මාවල් චරිත මොන මොන චිත්‍රපට ස්ටුඩියෝ වලටද අයිති…

මේක මගේ පලවෙනි පොස්ට් එක. මං DC වලව වඩා වැඩියෙන් Marvel වලට තමා වැඩියෙන් කැමති. (එහෙම කියලා DC ෆිල්ම්, TV Series බලන් නැතිව ඉන්නේ නැ  කොහොම හරි ඔයාල දන්නවනේ මාර්වල් සුපිරි වීර චරිත ස්ටුඩියෝ කිහිපයකට අයිතිව තිබුනා කියලා.  ඒකට හේතුව 1990 කාලය තුල මාර්වල් සමාගම දැන් තිබෙන තත්වේ නෙමෙයි තිබුනේ. මාර්වල් සමාගමේ මුදල් අගහිගකම් නිසා මාර්වල් කොමික් වල ජනප්‍රිය චරිත වල චිත්‍රපට සැදීමට හා බෙදා හැරීමට අවශ්‍ය බලපත්‍ර විවිධ ස්ටුඩියෝ වලට ලබා දුන්නා.(එහෙම නොවුනානම් DC වලට මාර්වල් එක්ක හැරෙන්නවත් බැ. එම චිත්‍රපට වලින් ලැබෙන ලාබයෙන් 5%ක් මාර්වල් සමාගමට ලැබෙන විදිහට. එත් ඒ චරිත ලබා දුන් Fox සමාගමේ X-Men හා Sony සමාගමේ Spider-Man ෆිල්ම් වල සාර්ථකත්වය නිසා මාර්වල් සමාගමට තේරුණා සුපිරි වීර චිත්‍රපට වයාපාරය ලාභ ලැබෙන වයාපාරයක් කියලා. ඒ අනුව තමා MCU (Marvel Cinematic Universe) එක හැදුනේ. එත් DC කොමික් වල වගේ සුපිරි වීර චරිත එක ස්ටුඩියෝ (Warner Bros.) එකකට නෙමෙයි අයිති. එම චරිත අයිති සමාගම් ගැන බලමු.

 

20^th Century Fox

90’ ගණන් වල බලපත්‍ර ගනුදෙනු වලදී Fox සමාගම Fantastic Four සහ X-Men චරිත වල අයිතිය ලබා ගත්තා. ඒ අනුව එම කොමික් වලට අදාල චරිත වල අයිතියත් ඔවුන්ට ලැබුනා (Silver Surfer, Daredevil, Deadpool, වැනි චරිත). Daredevil, Elektra වැනි චරිත වල අයිතිය නැවතත් මාර්වල් සමාගමට ලැබුනත් ඉතුරු Fantastic Four, Deadpool සහ X-Men චරිත සියල්ලේම අයිතිය තාම Fox සමාගම සතුව පවතී. ඊට පස්සේ දන්නවනේ ඒ චරිත වලින් 2000 ඉදන් මේ දක්වා Fox සමාගමෙන් මේ චරිත වලට අදාලව ෆිල්ම් කොච්චර නිර්මාණය කර කොච්චර මුදලක් හම්බ කරාද කියලා.

 

Sony Pictures

1999දි Sony සමාගම විසින් ඩොලර් මිලියන 7කට($7 million) මාර්වල් සමාගමේ Spider-Man චරිතයේ චිත්‍රපට අයිතිය ලබා ගනු ලැබුවා. එම Spider-Man චරිතයත් සමග ඔවුන්ට Sinister Six, Spider-Women, Venom වැනි චරිත හා Ghost Rider වල අයිතියද ලැබුණි. පසුව Ghost Rider චරිතය නැවත Marvel සමාගමට ලැබුණි. ඒ අනුව සෑම් රයිමි විසින් නිපදවපු Spider-Man චිත්‍රපට ත්‍රිත්වය ලොව වටා ඩොලර් බිලියන 2.5 විතර ඉපවුවා. ගනුදෙනුවේදී සදහන් වූ පරිදි Sony සමාගම විසින් සැම අවුරුදු 3කටම වතාවක් Spider-Man චිත්‍රපට නිපදවූයේ නැති වුවහොත් නැවතත් Spider-Man චරිතය Marvel සමාගම යටතට පත් වේ. ඒ අනුව Sony සමාගම විසින් නැවත Spider-Man ෆිල්ම් නිපදවන්න පටන් ගත්තා The Amazing Spider-Man ලෙසින්. එහෙත් එය එපමණ සාර්ථක වුයේ නැත. පසුව Sony සමාගම හා Marvel සමාගම අතර සිදු වූ ගනුදෙනු වල ප්‍රතිඵලයක් ලෙස Spider-Man MCU එක හා සම්බන්ද වුනු බව දන්නවනේ. (තාම චිත්‍රපට අයිතිය Sony සමාගම සතුව පවතී).

