Hindi Songs Now And Then – හින්දි සින්දු එදා සහ අද – 2

සින්දුවේ නම : Oye Oye – Gajar Ne Kiya Hai Ishaara (ඔරලෝසුව මට සංඥා කලා)

මුල්ම එළිදැක්වීම සිදුවූ වර්ෂය : 1989

නව නිර්මාණය සිදුවූ වර්ෂය : 2016

ආයුබෝවන් ඔයාලට ඔක්කොමට. ඔයාලට මම කියුවනේ අලුත් අත්දැකීමක් ඔයාලට අරගෙන සැම සතියකම මේ පොස්ට් එක අරන් එනවා කියල. ඔන්න ඉතින් පොරොන්දුව පරිදි ඒ විදියට තවත් සින්දුවක් ඔයාලට ඉදිරිපත් කරන්න තමා මේ හදන්නේ. සමහර විට ඔයාල මේ සින්දුව අහල ඇති එත් ඉතිහාසේ දන්නේ නැතුව ඇති.

ඔයාලට මතකද 2016 මැයි දහතුන්වෙනිදා තිරගත වෙච්ච Azhar හින්දි චිත්‍රපටය. අර ඉන්දියානු ක්‍රිකට් ක්‍රීඩක මොහොමඩ් අසරුදීන් ගේ ජිවිත කතාව තිබුනේ. එකේ ඔයාලට මතක ඇති අසරුදීන් විදියට රඟපාන ඉම්රාන් හාශ්මි සහ ප්‍රාචි දෙසයි සංදර්ශනයක් බලන්න යන අවස්ථාවේ එයාලට නැරඹු Oye Oye කියන ගීතය. ගීතයට පෙනී ඉන්නේ නර්ගිස් ෆක්රි. අන්න ඒ ගීතය ගැන තොරතුරු කියන්න තමා මේ හදන්නේ. අදිති සින් ශර්මා සහ අර්මාන් මලික් කියන අතිශය ජනප්‍රිය ගායක යුවල තමා මේ ගීතයට ගායානයෙන් එකතුවෙන්නේ. මනෝජ් යාදෙව් කියන රචකයා සින්දුවේ රිමික්ස් කොටස ලියල තියන අතරේ DJ Chetas කියන රිමික්ස් සංගීත ශිල්පියා තමා මේ ගීතයට සංගීතය සපයන්නේ. ගීත ඇල්බමයේ හිමිකාරත්වය T-Series කියන සංගීත ආයතනක සතුවෙනවා.

ඇත්තටම මේ සින්දුව 1989 සි තිරගත වෙච්ච අතිශය ජනප්‍රිය Tridev කියන චිත්‍රපටයේ තිබුන ගීතයක නව නිර්මාණයක් කියල ගොඩක් අය දන්නේ නැතුව ඇති. සනි දියෝල්, ජැකී ශෝරාෆ්, නසරුදීන් ශා, මදුරි ඩික්සිත්, සෝනම්, සංගීතා බිජලානි, අනුපම් කෙර් මෙන්ම අම්රිෂ් පුරි වගේ ජනප්‍රිය නළු නිලියන් විශාල ප්‍රමාණයක් රඟපාන ලද ඒ චිත්‍රපටය ඒ වර්ෂයේ වැඩිම අදායම් ලබන ලද චිත්‍රපට කිහිපයට ඇතුලත්. ඒ චිත්‍රපටයේ තිබුන අපි වර්තමානයේ Item Number විදියට හඳුන්වන ගීතය තමා මේ Gajar Ne Kiya Hai Ishaara (චිත්‍රපටයේ මේ ගීතය හඳුන්වා දී ඇත්තේ ඒ නමින්) ගීතය. වඩාත්ම විශේෂය වන්නේ ඒ ගීතයේ රඟපාන සංගීතා බිජලානි 2016 චිත්‍රපටය නිර්මාණයට තේමාව උන මොහොමඩ් අසරුදීන් ගේ සැබෑ බිරිඳ වීම. මම හිතන්නේ ගොඩක් අය ඒක දන්නේ නැ. මේ ගීතය සාදනා සර්ගම්, අල්කා යාග්නික් සහ සප්නා මුකර්ජි කියන අදටත් ජනප්‍රිය ගායිකාවන් තුන්දෙනා ගායනා කරලා තියනවා. ගීතය රචනා කරලා තියෙන්නේ ආනන්ද් බක්ෂි. සංගීත නිර්මාණය කල්යාන් ජි සහ ආනන්ද් ජි කියන සංගීත විශාරදන් දෙදෙනා. මේ චිත්‍රපටයට සංගීතය සැපයීම නිසා මේ දෙදෙනාට 1989 දී ෆිල්ම් ෆෙයාර් සම්මාන උළලේ හොඳම සංගීත නිර්මාණයට ලැබෙන සම්මානය පවා ලැබෙනවා.

ඉතින් මේ ලස්සන අතීතයක් තියන ගීත දෙක බලලා අතීතය සහ වර්තමානය අත් විඳින්න. ලබන සතියෙන් මේ විදියට අලුත් ගීතයක් හඳුන්වා දෙන්න එනවා කියන පොරොන්දුව දෙන ගමන් සමු ගන්නම්.

බුදු සරණයි.

මෙන්න 2016 දී අසාර් චිත්‍රපටයට ඇතුලත් අලුත් ගීතය

[youtube]https://www.youtube.com/watch?v=I3dxAXgIhCU[/youtube]

මෙන්න 1989 දී ත්‍රි දෙව් චිත්‍රපටයට ඇතුලත් ව තිබු පැරණි ගීතය

[youtube]https://www.youtube.com/watch?v=GKHtybylaSM[/youtube]