අයන් ෆිස්ට් කතාමාලාව ඇරෝ කතාමාලාව අනුකරණය කලාද? | Has Marvel’s Iron Fist Just Copied Arrow?

ඔව් ඔව් දැන් කට්ටිය කියයි සබ් දෙන එක ඉවර වෙලා නැතුව තියෙද්දිත් මොනාද මේ කියවන්න යන්නේ කියලා. ඒත් තියෙන ඉඩ ලැබුණු වෙලාවේ ලියලා දානවා. මොකද පරණ වෙන්න චෙන්න වැඩක් නැතුව යනවා. මට නම් අයන් ෆිස්ට් බලන්න ගත්ත වෙලාවේ තේරුණා මේක නම් තනිකරම ඇරෝ සීරිස් එක කොපි කරලා හදලා කියලා. මං ඔයාලට කරුණු ටික කියන්නම් එතකොට ඔය මොළය පොඩ්ඩක් කල්පනා කරලා හිතලා බලන්න පක්ෂපාති කමටම වහල් වෙලා ඉන්නේ නැතුව.

15. මැරුණා යයි කියා හිතාගෙන හිටිය බිලියනපතියෙක් නැවත තම කම්පැනිය වෙතට ආවා.

ඔලිවර් කවීන්ගේ  වේවා නැත්තම් ඩැනි රෑන්ඩ් මේ දොගොල්ලෝන්ගේම ආරම්භයන් එක වගේ වුණා. ඔලිවර් එයාගේ තාත්තා එක්ක නැවක ගිහින් එයාගේ තාත්තායි එයයි විතරක් බෝට්ටුවක තනි වෙන තැනටම ඇවිත් එයාගේ තාත්තා වෙඩිතියාගත්තා. ඩැනි එයාගේ අම්මයි තාත්තයි එක්ක ගුවන් ගමනින් සංක්‍රමණයක් වෙන අතරේ ඒ අයගේ අහස් යානය කඩන් වැටුණා වගේම එයාගේ අම්මයි තාත්තයි මැරුණා. මේ වගේ සිද්දියට මුහුණ දීලා තමන්ගේ කම්පැණියට ඔලිවර් ආවා. ඒ වගේම තමයි ඩැනිත් එයාගේ කම්පැණිය හොයාගෙන ආවා.

14. තමන්ගේ සැබෑ ස්වරුපය පිටත මිතුරන් විසින් හදුනාගෙන කතාවට එකතු වීම.

ඔලිවර් කියන්නේ හුගක්ම යාලුවෝ ඇති කරගන්න කෙනෙක්. එයා David Ramsay නොහොත් ජෝන් ඩිගල්ව ඔලිවර්ගේ ආරක්ෂයා හැටියට බලෙන්ම පත් කලාම ඔලිවර්  එයාවා මගහැරියා. නමුත් ජෝන් හොයාගත්තා ඔලිවර් තමයි ඇරෝ කියලා. ඇරෝ කතාමාලාවේදී ජෝන් ඔලිවර් එක්ක එයාගේ කබාකාරයාගේ සටන කරන් යන්න උදව්වට එන්න ගියේ කොටස් හතරක් විතරයි. මතකනේ පරණ කර්මාන්න ශාලාව. ඩැනිට වුනෙත් ඒ ටිකමයි. එයා තමයි අයන් ෆිස්ට් කියලා පිටස්තරයො දැනගන්න වැඩි වෙලාවක් ගියේ නෑ. මිනිහා කොහොමත් පිස්සෙක් වගේ හැමෝටම කිව්වත් එක්කනේ. 😂 කොලින් වින්ග් ඩැනි ගැන තේරුම් අරගෙන එයාගේ උදව්වට ආවා.

13. රණශුරයින් විසින් පුහුණු කිරීම.

ඇරෝ කතාමාලාව තුල බ්ලැක් කැනේරි වෙනකන්ම Caity Lotz නොහොත් සාරා ලාන්ස්ට පුහුණු කලේ රාස් අල් ගුල් හා ලීග් ඔෆ් ඇසසින්ලා. දැන් ඇය LOT එකේ වයිට් කැනේරි විදිහට ඉන්නවා. ඔලිවර්ට යම් යම් දේවල් කියා දුන්නු රාස් අල්ගුල්ගේ දුව වන ටාලියා අල්ගුල්ගේ මතක සටහන් පවා මෑතකදී දකින්න ලැබුණා.

