එමෙන්ම උගත් මේස්ටර්වරයෙක් ලෙසින් සෑම්ව හමුවන්නට අපිට හැකි වේවි. ඔහු පොත් තුළින් මොනවා සොයාගනීවිදැයි තවමත් සැකයකි. තව දුරටත් අන්සලීඩ්වරු හැබෑවටම කප්පාදු කළ අයද යන ගැටලුව මෙන්ම, යාරා ගේ සහ සෑන්ඩ්වරුන්ගේ හිතවත් කම් ද අපි දකීවි. කෙසේ වෙතත්, යම් පොදු එකඟතා හා සටන් විරාම හා මහා සටන් ද අපිට මෙවර කතා මාලා හතෙහි ඇති කතාංග 7 හරහා දැක ගත හැකි වේවි. 

තවත් විස්තර පසුවට.

නෙරංජි සුලක්ඛනා (57 Posts)

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

නෙරංජි සුලක්ඛනා

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

neranji-sulakkana.blogspot.com/