ලංකාවේ අපිට නම් සිනමාශාලාවක් කිව්වම සාමාන්‍යයෙන් බිත්ති හතරකට කොටු වුනු වායු සමීකරණය කරපු කළුවර කාමරයක්. නමුත් විදෙස් රටවල්වල මේ සිනමාශාලා කර්මාන්තයෙ එකම සංකල්පයකින් නැතුව ඊට එහා ගියපු මුහුණුවරකින් සිනමාශාලා නිර්මාණය කරලා තියෙනවා. කියවන්න කලින් මතකතියාගන්න මෙතන අපිට කියන්න ඕනේ වුණේ සිනමාශාලා ගැන විතරක් නෙවෙයි. මොකද ඇතැම් ඒවා සංගීත ශාලා මෙන්ම රංගශාලා කියන ගණයට අයත් වෙනවා. අනික ඇතැම් ඒවා එළිමහන්වල තියෙන්නේ. ඒ වගේ ඒවට නම් සිනමාශාලා කියලා කියන්න අමාරුයි. නමුත් ඒ වචනේ භාවිතා කරන්න වෙනවා. අපි බලමු එහෙනම් මේ ලස්සනම සිනමාශාලා කිහිපය ගැන..
Olympia Music Hall – France
Olympia නොහොත් L’Olympia, Olympia Hall නැතහොත් Paris Olympia යන නම් කිහිපයෙන්ම හදුන්වන මේශාලාව පිහිටුවලා තියෙන්නේ 1988 මැයි 26 වැනිදා. මේ ඔලිම්පියා ශාලාව ලොව ලස්සනම සිනමා ශාලා අතරේ තිබුනත් ඇත්තටම මේක සිනමාශාලාවක් නෙවෙයි. මේක සංගීත ශාලාවක්. පිහිටලා තියෙන්නෙ ෆ්‍රාන්ස් වල 9th arrondissement. මේක සංගීත ශාලාව හුදෙක්ම Madeleine, Opéra, Havre – Caumartin වගේම Auber යන සංගීත ශාලාවන් දෙකට සමානයි.
Sci-fi Dine-in Theater, Disney’s Hollywood Studios
මේකේ තේමාව පාදක කරගෙන තියෙන්නේ සුපිරි සයි ෆයි තාක්ෂණය මෙන්ම අවන්හලක් මෙන්ම සිනමාශාලාවක ආත්දැකීම ලබා දෙන්නයි. ඒ නිසාමයි මේකට Sci-Fi Dine-In Theater Restaurant කියලා හදුන්වන්නේ. පිහිටලා තියෙන්නේ Bay Lake, Florida, ඇමරිකානු එක්සත් ජනපදයේ. ස්ථාපිත කරලා තියෙන්නේ 1990 අප්‍රේල් 20. මේක ඩිස්නිලගේ සංකලපයක් නිසා කෑම ගන්න ගමන් චිත්‍රපටි බලන්න තියෙන ආසන දෙදෙනෙකුට වාඩිවෙන්න පුලුවන් කාර්වල සවරුපයෙන් හදලා තියෙන්නේ. බැලු බැල්මට හුගක් ලස්සනයි.
Urania National Film Theatre, Budapest, Hungary
Budapestවල තියෙන ප්‍රධානතම සිනමාශාලාව ලෙසට සැලකෙන්නේ National Theatre කියන ශාලාවයි. බැලු බැල්මට සාමාන්‍ය ශාලාවක ස්වරුපයෙන් නමුත් ස්ඛෝපබෝගී බැවින් නම් ඉහලයි. මුල් වරට විවෘත කලේ 1837දී. ප්‍රථම වරට ස්ථාපිත කිරීමෙන් පසුව තවත් තැන් කිහිපයකම විවෘත කිරීම් කරලා තියෙනවා.
