ස්ට්‍රයික් බැක් කතාමාලාව නැවතත් නව මුහුණුවරකින් ආරම්භ කරන වගයි.

සට්‍රයික් බැක් කියන්නේ මං නම් පුද්ගලිකවම ආස සීරිස් එකක්. අවාසනය වෙනකන්ම හුගක් ආසාවෙන් බැලුවා. CINEMAX නාලිකාව නිල වශයෙන් ප්‍රකාශ කරලා තිබුනා සට්‍රයික් බැක් කතාමාලාව වෙනුවෙන් දරන්න වෙන වියදම වැඩි හේතුව නිසාවෙන් හා සලිවන්, පිලිප් නොහොත් මයිකල් හා ස්ටෝන්බ්‍රිජ් කියන නළුවන් දෙන්නට එක දිගට අවුරුදු ගණනාවක් පුරාවටම එක දිගට රංගනයේ යෙදීම නිසාවෙන් ඇති වූ එපා වීම නිසාවෙන් මේ කතාමාලාව නවත්තවනවා කියලා. එතනින් පස්සේ ඔයාලට සලිවන්ව සුපිරි කතාමලාවකින් දැකගන්න ලැබුනා. ඒ තමයි Blindspot.  පිලිප්වත් ඔයාලට දැකගන්න ලැබුනා NBC නාලිකාව තුල පළමු කතාමාලාවක් වෙනකන් පමණක් ගෙන හැර දැක්වූ The Player කතාමාලාව.

මොන හේතුවක් නිසාවෙන්ද මන්දා CINEMAX නාලිකාව ගිය වසරේදී නිල වශයෙන් කියා සිටියා නැවතත් අපිට ස්ට්‍රයික් බැක් කතාමාලාව වගේම මයිකල් හා ස්ටෝන්බ්‍රිජ්ව දැකගන්න පුලුවන් කියලා. හැබැයි ඒ අය කියලා තිබුනා නව මුහුණුවරකින් තමයි මෙවර කතාසමය ආරම්භ වෙන්නේ කියලා.
මං ඉතින් කියන්න ඕන නෑනේ. සීරිස් එකක් රීබූට් කරනවා කියන්නේ චරිත හා ස්ටෝරි ලයින් වෙනස් වෙනවා. නමුත් කියන්න බැහැ ස්ටෝරි ලයින් වෙනස් නොකර ඉන්නත් ඉඩ තියෙනවා. මොකද පළමු කතාමාලාවේ රංගනයෙන් දායක වුනු අය නෙවෙයි ඉතිරි සියල්ලට දායක වුනේ. නමුත් මුල් කතාමාලාවේ සිද්දීන් හරි අගේට සම්බන්ධ කිරීමක් කලා. කොහොම කොහොමින් හරි මේ ඔයාලට දකින්න ලැබුණු ෆොටෝ එකෙන් දකින්න ලැබෙන්නේ දැනට රංගනයෙන් දායක වෙන ප්‍රධාන චරිත හතරයි. හුගක්ම වෙනස් නෙහ්?! මේ අය ගැන කියනවනම් මේ ඉන්න ඔක්කොම අය ටෙලි කතාමාලාවන් වලට රංගනයෙන් දායක වුනු අය.

Daniel Macpherson, Warren Brown, Roxanne Mckee, Alin Sumarwata. Roxanne Mckee කියන කෙනාව නම්නො දන්නවා වෙන්න බැහැ. මොකද එයාව නම් ඔයාලා ගේම් ඔෆ් ත්‍රෝන් වලදී Doreah කියන චරිතයක් තුලින් දැකගන්න ලැබුනා. දැනට නම් නිකුත් වන දිනයක්වත් සදහන් කරලා නෑ. ඊයේ රාත්‍රියේ තමයි මේ පින්තුරේ පවා අන්තර්ජාලයට මුදා හැරලා තියෙන්නේ. බොහෝවිට මේ අවුරුද්ද තුල නිකුත් වෙන්න ඉඩ තියෙනවා. බලමුකෝ නෙහ්. මේ ආරංචිය දෙන්නයි මේ පැත්තට ආවේ.

මේ සීරිස් එකට ආදරය කරන අය ඉන්නවා නම් හැමෝවම දැනුවත් කරන්න මේ පොස්ට් එක ශෙයා කරන්න අමතක කරන්න එපා. 

චාමර සම්පත් (108 Posts)

චාමර සම්පත්