චිත්‍රපට/රූපවාහිනී කතාමාලා සඳහා රංගනයෙන් දායක වෙමින් සිටියදී, ජීවන රඟ මඩලෙන් බැසගිය කලාකරුවන්.
1) Heath Ledger
DC කොමික් චිත්‍රපට මාලාවන්හි තවත් එක් චරිතයක් වන Jorker ගේ චරිතයට පණපොවමින්, සියලු දෙනාගේ අවධානයට ලක්වූ මෙම කලාකරුවා, හදිසියේ සිදුවූ අත්වැරදීමක් හේතුවෙන්, වේදනා නාශක, නිදි පෙති සහ ප්‍රති-උද්වේගකර ඖෂධ වැඩි මාත්‍රාවකින් භාවිතා කිරීම හේතුවෙන්, 28 වෙනි වියේදීම, අකාලයේ සිය ජීවන මං පෙතෙන් සමුගනු ලැබුවා. ඒ වන විටත් ඔහු, Dark Knight චිත්‍රපටයේ වැඩ කටයුතු නිමාකරනු ලැබුවා පමණක් වන අතරම, The Imaginarium of Dr. Parnassus චිත්‍රපටයේ නිෂ්පාදන කටයුතු හි නියැලෙමින් සිට ඇත.
2) Paul Walker
The Fast and Furious කතාමාලාව හරහා ලොව පුරා වෙසෙන්නාවූ ප්‍රේක්ෂකයින්ගේ නොමද ආදරයට පාත්‍ර වූ අතිශය ජනප්‍රිය කලාකරුවෙකි. Roger Rodas නම් මිතුරෙකු සමගින් Paul තමන්ට අයත්වූ Porsche වර්ගයේ මෝටර් රථයක් පදවාගෙන යාමේදී, රථයේ වේගය පාලනය කරගත නොහැකි වීමෙන්, 2013 වර්ෂයේදී අකාලයේ ජීවිතයෙන් සමුගත්තේය. මියයන විට ඔහු, Fast Five චිත්‍රපටයේ රංගන කටයුතු හි නිරත වෙමින් සිටියේය. ඔහුගේ අවෑමෙන් හිස් වූ චරිතය සඳහා, ඔහුගේම සොහොයුරා යොදාගනිමින්, චිත්‍රපටයේ වැඩකටයුතු අවසන් කිරීමට නිෂ්පාදකයින් පියවර ගත්හ.
3) Philip Seymour Hoffman
ඔස්කාර් සම්මානයෙන් පිදුම් ලැබුවාවූ නළුවෙකි. කොකේන්, ඇම්පෙතමයින්, වේදනා නාශක භාවිතා කිරීමෙන් පසුව, ඔහුට අයත්වූ මහල් නිවාසයේ නානකාමරය තුලදී මියගොස් සිටියදී හමුවී ඇත. The Hunger Games: Mockingjay චිත්‍රපටයේ දෙවැනි කොටසේ රූගත කිරීම් නිමවීමට සතියක් තිබියදී, මෙසේ මොහුගේ මරණය සිදුවී ඇත.
4) Cory Monteith
Fox නාලිකාව හරහා 2009 වර්ෂයේ සිට 2015 වර්ෂය දක්වා විකාශයවූ Glee රූපවාහිනී කතාමාලාව සඳහා ප්‍රධාන රංගන දායකත්වය මෙන්ම, Kyle XY සහ Kaya වැනි රූපවාහිනී කතාමාලාවන් තුලින්ද, Final Destination 3 වැනි චිත්‍රපට තුලින්ද ප්‍රේක්ෂකයා හමුවට පැමිණි මොහු, 2013 වර්ෂයේදී, හෙරොයින් සහ මත්පැන් අධික ලෙස ගැනීම හේතුවෙන්, ඔහුගේ හෝටල් කාමරය තුල මියගොස් සිටියදී හමුවිය. මියයන විට, Glee කතාමාලාවේ සිව්වැනි සමයේ රූගත කිරීම්හි නියැලෙමින් සිට ඇත.