Kurshumli An In Skopje, Macedonia – Creative Documentary Film Festival Makedox
අතීතයේ අවහන්හලක් මෙන්ම සිරගෙයක් ලෙස තිබී පසු කලක මැකේඩොනියා නම් කෞතුකාගාරයක් ස්ථාපිත වෙලා ඒ අසලින් නිර්මාණය වූ සිනමශාලාවක් තමයි “Creative Documentary Film Festival Makedox” කියන්නේ. එළිමහන් මුහුණුවර තමයි තේමා කරගෙන තියෙන්නේ.
Fox Theater, Detroit Mi
1928 දී ස්ථාපිත කරන ලද මෙම මෙම රංග ශාලාව තියෙන්නේ Downtown Detroit, Michiganවල. මේක අන්තර්ජාතික ඓතිහාසික ස්ථාන ලියාපදිංචි කිරීමේ ලයිස්තුවට පවා ඇතුලත් වෙලා තියෙනවා. සිනමාසලාවක් මෙන්ම රංග ශාලාවක් හැටියට පාවිච්චි කරනවා.
Puskin Art Cinema, Budapest, Hungary
මේකත් බූඩාපාස්ට්වල තියෙන තවත් එක් සුපිරි සිනමාසලාවක් කියලා කියන්න පුලුවන්. පෙර සදහන් කල සිනමාශාලාවෙ මෙන්ම සිනමා අත්දැකීමට අමතරව රංග ශාලාවක කටයුතුද ඉදිරිපත් කරනවා.
Arena, Pula, Croatia
Pula, Croatia වල පිහිට මෙම සිනමාශාලාවේ සැකැස්ම වී තියෙන්නේ රෝමානු රංගශාලාවකි. ඒ කියන්නේ විවෘත වාතය ඇතුලට එන යන විදිහට ඉහල වහල තලයක් නැතිව මෙන්ම දෙපස ජනෙල් නැතුව නිර්මාණය කරලා තියෙන්නේ. රෝමයේ ගොඩක් නිර්මාණ එහෙමයි.
Movie Theater In Paris
පැරිසියේ පිහිටලා තියෙන මේ අපුර්ව සිනමාශාලාවේ ප්‍රේක්ෂකයන් ඉන්නේ වතුර තටායක තියෙන බෝට්ටු වලයි. ටිකක් විදිහේ අමුතුයි තමයි හැබැයි අමුතු ලස්සනක් තියෙනවා. මේ විදිහට තීරු තීරු වෙන් කරලා හදලා තියෙන තටාකයේ එක් බෝට්ටුවක් තවත් බෝට්ටුවකට සම්බන්ධකයක් කරලා තියෙන්නේ. ප්‍රේක්ෂකයන්ට ජීවිත ආරක්ෂක ඇදුමක් පවා අන්දලා තියෙනවා හදිසියේ එහෙම වතුරට වැටුනොත් කරදරයක් නොවී පා වේවි ඉන්න.
Electric Cinema, Notting Hill
බටහිර ලන්ඩනයේ Notting Hill කියන ප්‍රදේශයේ ස්ථාපිත වෙලා තියෙන මේ සිනමා රංග ශාලාව තමයි දැනට ලන්ඩනයෙ තියෙන පරනම සිනමා ශාලාවලින් එකක් විදිහට සැලකෙනවා. 1910 වර්ෂයේ පෙබරවාරි මාසයේ තමයි විවෘත කරලා තියෙන්නේ නමුත් 1993 වහලා දාලා නැවත ප්‍රේක්ෂකයන් හට නවතම මුහුණුවරකින් විවෘත කරලා තියෙන්නේ 2001දී.
Riverbad Cinema For Dokufest In Prizren, Kosovo
Prizren, Kosovo ප්‍රදේශයේ තියෙන වෙනස්ම ආකාරයේ සිනමාශාලාවක්. (ශාලාවක් කියන වචනේ කියන්න අමාරුයි) එළිමහන් සිනමාශාලා කාලාවේ සුපිරිම අත්දැකීමක් ලබාගන්න පුලුවන් විදිහට නිර්මාණය කරලා තියෙනවා.