ගුවන් යානා අනතුරින් පස්සේ ඩැනි රෑන්ඩ් ගත කලේ කුන්-ලන්වල. එයාට ඒ ආරාමයේදී මාෂල් ආට් වගේම හුගක් සටන් ක්‍රම රන්ශුර භික්ෂුන්ලා කියා දීලා තියෙනවා.

12. නගර විනාශ කිරීමට තැත් කල අයට සහාසික විදිහට පහර දීම.

මේ දෙන්නම තමන් ඉන්න තැන් වලින් හුගක් කල් ඈත් වෙලා ඉදලා එයාලගේ ඔරිජින් ස්ටෝරි (මුල් කතාවත්) එක්ක තමයි තම තමන්ගේ නගර වලට එන්නේ. ඒ ඇවිල්ලා තමන්ගේ කම්පැණිය ගැන රහස් දැනගන්නවා. පස්සේ ඔලිවර් එයාගේ තාත්තා එක්ක වැඩ කරපු නමුත් නරක වැඩ කරපු හුග දෙනෙක්ගේ පපුවට ඊතලයකින් ඇනලා මැරුවා. මතකනේ පලවෙනි සීසන් එකේ 12 වැනි කොටස. වර්ටිගෝ. වර්ටිගෝ කිව්වේ අර කොළ පාට කරල.

ඩැනි රෑන්ඩ්ට සිද්ද වුනෙත් ඒ දේමයි. මැඩම් ගැඕ රෑන්ඩ් කම්පැණියේ හොර රහසේ කුඩු බ්ස්නස් කරලා මිනිස්සුන්ව ලෙඩ කලා වගේම බෙහෙත් බඩු හුගක් ලොකු ගණන්වලට වික්කා. මේක ගැන  ඩැනි දැනගත්තට පස්සේ කිසිම බුරුලක් දෙන්නේ නැතුව මේක නවත්තන්න ඕනෙම දෙයක් කලා.

11. පහුගිය අවුරුදු පුරාවටම අතුරුදහන් වෙලා ඉදලා පහුගිය මතකයන් නැවත නැවත මතක් වීම.

තවමත් නොනැවතී ඇරෝ කතාමාලාවේ ඔලිවර්ගේ ෆ්ලෑෂ්බැක් එහෙමත් නැත්තම් පෙර මතකයන්වල සිද්දීන් පෙන්නනවා. එයා අර ලියැන්ලුවල සිද්දි එතකොට ආගස් එකත් එක්ක වැඩ කරන්න ලැබුණු විදිහ. එයා සටන් පුහුණු වුණේ කොහොමද, එයාගේ තාත්තා මැරුණේ කොහොමද. මේ හැමදේම.

මේ දේම තනිකරම අයන් ෆිස්ට් කතාමාලාවේ  ඩැනිගෙන් අපිට දැකගන්න ලැබුණා. එයා කුන්-ලන්වල කරපු කියපු දේවල්. එතකොට එයාගේ අම්මා තාත්තා හිටිය ප්ලේන් එක වැටිලා කඩන් වැටුණු විදිහ. මේ හැමදේම.

10. එපා කරවන කොණ්ඩය හා රැවුල.

ඔලිවර් ලියැන්ලූවල ඉද්දි එයාගේ කොන්ඩේ වගේම රැවුල මතක ඇති. එයා නම් ගෙදර එන්න කලින්ම හුගක් තැන් වලට ගියා. ඒ ගියා කියලා කොන්ඩේ නම් කපලා තිබ්බේ නෑ. කොටින්ම එයා ආයේ ගෙදර ආවට පස්සේ තමයි කොන්ඩේ කැපුවේ. ඩැනි රෑන්ඩ් කපලා තිබුණේත් නෑ. එයාට කුන්-ලන්වල ගත කරපු කාලේ වවපු කොණ්ඩය හා රැවුල පිටින්ම නැවත ගෙදර ආවා.

09. වෙනත් භාෂාවන් කතා කලා. ඇගේ පච්ච කොටලා තිබුණා.

ඩැනි රෑන්ඩ් මැන්ඩරින් භාෂාවෙන් කතා කරලා කොලින් වින්ග්ව පුදුමයට පත් කරන්න උත්සහ කලා මතක ඇතිනේ. ඒ වගේම තමයි අර ගුහාවට ගිහින් මකරා එක්ක සිද්දියෙන් පස්සේ එයාට අර මකරාගේ පච්චය ලැබුණා.

