OLD IS GOLD: මතකයෙන් ගිලිහීමට ප්‍රථම – 03 | Teenage Mutant Ninja Turtles (TV Series 1987–1996) – අපි රජ ඉබ්බෝ
ඔන්න යාලුවනේ මම කිව්වනේ මතකයෙන් නැතිවෙලා යන තවත් කාටුන් වැඩසටහන් මාලාවක් අරගෙන තමා මම මේ ආවේ. ඉතින් කවුරුත් දන්නවනේ මේ ඉබ්බෝ හතරදෙනා ගැන. මොකද සජිවකරන චිත්‍රපට දෙකකුත් ඇවිත් තියනවනේ මෙයාල ගැන. ඒවගේම මට සතුටුයි මගේ පනස් වෙන නිර්මාණය විදියට මම බයිස්කෝප් වෙබ් අඩවියට උපසිරසි ලබා දුන්නෙත් එම චිත්‍රපට දෙකෙන් දෙවන එක. ඉතින් ඒවා වැඩක් නැ. අපි බලමු මෙම වැඩසටහන මොකක්ද කියල.
මේකත් ඉතින් සුපිරි වීරයන්ගේ කතාවක්. ඒත් වීරයෝ ඔක්කොම සත්තු. ඒවගේම සතුරන් බොහෝමයකුත් සත්තු. අපි වීරයෝ ගැන ඉස්සරවෙලා කතා කරමු. ප්‍රධාන චරිත තමා ඉබ්බෝ හතර දෙනා. නිල්පාට පටියක් බැඳගෙන කටානා කියන නින්ජා කඩු දෙකකින් සන්නද්ද වෙලා ඉන්නේ ලියනාඩෝ. එයා තමා කණ්ඩායමේ නායකයා. ඊළඟට ඉන්නේ දම්පාට පටි බැඳන් ඉන්න ඩනටෙලෝ. එයා ඉතින් තාක්ෂණික බඩු ගැන පිස්සෙක්. ඊළඟට ඉන්නේ රතු පටියක් බැඳන් ඉන්න රෆායල්. එයා තමා කණ්ඩායමේ ඉන්න ශක්ති වන්තයා. එච්චර විහිළු අල්ලන්නේ නැති උනත් තම සහෝදරයන්ට හරිම ආදරෙයි. කණ්ඩායමේ පොඩිම එකා තමා මයිකල් ආන්ජලෝ. කෙලින තරමක් පිස්සු කෙලින මෙයා පිට්සා පෙරේතයෙක්. එයාව අඳුන ගන්න පුළුවන් තැඹිලි පාට පටියෙන්. මේ කණ්ඩායම බලාගන්නේ ඒවගේම පුහුණු කරන්නේ ස්ප්‍රින්ටර් කියල මීයෙක්. මේ ඉබි සහෝදරයෝ හතරදෙනා එයාට තාත්තා කියල තමා කියන්නේ. මේ කණ්ඩායමට අප්‍රේල් ඔනිල් කියල රුපවාහිනී වාර්තාකාරියකගෙන් උදව් තියනවා.
සතුරන් අතරේ ප්‍රධාන තැන ඉතින් ශ්‍රේඩර්ට. එයා ජපන් ජාතිකයෙන්. ඒවගේම ලෝකේ සතුරෙක්. ෆුට් ක්ලාන් කියල එයාට කණ්ඩායමක් ඉන්නවා. බිබොබ් කියල වල් ඌරෙක් සහ රොක් ස්ටෙඩි කියල රයිනෝ කෙනෙක් එහෙමත් ඉන්නවා. ඉතින් ඔයාලට මේ කතා මාලාව බලන්න ලැබුනොත් තේරේවි.
මෙම රුපවාහිනී කතාමාලාව විනාඩි විසි පහකින් සමන්විත කොටස් 193 කින් සමන්විතයි. මෙම කතාව CBS Television Distribution නාලිකාවේ පළමු වතාවට 1987 දෙසැම්බර් 28 විකාශය වෙන්න ආරම්භ වෙලා 1996 නොවැම්බර් වෙනකම් ප්‍රචාරය උනා. ලංකාවෙත් මෙම වැඩහටහන MTV සහ සිරස නාලිකාවේ අනුව දශකයේ ප්‍රචාරය උනා.
මේ තියෙන්නේ ඒ කාටුන් එක ආරම්භ වෙන වීඩියෝ කොටස.
ඉතින් ඔයාලට මේ ලිපිය කියවීමෙන් හෝ මේ වීඩියෝ එක බැලීමෙන් මතකය අලුත් උනානම් ඔයාලගේ අදහස් මට කියන්න. ඉතින් එහෙනම් මම ගියා.
බුදු සරණයි.
hammo issara balapu supirima cartoon series ekak…….
teenage mutant ninja turtle aluth series tikak aapu nisaa (2003,2012) hugak kattiya me mul series eka amathaka karalaa . e nisa me gana lipiyak genaapu eka godak watinawaa.
සාකියා මාස්ටර්ව මීය කලා….අපි රජ ඉබ්බෝ ඔව් ඔව්.බොහොම පරණ මතකයක්.බොහොම තුති.
අපිරජ ඉබ්බෝ
මේකේ කොටස් ඔක්කොම සිරෙසේ ගිහිල්ල නෑනෙ
මන් අඩ තමයි දන්නේ මෙච්චර කොටස් තියෙනවා කියලා
නියමයි සහෝ.ස්තුතියි ලිපියට.දිගටම මේ කාර්ය කරන් යන්න දෛර්ය ලැබේවා යයි පතනවා
සදා ජය පතනවා බයිස්කෝප් කණ්ඩායමට .
අයියේ ඉන්න තැනක් කියන්න ඇවිල්ලා ඔයාව බදාගෙන උම්මා දෙන්න හිතනෙවා කරලා තියෙන දෙයට.