Anibar Lake Cinema (peja, Kosovo)
“Lake” එහෙමත් නැත්තම් පොකුණ කියූ පමණින්ම තේරෙනවා ඇති මොන විදිහේ සිනමාසලාවක්ද කියලා. ගොඩක්ම කලින් සදහන් කල Prizren, Kosovo සිනමාෂලාවට හුගක් සමානයි. මොකද මේකත් එළිමහන් සිනමාෂලාවක් මෙන්ම තිරය තියෙන්නේ ගලායන ජාලාශයට එහාපැත්තේ. මේ අපුරු සිනමාශාලාව තියෙන්නේ peja, Kosovo වල.
Hot Tub Cinema, London
මෙතෙක් වෙලා සදහන් කරපු හැම එකකටම වඩා වෙනස් සිනමාසලාවක්. මොකද මේකේ ප්‍රේක්ෂකයන්ට ඉන්න තියෙන්නේ උණු වතුර තටාකවල. ඔයාලා මේ වගේ දේවල් නාන තටාකවල දැකලා ඇති මේ මුහුණුවර. නමුත් මේක සිනමාසලාවක්. අහ්හ් සිනමාසලාවක්මත් නෙවෙයි. සිනමාශාලාවේ අත්දැකීම හා මේ උණු වතුර තටාකයේ බැහැලා ඉන්න පුළුවන් එකට අමතරව අපිට පුලුවන් සාද දැමීමේ හැකියාව, නයිට් ක්ලබ් (රාත්‍රී සමාජ ශාලාවක) අත්දැකීමද මේකෙදි ගන්න පුලුවන්. මේ සිනමාසලාව අයත් වෙන්නේ ලන්ඩනයට.
The Bijou Theater, Bridgeport
ඇමරිකානු එක්සත් ජනපදයේ Knoxville, Tennessee කියන ප්‍රදේශයේ තමයි මේක පිහිටලා තියෙන්නේ. විශේෂයෙන්ම මේකත් රංගශාලාවක්. 1909 වර්ෂයේදී තමයි ස්ථාපිත කරලා තියෙන්නේ. හැබැයි ඒ රංගශාලාවක් හැටියට නෙවෙයි හෝටලයක් හැටියට. “Lamar House Hotel” කියන හෝටලයට අමතර යමක් වශයෙන් තමයි මේ රන්ගශාලාව ස්ථාපිත කරලා තියෙන්නේ.
Film of the slaughterhouse, Madrid. Spain
මැඩ්රිඩ්වල පිහිටලා තියෙන මේ සිනමාසලාව මුල් කාලයේ සත්ව ඝාතාකාගාරයක් හැටියටයි පාවිච්චි වෙලා තියෙන්නේ. පසු කලක ඒ සත්ව ඝාතාකාගාරය කලා මධ්‍යස්ථානයක් බවට පත්කරලා තියෙනවා. මේ නිසා මේ සිනමාශාලාව නම් කරලා තියෙන්නේ Film of “slaughterhouse” (සත්ව ඝාතාකාගාරය) කියලයි. පසු කලක හරි මේ වෙනස්වීමට භාජනය වුනු සිනමාසලාවත් තවත් එක් සුඛෝපභෝගී සිනමාසලා වලින් එකක් කියලා කියන්න පුලුවන්.
Docufest – Kino Kalaja, Prizren, Kosovo
එළිමහන් සිනමාහල් කලාවේ මේකත් අපුරු අත්දැකීමක්. Prizen,Kosouo වලයි මේක තියෙන්නේ. විශේෂයෙන්ම මේක “Docufest” එහෙමත් නැත්තම් International Documentary and Short Film Festival (අන්තර්ජාතික වාර්තාමය හා කෙටි චිත්‍රපට උත්සවය) නිමිත්තෙන් ආරම්භ වෙන එකක්.
Corvin Cinema, Budapest, Hungary
හංගේරියාවේ බූඩාපේස්ට්වල තමයි මේක පිහිටලා තියෙන්නේ. ඓතිහාසික විස්තර ගැන නම් සදහනක් නෑ.