ඔලිවර් නම් හොංකොං වලදී ගත කරපු ජිවිතයට පින් සිද්ද වෙන්න එයාටත් මැන්ඩරින් කතා කරන්න පුළුවන් කමක් ලැබුණා වගේම එයාට මැන්ඩරින් හැරුනම, චීන භාෂාව, රුසියානු භාෂාව, කැන්ටෝනීස් භාෂාව වගේම ආරාබි භාෂාවද කතා කරන්න පුළුවන්. පච්ච ගැන කතා කරනවානම්, ඔලිවර් ක්වින්ට මුලින් කොන්ස්ටන්ටින්ගෙන් විසින් දීපු දේ වගේම එයාට බ්‍රට්වා කැප්ටන්ගේ පච්ච්යද ලැබුණා.

08. නිවැරදි දේ වෙනුවෙන්ම පුහුණු කර තිබීම.

ඔලිවර් නගරෙන් පිට කතා කරපු ජිවිත කතාව හැම කොටසකදිම වගේ අපිට දැකගන්න ලැබුණා. ඔලිවර් එයාගේ නගරෙට ආවට පස්සේ, එයාට ස්ලෙඩ් විල්සන් ගැන මතක සටහන් දිගහැරෙන්න ගත්තා. එතකොටම ඩේත්ස්ට්‍රෝක් නගරයට ආවා. එයාට කොන්ස්ටන්ටින් ගැන මතකයන් මතක් වෙන්න ගත්තම මැජික් සම්බන්ධ ප්‍රශ්න ඇති වුණා. එයාට හොංකොං වල සිද්දීන් මතක් වෙන්න ගත්තම ලීග් ඔෆ් ඇසසින්ලගේ ප්‍රශ්න ඇති වුණා. එයාට ටාලියා පුරුදු පුහුණු කලා කියලා මතක් වුනාම ටාලියා නගරයට ඇවිත් එයාගේ හතුරෙක් වුණා.

මේ දේම හරියටම අයන් ෆිස්ට් එකෙත් වුණා. හෑන්ඩ් හී පරම හතුරා වගේම විනාශ කරන්නා වෙන්න තමයි එයාව පුහුණු කලේ ඩැනීව. එයා අවුරුදු පහළොවක් පුහුණු වෙලා නගරයට ආවට පස්සේ නගරයට හෑන්ඩ් එකෙන් ඇවිත් තිබුණා.

07. තාත්තගේ හොදම යාළුවා, හොදම යාලුවන්ගේ පුත්තු හොද යාලුවෝ, තාත්තගේ යාලුවාගේ දුව හිතවත් අය වීම.

ඔලිගේ තාත්තාගේ හොදම යාළුවා වුණේ මැල්කම් මාර්ලින් නෙහ්. මැල්කම් මර්ලින්ගේ පුතා කවුද? ටොමි මර්ලින් නෙහ්. ටොමි වගේම ඔලිවර් කියන්නේ හොද යාලුවෝ. එතකොට මැල්කම්ගේ දුව කවුද තියා මර්ලින් නෙහ් (මෙතන රිතයානුකුලව කතා කරමු නෙහ්?!) ඔලිවර් වගේම තියා කියන්නේ සහෝදරියේ වුණත් මේ දෙන්නා අතරේ සම්බන්ධය හුගක් ලගම එකක් වුණා. ඒවගේම තමයි මැල්කම් කියන්නේ අමු හොර තක්කඩියෙක්.

ඩැනි රෑන්ඩ්ගේ තාත්තාගේ හොදම යාළුවා වුණේ හැරල්ඩ් මීචම්. එතකොට එයාගේ පුතා වුණේ කවුද? වෝඩ් මීචම්. ඩැනි වගේම වෝඩ් අතර ඒ හැටි හිතවත් සම්බන්ධයක් තිබුණේ නැති වුනාට ඩැනි හුගක්ම එයාව විශ්වාස කලා වගේම පස්සේ කාලෙක හිතවත් වුණා. එතකොට හැරල්ඩ් මීචම්ගේ දුව ජෝයි මීචම්. ඩැනි හා ජෝයි කියන්නේ හුගක් දුරට හිතවත් වුන දෙන්නෙක්. හරියට ඔලිවර් තියා වගේමයි. ඒවගේම තමයි ඩැනිගේ තාත්තා හැරල්ඩ්ව කොච්චර විශ්වාස කලත් හැරල්ඩ් කියන්නෙත් මැල්කම් මර්ලින් වගේම අපත වැඩ කරපු මිනිහෙක්.

06. මිනිස්සු වයසට නොයෑම.

