Tom Cruise නවතම විදුබපැඳුමකින් දැකගමු!
අධ්‍යක්ෂක Joshep Kosinski තමන්ගේ නවතම චිත්‍රපටය එක්ක ආපහු කරළියට එන්ඩ සූදානම්. ඔබට මතකනම් අපි Tron ගැන පළ කළ ලිපිය එහි මේ ගැන සඳහන් වුණා. Tron අධ්‍යක්ෂකවරයාම තමයි මේ. මෙවර ඔහු ගෙනෙන චිත්‍රපටයෙහි නම ‘Oblivion (2013)’ – එනම් අමතකභාවය යන තේරුමයි.
මෙහිදී ප්‍රධාන රංගනයෙන් එකතු වන Tom Cruise නිරූපණය කරන්නේ පිටසක්වල ප්‍රහාරයකට නතුව සුන්නද්දූලිව ගිය පෘථිවිය මතින් අවකාශය අරා සරන ගගනගාමී පිළියම්කරුවෙකුගේ චරිතයක්.ඔහු මේ මුර රාජකාරියේ සංචාරය කරන ගමන් මිනිස් නොවන ලෙස පෙනෙන තර්ජන වනසා දැමීම, සුළු ආරක්ෂක දෝෂ සමනය කිරීම සහ නෂ්ටාවශේෂගත ග්‍රහලොව ගවේෂණය කිරීම තමයි ඔහු සිදු කරන්නේ.
කෙසේ වෙතත් චිත්‍රපටිය පුරා දිවෙන Tomගේ වැඩකටයුතු ගැන පැහැදිලි දැක්මක් තවමත් ලැබී නැහැ. නිකුත් වී තිබෙන පෙර දසුනින් පවා එය අභිරහසක්. ඉතිං 2013 නිකුත් වන්නට තිබෙන චිත්‍රපට අතරින් වඩාත්ම රහස්‍යත්වයකින් වසන් කරන්නට යෙදුණු මේ කතාව නරඹන්නට තව වැඩි කලක් ගෙවෙන එකක් නැහැ. කොහොමවුණත් එතකොටනම් ඔච්චර රහස්‍යත්වයකින් රැක්කේ මොනවද කියන එක හෙළි වෙන එක හෙළි වෙනවාමයි.
කොහොම උනත් Tom Cruise ඉන්නවනම් නියම ෆිල්ම් එකක් බලාගත්ත හැකි.