Cinema Lumbardhi – Prizren, Kosovo
Kosovar සමාජයේ මෙම Lumbardhi සිනමාශාලාව Prizren හා Kosovo හී සංස්කෘතික අනන්‍යතාවය පිළිබිඹු කෙරෙන වැදගත්ම සාස්ඛියක් හැටියට සැලකෙනවා. මේ නිසාම බොහෝදෙනා චිත්‍රපට බලන්න මෙහෙ එනවා කියලා ආරංචිය. එළිමහන් කලාවේ ඉදිරිපත් කිරීමක් තමයි මේකත්.
Blitz Megaplex, Jakarta, Indonesia
Blitz Megaplex එහෙමත් නැත්තම් CGV Blitz කියන්නේ ඉන්දුනීසියානවට අයත් මෙම චිත්‍රපට රංගශාලාවක්. මේ වර්ගයේම චිත්‍රපට ශාලා දෙකක් මේ රට තුලම පිහිටලා තියෙනවා. තවත් සුඛෝපභෝගී බැවින් නම් අති ඉහළ තැනක්. RealD 3D/4DX/SphereX/Sweet Box/Starium කියන පහසුකම් සියල්ලෙන්ම සමන්විත වෙනවා. දෙදෙනකුට වාඩි වී හෝ හාස්නි බලන්න පුළුවන් විදිහට තමයි අසුන් පවා හදලා තියෙන්නේ. ඇත්තටම ඉතින් මේකේ ඉදගන්න බෑ හාන්සි වෙන්න තමයි වෙන්නේ. ජෝඩු වලට එහෙම මේ තැන නියමයි. 😛
Regent Cinema, Brisbane, Australia
ලෝක උරුම ලේඛනගත ලැයිස්තුවට අයත් වෙන මෙම රංගශාලාව 1920දී ස්ථාපිත කරලා තියෙන්නේ. මේක පිහිටලා තියෙන්නේ ඔස්ට්‍රේලියාවේ බ්‍රිෂ්බේන්වල.
Newport Ultra Cinema, Newport City
පිලිපීනයෙ නිව්පෝ(ර්)ට් නගරේ Resorts World Manila නිකේතනය ආසන්නයේ පිහිටා තියෙන්නේ.
The Orange Cinema Club, Beijing
සුඛෝපභෝගී බවේ තවත් ඉහලම අත්දැකීමක් අත්විදින්න ආසා නම් මෙන්න නියම තැන. මේක පිහිටලා තියෙන්නේ බිජිංවල. නිකන්ම නිකන් සිනමෂලාවක් නෙවෙයි නමින්ම තේරෙනවා ඇතිනේ මේකේ ක්ලබ් එකක් පවා තියෙනවා.
Ugc De Brouckere Grand Eldorado, Brussels, Belgium
බෙල්ජිංවල පිහිටා තියෙන මේ සිනමා ශාලාව 1994 දී ත්මයු ස්ථාපිත කරලා තියෙන්නේ. බැලු බැල්මට සම්ප්‍රදායික විදිහට තමයි මේක නිර්මාණය වෙලා තියෙන්නේ.
Museum Lichtspiele, Munich
“Museum Lichtspiele” කියන වචනේ දැක්කම හිතෙන්න ඇති මේක කෞතුකාගාරයක් කියලා. නමුත් ඇත්තටම මේක කෞතුකාගාරයක් නෙවෙයි. වෙනම කෞතුකාගාරයක් තිබුනට මේක තනිකරම සිනමා ශාලාවක් විතරයි. නමුත් මේකේ විශේෂය තමයි මේක ඇතුල පසුතලය නිර්මාණය කරලා තියෙන්නේ සිතුවම් වගේම මුර්ති වලින්. පරණ දේවල් අවටින් දැකගන්න ලැබෙන නිසා අමුතු ලස්සනක් තියෙනවා. ජර්මනියේ මුන්චෙයින්වල තමයි මේක පිහිටා තියෙන්නේ.