ඩැනි මුල් වතාවට හැරල්ඩ් ගැන හොයාගත්තම හැරල්ඩ් වයසට නොයන්න හේතුවක් හැටියට කියනවා මැඩම් ගැඕ වගේම හෑන්ඩ් එකේ අය තමයි එයාට එහෙම නොවෙන්න සැලැස්වූවේ කියලා.

මේකම ඇරෝ එකෙත් දැක්කා. මතක ඇති නෙහ් ලාසරස් පීට් එක. රාස් අල්ගුල්ට එයාගේ දූවරුන්ට වගේම එයාගේ අනුගාමිකයන්ට මේ ලාසරස් පීට් එකේ වරම ලැබුණා. මේකෙන් එයාලවත් ලෙහෙසියෙන් මරන්න බැරි අය බවට පත් වුණා වගේම අමරණිය වුණා, වයසට ගියෙත් නැහැ.

05. මරණයෙන් නැවත ජීවයට.

සාරා ලාන්ස් වගේම තියා ක්වින්ව නැවත මරණයෙන් ජිවිතයට ගෙන්නුවා ලාසරස් පීට් එක හරහා. මතකනේ ඒකෙන් ඇති වෙච්ච වියරුව.  මේ දේම ඔයාලට දකින්න ලැබුණා හැරල්ඩ්ව වෝඩ් මරපු වෙලාවේදී. හැරල්ඩ් නැවත පණ ගහලා ආවේ එයා හෑන්ඩ් එකත් එක්ක ගහලා තියෙන ගිවිසුමක් නිසා නෙහ්. මතකනේ හැරල්ඩ් ඒ මරණයෙන් නැගිටලා ආවට පස්සේ හුගක්ම වෙනස්ම කෘර කෙනෙක් වුණා. ඔයාලට ඉස්සරහට බලාගන්න පුළුවන් ඉලෙක්ට්‍රාටත් ඒ ටිකම වෙලා එනවා. මතකනේ DD සීසන් දෙකේ අන්තිමට ඉලෙක්ට්‍රාව කට්ටිය පෙට්ටියකට දාලා වැහුවා. (හේ. හේ.. ස්පොයිල් වුණාද මන්දා.. 😁😁)

04. මැජික් (මායා) බලයන් පිහිටීම.

අයන් ෆිස්ට් කියන්නේ හැම මායා බලයක්ම පිහිටීම සදහා අවශ්‍ය කරන හැම සාධකයක්ම මුල් කර‍ගෙන නිර්මාණය වූ චරිතයක්. ඇරෝට එහෙම බලය ලැබුනේ නැති එක ලොකු අපරාධයක්. කොහොම නමුත් ඇරෝ කතරවෙනි කතාමලාවේදී අපිට දැකගන්න ලැබුණ ඔලිවර් මායා බලයන් ගැන ඉගෙනගත්තා. ජෝන් කොන්ස්ටන්ටීන්ට පිං සිද්දවෙන්න.

03. මිනි-ක්‍රොස්ඕවර් කිරීමට ගත් උත්සාහය.

හැම කතාවකම වගේ හිටිය කෙනෙක්ව මතකද දන්නේ නෑ. ඔව් ඔව් නර්ස් අක්කි තමා. කෙල්යර් ටෙම්පල්. මෙයාව තමයි මේ සීරිස් එකේදිත් කෙල්යර්ව ගෙන්නලා ක්‍රොස්ඕවර් කලා. ඒත් මං නම් කියන්නේ කතාව චා වුණේ ක්ලෙයාර්ව ගෙන්නලා කියලා. (*දැන් කියයි ඩිෆෙන්ඩර්ස් ආවහම පට්ටම තියෙයි කියලා. ඔය මගුලේ ජරා මෙගා ක්‍රොස්ඕවර් වගේ නෙවෙයි කියලා. ඒත් මං මේ කියන දේ හරියට තෙරුම් ගන්න බලන්න.)

අයන් ෆිස්ට් කියන්නේ පලවෙනි ඔරිජින් කතාව අයන් ෆිස්ට් ගැන කියවෙච්ච. නමුත් ඇරෝ සීරිස් එක ගැන හිතලා බලන්න. මං මේ කියන්නේ තඩි ක්‍රොස්ඕවර් එකක් ගැන නෙවෙයි. මතකද බේරී ෆ්ලෑෂ් කියන චරිතයට ආරුඩ වෙන්න කලින් ඇරෝව හම්බෙන්න ආපු ඒ ලස්සන මිනි ක්‍රොස්ඕවර් එක. ඒක නම් යස අගේට ලස්සනට ගියා.