5) Brandon Lee
නොසිතූ මොහොතක, යටි බඩට එල්ලවූ පහරක් හේතුවෙන්, 1993 වර්ෂයේදී, වයස අවුරුදු 28 දී, ජීවිතයට සමුදුන්නේය. මියයන විට, The Crow (1994) චිත්‍රපටයේ රූගත කිරීම් කටයුතු හි නියැලෙමින් සිටියේය.
6) Bruce Lee
මාර්ෂල් ආර්ට්ස් පුරාවෘතයක් සහ සිනමා තරුවක් වන මොහු, Game of Death චිත්‍රපටයේ රංගන කටයුතු හි නියැලෙමින් සිටියදී සිදුවූ හදිසි අනතුරක් හේතුවෙන්, 1973 වර්ෂයේදී මිය ගියේය. එම චිත්‍රපටයේ නිමා නොකළ චිත්‍රපට පිටපත, එම වර්ෂයේදීම තිරගත කල අතර, සම්පූර්ණ කරන ලද එම චිත්‍රපටය, 1978 වර්ෂයේදී මහජන ප්‍රදර්ශනයට නිකුත් කරන ලදී.
7) David Carradine
The Kill Bill චිත්‍රපට මාලාව හරහා අතිශය ජනප්‍රියතාවයක් හිමිකරගත් මොහු, 2009 වර්ෂයේදී, වයස අවුරුදු 72දී අභිරහස් ලෙස තායිලන්තයේදී මිය ගියේය. මිය යන විට Stretch චිත්‍රපටය සඳහා රංගනයෙන් දායක වෙමින් සිටි මොහුගේ සිරුර හොටෙල් කාමරයක් තුල තිබී සොයාගන්නා ලදී. මොහුගේ මරණය, සියදිවි නසාගැනීමක් දැයි සැකයක් පැවතුනත්, හදිසි හුස්ම හිරවීමක් ලෙස තීන්දුව ලබාදෙන ලදී.
8) Heather O’Rourke
අන්ත්‍රයේ අවහිරතාවයක් සඳහා සිදුකල ශල්‍යකර්මයකින් පසුව, හදවත අකර්මණ්‍ය වීම හේතුවෙන්, 1988 වර්ෂයේදී අකාලයේ ජීවිතයෙන් සමුගත්හ. මියයන විට වයස අවුරුදු 13ක් වූ මෙම දැරිය,ඒ වන විට Poltergeist III චිත්‍රපටයේ රංගන කටයුතු හි නියැලෙමින් සිට ඇත.
9) Andy Whitfield
වයස අවුරුදු 39දී, non-Hodgkin lymphoma නම් රෝගී තත්වය හේතුවෙන් මියගියේය. මියයන විට, Spartacus: War of the Damned කතාමාලාවේ රංගන කටයුතු හි නියැලෙමින් සිට ඇත.
10) Jon-Erik Hexum
Cover Up රූපවාහිනී කතාමාලාවේ රූගත කිරීම්හි අතර මැද විවේකයක් තුලදී, .44 මැග්නම් තුවක්කුවකින් තම හිසට වෙඩි තබාගෙන, 1984 වර්ෂයේදී මිය යන ලදී.
එළ එළ ලොක්කා. මට නම් සිනමා ලෝලීයෙක් හැටියට, කුඩු ගන්ජා ගහලා කෙලවෙලා ගිය උන් ගැන ගාණක්වත් නෑ. 😀 මොකද ඒ කෙලවීම සිද්ධකරගෙන තියෙන්නේ, උන් හිතාමතාම නිසා. ඒත් පෝල් සහෝ, බෘස් ලී, අර පුංචි කෙලී ත් ඇතුළුව, හදිසි අනතුරු වලින් මියගිය අය ගැන ඇත්තටම කනගාටුයි. 😥 😥