Under the stars of cinema, open-air cinema in bologna’s Piazza Maggiore, Italy
ඉතාලියේ පයිසා මිජෝරි වලයි පිහිටලා තියෙන්නේ. එළිමහන් සිනමාශාලා කලාවේ තවත් එක් සන්ධිස්ථානයක් විදිහට මේක සලකන්න පුළුවන්. දෙපැත්තේ අඩුම තරමේ බිත්ති වලින් කොටු කරලා නෑ. අවට තියෙන ගොඩනැගිලි කිහිපයක් ඇරෙන්න. මැද සිට පිටුපසට වෙන්න ආසන තියෙනවා වගේම පිටුපසට වෙන්න ඉහලට යන්න හදලා තියෙන පඩිපෙල නිසා එතනද ප්‍රේක්ෂකයන්ට වාඩි වෙලා කිසිම බාධාවකින් තොරව නැරබිමේ හැකියාව තියෙනවා. අති දැවැන්ත තිරයක් යොදාගෙනයි මේකේ චිත්‍රපටි ප්‍රදර්ශනය කරන්නේ.
Kino Pasaka Cinemaboutique, Vilnius, Lithuania
ලිතුවේනියාවේ පිහිටලා තියෙන මේ සිනමා ශාලාව මේ වගේ කිහිප දෙනෙක්ට නැරබිය හැකි විදිහට නිර්මාණය කරලා තියෙනවා වගේම සාමාන්‍ය සිනමා ශාලාවක සම්ප්‍රදායික ආසන වලින් යුත් ශාලාවක්ද තියෙනවා. නමුත් මේ සිනමාශාලාව විශේෂී වෙන්නේ වගේම ප්‍රසිද්ධියක් උසුලන්නේ මේ සුඛෝපභෝගී කාමරය නිසයි.
Transatlantyk Festival – Cinema In Bed (open-air), Poznań
“Transatlantyk Festival” කියන්නේ පෝස්නෑන්වල (පෝලන්තයෙ ප්‍රදේශයක්) චිත්‍රපට මෙන්ම සංගීතය පාදක කරගෙන කෙරෙන උත්සවයක්. හැම අවුරුද්දක් පාසාම මේ උත්සවය සංවිධානය වෙනවා. ඉතින් මේ උත්සවය වෙනුවෙන්ම දිගහැරෙන සිනමාසලාවක්, ඇත්තටම සිනමාශාලාවක් නම් නෙවෙයි. එළිමහනක ඇදවල්වල ඉදන් ප්‍රේක්ෂක ජනයාට නැරඹීමේ අවස්ථාව ලබාදෙන්නේ මේ හැම ඇදමක තියෙන තරමක් කුඩා තිරයනුයි. මේකත් ඉතින් හොදයි එලිම්හනයි, සැප පහසුවේ ඇදක හාන්සි වෙලා සිනමාපටයක් බලනවා කියන්නේ හුගක් හොද දෙයක්.
Anibar Cubes Cinema (peja, Kosovo)
කොසොවෝවල සිනමාශාලා වලින් නම් අඩුවක් නැති පාටයි. තවත් සුන්දර එළිමහනක නිර්මාණය වෙලා තියෙන සිනමාසලාවක්. මාධ්‍ය ප්‍රමාණයක තිරයක දිගහැරෙන මේ සිනමාසලාවෙ ප්‍රේක්ෂකයන්ට වාඩිවෙන්න ආසන මෙන්ම පොඩි පදිපෙලකුත් තියෙනවා.
Fövenyes Kertmozi-balaton Mozi, Balatonudvari, Hungary
හංගේරියාවෙ තියෙන මේ සිනමාසලාව සොබාදහම එක්ක හුගක් ගැබ් වෙන විදිහටයි නිර්මාණය කරලා තියෙන්නේ. යකඩ කම්බි මගින් පොලවට සවි කරලා ගොඩ දෙනෙක්ට වාඩිවී නැරඹිය හැකි විදිහට ආසන නිම කරලා තියෙනවා. බැලු බැල්මට වට පිටාව ගස් වලින් ආවරණය වෙලා තියෙන්නේ. පොලව තන පිඩලි වලින් හා ආසන දෙපස ලස්සන මල් වලින් අලංකාර කරලා තියෙනවා.
