OLD IS GOLD: මතකයෙන් ගිලිහීමට ප්‍රථම – 02 | Thundercats (TV Series 1985–1989) – තුන්වන ලෝකයේ වීරයෝ

ඔන්න යාලුවනේ මම කිව්වනේ මතකයෙන් නැතිවෙලා යන කතාමාලා ගැන විස්තර ඔයාලට අරගෙන එනවා කියල. ඔන්න ඉතින් අතීතයේ තවත් ජනප්‍රිය කාටුන් එකක විස්තර අරන් තමා ආවේ. මේක ඉතින් අවුරුදු තිස් ගණන් වල ඉන්න යාළුවන් වැඩපාඩුකරන් බලලා තියන කාටුන් එකක් කිව්වොත් හරි. මොකද මට හොඳට මතකයි ඒ කාලේ පාසල් පොත්වල ස්ටිකර් වලට පවා මේ චරිත ආවා.

ඉතින් මේකේ කතාව යන්නේ පෘතුවියේ නෙවි. තර්ඩ් අර්ත් කියන ලෝකේ වෙන කතාවක් විදියට තමා මේක යන්නේ. මිනිසුන් වගේ ජීවින් කොටසක් ඉන්නවා. හැබැයි එයාල බළල් පවුලේ අය වගේ. සිංහයා වගේ කෙනා ලොක්කා. චිටා වගේ කෙනාට දුවන්න පුළුවන් වගේ. ඉතින් එයාලගේ විරුද්ද කාරයෝ විපරිතයෝ ටිකක්. මමීයක් තමා ලොක්කා. ඉතින් මේ දෙගොල්ල අතර සටන් තමා මුලික. ඉතින් තන්ඩර් කැට් ලා ලෝකේ බේරගන්න කරන උත්සාහය තමා තියෙන්නේ.

මෙන්න වීරයෝ ටික දෙනෙක්…

කතාවේ වීරයන් අතරේ ප්‍රධානියා තමා ලයනල් කියන්නේ. එයාට තියෙන්නේ සිංහ ගති ගුන. එයාට තියනවා අත් වැස්මක් සමග කඩුවක්. එයාට ඕන වෙලාවක පුළුවන් එකෙන් අනිත් සාමාජිකයන් ගෙන්න ගන්න එයාලගේ සංකේතය අහසට විහිදවලා. ඔයාලට අර බැට් මැන් වලත් තියෙන්නේ වවුල් සංකේතය පෙන්නන එක. ඒ වගේ. ලයනල් ගේ කණ්ඩායමට ටිගාරා, පැන්තෝ, චිටාරා වගේ කට්ටිය ඉන්නවා.

මේ ඉන්නේ අනිත් පාර්ශවය…

ඉතින් තන්ඩර්කැට්ලගේ විරුද්ද වාදියෝ තමා මම්මරා කියන්නේ. එයා ඇත්තටම මමියක්. ඉන්නෙත් පිරමිඩයක. එයා විපරිතයෙක්. ඕන නම් එයාට ඇඟපත විශාල කරගන්න පුළුවන්. එයාට උදව්වට ඉන්නේ ජැකල් මෑන්, මොන්කින් වගේ අය.

මෙන්න ඔයාලට දකින්න ලැබෙන වාහන සහ උපකරණ ටිකක්…

ඉතින් මෙම කාටුන් වැඩසටහන කොටස් 130 කින් සමන්විතයි. ජපානයේ නිර්මාණය කරලා ඇමරිකාවේ හඬකවලා තියෙන්නේ. Telepictures Corporation (1985–1986),Lorimar-Telepictures (1986–1989), Warner Bros. Television Distribution ආයතන නිර්මාණයට දායක වෙලා තියනවා. ලංකාවේ මෙම කාටුන් එක 1992- 1997 කාලේ බ්‍රහස්පතින්දා සවස පහට විකාශනය කලා. ඒ MTV ලංකාවේ නාලිකාවේ.

මේ තියෙන්නේ ඒ කාටුන් එක ආරම්භ වෙන වීඩියෝ කොටස.

ඉතින් ඔයාලට මේ ලිපිය කියවීමෙන් හෝ මේ වීඩියෝ එක බැලීමෙන් මතකය අලුත් උනානම් ඔයාලගේ අදහස් මට කියන්න. ඉතින් එහෙනම් මම ගියා.

බුදු සරණයි.

G.A.P. Ranathunga