02. වැඩ කරන කාලය ගැන අවබෝධය නැතිකම.

ඔලිවර් නම් ටිකක් හරි කැපවීමෙන් වැඩ කරන ගැන බැලුවා. නමුත් ඔලිවර්ට ලොකු අවබෝධයක් තිබුණේ නෑ මේ ගැන. මේ දේම අයන් ෆිස්ට් කතාමාලාවෙදිත් සිද්ද වෙනවා. ඩැනි, ජෝයි වගේම වෝඩ් මේ තුන්දෙනාම රෑන්ඩ් කම්පැණියේ එකට වැඩ කලා. අනික හොදම කාරණේ තමයි, ඇරෝ එකේ ස්ක්‍රිප්ට් එකයි අදහසයි කොපි කලා කියන්න තියෙන, මේ තුන්දෙනා එකට ඉද්දි වෝඩ් කියනවා,

“Danny Rand doesn’t understand the concept of working hours. – ඩැනි රෑන්ඩ්ට වැඩ කරන සංකල්ප ගැන තේරෙන්නේ නෑ”

සරලවම කියනවනම් වැඩ කරන්න දන්නේ නැහැ.  ඇරෝ සීරිස් එක හරියටම බැලුවා නම් මතක ඇති මේ දේම හරියටම ඇරෝ එකේ ඔලිවර්ටත් කියනවා. මට එපි අංකෙ නම් මතක නෑ. කොහොම හරි ඒ ඩයලොග් එකමයි.

01. තාක්ෂණික සහය හා ක්‍රියාකාරී සහය

මං මේ කියන්නේ ඇරෝ සීසන් එකේ මුල් කාලේ ෆෙලිසිටි ඇරෝට උදව් කරපු කාලේ. මං අදහස් කලේ ඇරෝ ෆෙලිසිටි ආදර අන්දරය පටන් ගන්න කලින්. සල්ලිකාර සුපර් හීරෝ ජීවිතයක් ගත කරන CEO ගේ සහයිකාව වුණේ ෆෙලිසිටි ස්මෝක්. ඔලිවර් හැම තාක්ෂණික දේකටම වගේ උදව් ඉල්ලුවේ එයාගෙන්. කරන්න තියෙන දේවල් කරන්න තියෙනවා කියලා උදව් ඉල්ලගෙන නොකියන චරිතයක්.

ඩැනි රෑන්ඩ්ටත් හිටියා අන්න එහෙම කෙනෙක්. මේගන් කියලා. මතකනේ හුගක් දේවල් එයාට කියලා කරවගත්තා. නමුත් මාවල් නෙට්ෆිල්ක්ස්ලගේ කොපි කිරීමේ මට්ටමට මක් වුණාද මන්දා මෙගන්ට තාක්ෂණික සහය කරන්න බැරි වුණා. ලිපිගොනු ආශ්‍රිත දේවල් තමයි වලින් තමයි මේගන් උදව් කලේ.

ඔන්න ඔය වගේ නොයෙක් හේතු කාරනා නිසාවෙන් මේ ෂෝ එක ෆේල් උනා. මේක මං හදලා කියන දෙයක් නෙවෙයි ලෝකය පුරාම නෙට්ෆිල්ක්ස් නාලිකාව  පවා ප්‍රකාශයට පත් කලා. කොටින්ම කුණු තක්කාලි දර්ශකයේ අගය හුගාක් අඩු උනාම හැමෝම හිතුවේ IMDb දර්ශකයේ හොද අගයක් ලැබේවි කියලා. කතාව පටන් ගන්න දවසට පෙර දින (මාර්තු 16) අගය තිබුණේ 8.6/10 ක් ලෙසට. අන්තිමට සතියක් ඇතුලත 7.9/10 (හරියටම ඇරෝ සීරිස් එකේ අගය)ටම අඩු වුණා. අද දවසට (2017 අප්‍රේල් 4 ) අගය සටහන් වෙලා තියෙන්නේ 7.4/10 ක් ලෙසට. මිට වඩා හොදට කලා නම් හොද අගයක් තියෙන්න තිබුණා. මොකද මගේ රේටින්ග් වලට අනුව නම් මේ සීරිස් එක ඩෙයාඩෙවිල් ගානටම ආවා. 

මේ වගේ තවත් “පහරක්” ලියන්න හිතාගෙන ඉන්නවා. ඉස්සරහට හමුවෙමු. පෝස්ට් එක හොදයි නම් අදහසක් කොටාගෙන යන්න. ජය!