Film nights at the river elbe, Dresden, Germany
ජර්මනියේ තියෙන මේ සිනාමාශාලාවත් එළිමහන් කලාවට අයත් එකක්. අති විශාල තිරයකින් යුක්තයි. නරඹන්නන් හට වාඩිවෙන්න ටිකක් ලොකු ප්‍රමාණයක් ආවරණය වෙන විදිහට දිග බංකු දාලා තියෙනවා. රාත්‍රියට විදුලි බුබුළු වලින් අලංකාරවත් වන එපිට නගරය හා ජලාශය නිසා තවත් අමුතු කලාත්මක බවක් ගෙනදෙනවා.
Film On The Rocks – Red Rocks – Denver, Co
ඩෙන්වර්වල තියෙන මේ සිනමාශාලාවත් එළිමහන් කලාවට අයත් එකක්. “Film on the rocks- Red Rocks” නම කිව්ව පමණින්ම හිතාගන්න පුලුවන් ඇයි මෙහෙම කියනවා ඇත්තේ කියලා. සිනමා තිරය වගේම ප්‍රේක්ෂකයන්ට අසුන් ගන්න ආසන හදලා තියෙන්නේ මේ කදු පන්තිවල. කදු පන්ති කිව්වේ කන්දක් උඩ නම් නෙවෙයි. මේ කදු තිබුණු තැන් සමතලා කරලා. නමුත් වටේටම කදු පන්ති දැකගන්න හැකියාව තියෙනවා.
Cinema City, Jerusalem, Israel
මේක ඊශ්‍රායිලයෙ තියෙන අපුර්ව සුඛෝපභෝගී සිනමාශාලාවක්. ගොඩක් අය බම්බලපිටියේ තියෙන MC එකට ගිහින් ඇතිනේ. ඒකෙ තියෙන සිනාමාශාලා වලට ඉහල තුන්වැනි තට්ටුවනෙ
වෙන් කරලා තියෙන්නේ. නමුත් මේ ඊශ්‍රායිලයෙ ගොඩනැගිල්ල හරියට MC එකට සමානයි. ප්‍රමාණයෙන් නෙවෙයි සැකසුම් කරලා තියෙන විදිහ. නමුත් හැම තැනකම සිනමාශාලා විතරමයි. ලස්සන වතුර මලකුත් ඇතුලේ තියෙනවා. ඒ විතරක් නෙවෙයි මේ ශාලාවල වහල මතුපිට ගොඩදෙනෙක්ගේ ආදරයට පත්වුණු නවක පරණ භේදයකින් තොරව නළු නලියන්ගේ පින්තූර සිතුවම් කරලා තියෙනවා. බැලු බැල්මට ඕනෙම කෙනෙක්ට අසා හිතෙන විදිහට මේක නිර්මණය කරලා තියෙනවා.
Dome Cinema – Gisborne – New Zealand
නවසීලන්තය කියන්නේ තවත් එක් සුඛෝපභෝගී බවින් ඉහල රටක්. නිකමට ගිස්බෝන් කියන වචනේ ඇහිලා තියෙන්නේ. ඉතින් මේක තියෙන්නේ නවසීලන්තයෙ ගිස්බෝන් වලයි. මේ “Dome Cinema” කියලා දාලා තියෙන්නේ මේ සිනමාශාලාව ගෝලාකාර හැඩයෙන් යුක්ත වෙන නිසා. ඇතුලේ තියෙන ආසනත් නිකන්ම ඒවා නෙවෙයි. කුෂන් වලින් නිමවුනු සැපපහසු බවේ උපරිම ආශ්වාදයක් තියෙන විදිහට තමයි මේකේ ඇතුලේ ආසන තියෙන්නේ. බැලු බැල්මට මේක ඇතුල කෙනෙකුගේ සාලයක් වගේ සකසලා තියෙන්නේ. මිට අමතරව සමාජ ශාලාවක අත්දැකීමද ලබාදීලා තියෙනවා.