 

 

Universal Pictures

Universal සමාගම විසින් මාර්වල් චරිත වන Hulk සහ Namor the Sub-Mariner චරිත වල චිත්‍රපට අයිතිය ලබා ගෙන ඇත. ඒ අනුව Universal සමාගම විසින් Hulk චරිතය පාදක කොට ගෙන චිත්‍රපට දෙකක් නිපදවා ඇත. ඒ 2003දි හා 2008දිය. 2008 චිත්‍රපටයත් සමග Hulk MCU එකට සම්බන්ද උනත් Hulkගේ චිත්‍රපට අයිතිය තාම Universal සතු වන බව Marvel සමාගමේ President කෙනෙක් වෙන කෙවින් ෆෙයිග් පවසලා තිබෙනවා. ඒ නිසා Hulk සම්බන්ද තනි චිත්‍රපටයක් නිපදවීම ගැටළු සහගත බවයි පැවසෙන්නේ. එ වගේම  Namor the Sub-Mariner චරිතය සදහා අයිතිය Universal සහ Marvel සමාගම් දෙක අතරම පවතී.

 

 

Paramount Pictures

Paramount සමාගම සතුව 2008 ඉදන් 2011 දක්වා MCU එකට අදාල චිත්‍රපට බෙදාහැරීමේ අයිතිය තිබුණි(2008දි පැමිණි The Incredible Hulk චිත්‍රපටය හැරුණු විට, එය Universal සමාගම සතුව පැවතුනි). පසුව 2013 Thor : The Dark World චිත්‍රපටයෙන් පසු එම අයිතිය නැවත Disney සමාගමට ලැබුණි.

 

 

Disney

Disney සමාගම විසින් 2009දි ඩොලර් බිලියන 4කට($4 billion) Marvel සමාගම මිලදී ගනු ලැබුනා. ඒ අනුව මාර්වල් චරිත වලින් වැඩි ප්‍රමාණයක් Disney සමාගම සතුව පවතී. (Marvel සමාගමට අයිති සැම චරිතයක්ම). මාර්වල් සමාගම විසින් ගනුදෙනු සමයේ අනෙක් ස්ටුඩියෝ වලින් සැදීමට නොහැකි වූ චරිත සියල්ලක්ම නැවත ලබා ගනිමින් පවතී. (Blade, Punisher, Ghost Rider, Elektra, Daredevil, Man-Thing). Disney සමාගම සතුව Avengers, Guardians Of The Galaxy, Doctor Strange, Captain Marvel, Inhumans, Defenders චරිත සියල්ලේම අයිතිය පවතී.

 

Shared Properties

මාර්වල් සමාගම සමහර චරිත ස්ටුඩියෝ දෙකක් අතර පවත්වා ගෙන ඇත. X-Men Mutantsලා වෙන Scarlet Witch හා Quicksilver වැනි චරිත ගත හැක. එම චරිත Fox හා Disney/Marvel සමාගම් අතර පවතී. ඒ වගේම මෑතකදී Fox සහ Marvel සමාගම් දෙක අතර Deadpool චිත්‍රපටයේ නෙගසොනික් ටිනේජ් වෝර් හෙඩ් (අර ගින්දර වගේ පොඩි කෙල්ල කොලෝසස් එක්ක ඉන්න) හා  2017 පැමිණීමට නියමිත Guardians Of The Galaxy 2 චිත්‍රපටයේ ඊගෝ ද ලිවින් ප්ලැනට් චරිත (Guardians Of The Galaxy Animeted TV Series එක බලපු අය දන්නවා ඇති අර කතා කරන ග්‍රහලෝකේ…) දෙක හුවමාරු කරගැනීම ගැන ගිවිසුම් ද සිදුවී ඇත.

හොදයිනම් comment එකක් දාගෙනම යන්න…

#Hail Marvel