යුරෝපයේ සරිබ්වල පිහිටලා තියෙන මේ සිනමාසලාව සාම්ප්‍රදායික විදිහට නිර්මාණය වෙලා තිබුණත් සරීබ්වල වගේම මුළු යුරෝපය පුරාවටම කතාබහ වෙන සිනාමශාලාවක් කියලා කිව්වොත් ඒකෙ ඇති වරදක් නෑ. මොකද 2016 දී පැවැත්වුණු හොදම වැඩසටහන් සදහා පිරිනැමෙන සම්මානටද පාත්‍රවෙලා තියෙනවා.
Summer Cinema Forte Mare Fortress Herceg Novi, Montenegro
Herceg Novi වල “Fort of the Maré” එහෙමත් නැත්තම් පෘතුග්‍රීසින්ගේ බලකොටුව වෙලා තිබුණු නිසා මේකට “Summer Cinema Forte Mare Fortress Herceg Novi” කියලා නම් කරලා තියෙන්නේ. මොන්ටිනීග්‍රෝවල තමයි මේක පිහිටලා තියෙන්නේ. විශාල ජලතිරයක් වට වූ සුන්දර එළිමහනේ නිම වුනු තවත් ලස්සන නිස්කලංක සිනමාසලාවක් හැටියට මේක නම් කරන්න පුලුවන්.
Le Grand Rex, Paris, France
සුන්දර පැරිසියේ ෆ්‍රාන්ස්වල ලී ග්‍රෑන්ඩ් රෙක්ස් කිව්වම නොදන්න කවුරුත් නෑ. ඒ තරමටම මේක ගොඩක් ජනප්‍රිය සිනමාසලාවක්. මොකද පැරිසියේ දැනට තියෙන විශාලතම සිනමාසලාවට මේක හිමිකම් කියන නිසා. මේක සිනමාසලාවක් වගේම දැවැන්ත ශ්‍රවනාගාරයක්(ඔඩිටෝරියම්). සිනමාවට වඩා වැඩියෙන් හුගක් සංගීත සංදර්ශන වලට මේක යොදාගන්නවා. වන් ඩිරෙක්ෂන් රසිකයෙක් නම්, එයාලගේ සජීවී ප්‍රසංගයක් පවා මේක තුල කරලා තියෙනවා. රාත්‍රියට මේක විදුලි බුබුළු වලින් අලංකාරවත් වුනාම තියෙන අලංකාරය නම් කියලා නියමකරගන්න බැහැ. නිකන් සුර විමනක් වගේ.
The State Theater- Traverse City, Michigan
මිචිගන්වල තියෙන මධ්‍යම ප්‍රමාණයේ සිනමශාලාවක්. සැප පහසුවෙන් නම් කිසිම අඩුවක් නැහැ. මේ සිනමාශාලාවේ තියෙන විශේෂත්වය තමයි මේකෙත් වහලේ තලය නිර්මාණය කරලා තියෙන්නේ හරියට අසුනක ඉන්න අයට උඩ බැලුවම සැබෑ අහස පේනවා වගේ. නමුත් ඇත්තටම සැබෑ අහස නෙවෙයි මේ නිර්මාණය කරලයි තියෙන්නේ.
Tuschinski Amsterdam
1919 වර්ෂයේදී වැඩ ආරම්භ කරලා 1921 ක වර්ෂයේදී සිනමාසලාවෙ වැඩ කටයුතු අවසන් කරලා විවෘත කරලා තියෙන්නේ. පිහිටා තියෙන්නේ නෙදර්ලන්තයෙ ඈම්ස්ටඩෑම් වලයි. මේක නිර්මාණයට නෙදර්ලන්ත ග්ලිඩර් මිලියන හතරක් වියදම් වෙලා තියෙනවා. ඒ කියන්නේ ඇමරිකානු ඩොලර් වලින් නම් බිලියන 2, 400 ,000 ක විශාල මුදලක් වැය වෙලා තියෙනවා. ප්‍රධාන ශ්‍රවනාගාරයේදී (ඔඩිටෝරියම්) විශාල වශයෙන් ලන්දේසි හා සම්බන්ධ චිත්‍රපට ගණනාවක්ද පෙන්නුම් කරලා තියෙනවා. පෙනුමෙන් හීනි දිග පෙනුමක් තිබුනත් මේක දැනට ලෝකයේ තියෙන ලස්සනම සිනමාශාලාවක් හැටියට නම් කරන්න පුළුවන්.
Paramount Theatre, Oakland, California
උසින් වැඩි හීනි ස්වරුපයක් ඇති මේ ගොඩනැගිල්ලද කැලිෆෝනියාවල පිහිටා තියෙන තවත් ලස්සන රංගශාලාවක්. 1931 වර්ෂයේදී ස්ථාපිත වුනු ලද්දක්. හුගක්ම සංගීතයට තමයි මේක මුලිකත්වය දීලා තියෙන්නේ. R&B, jazz, blues, pop, rock, gospel, classical music නොයෙකුත් පැතිකඩ වලින් මේක තුල පවත්වලා තියෙනවා. මෙනේම බැලේ නැටුම්, හාස්‍ය පදනම් කරගත් සංදර්ශන, දේශන පැවැත්වීම්, විශේෂ අවස්ථා වගේම පරණ කතාමාලා ප්‍රදර්ශනය වැනි නොයෙකුත් අවස්ථා සදහා මේ රගහල යොදාගෙන තියෙනවා.
Cinema Bačvice Beach, Split, Croatia (mediterranean Film Festival Split)
කොරේටියාවල බැක්වයිස් කියන මුහුදු තීරයේ ස්ලිප්ට්වල මාධ්‍යධරණී චිත්‍රපට උත්සවය නිමිත්තෙන් පවත්වන සිනමා කටයුතු ප්‍රදර්ශනය ආරම්භ කරන තැනක් තමයි මේ කොරේටියාවල පවත්වන්නේ. කොටින්ම කියනවනම් මේක තියෙන්නේ මුහුදු වෙරළකම නිසා නරඹන්නන් වාඩි වෙන්නේ වෙරළ තීරයට ආසන්නයෙන්. තිරය තියෙන්නේ ඒ අසලමයි. කොරේටියාවල අයට නම් මේක හරිම විනෝදකාමී වගේම හරිම නිස්කලංක විදිහට කා එක්ක හරි සිනමාපටයක් බලන්න එකතු වෙන එක ලොකු කැමැත්තක් දක්වන තැනක්.
Enzian Theater, Maitland, Fl
ෆ්ලොරිඩාවල මේට්ලන්ඩ් ප්‍රදේශයේ තියෙන මේක තවත් රගහලක්. අසුන් නම් උපරිම සැපපහසුයි. මොකද කුෂන් පුටු වගේම විවිධාකාර සෝෆා යොදාගෙන තමයි මේක සුදානම් කරලා තියෙන්නේ. කෑම අරගන්න ගමන් වගේම තමන්ට කැමති වැඩක් කරන ගමන් නැරඹීමේ හැකියාව තියෙනවා. මේකේ මේ තියෙන “Enzian” කියන්නේ ජර්මානු වචනයක්. ඉංග්‍රීසියෙන් නම් මේකේ තේරුම “gentian” (කදුකර මල) යන්නයි. චිත්‍රපට නැරඹීමට, ආහාරපාන, හිත මිතුරන් සමග සුහද හමුවේ යෙදෙන්න අවස්ථාව ලබා දීලා තියෙනවා.
mekanam pattama yaluwa. godak ewa danagatha oygane me post eken.
Best.
ස්තුතියි ලිපියට සහෝ
elma
භාවිතා වෙන තාක්ෂණය අතින් top 10 කරන්න bro. 😀
ජය! 🙂