Arrival (2016) තවත් සුපිරි විද්‍යා ප්‍රබන්ධයක්.. [පූර්ව ප්‍රචාරක පටය සිංහල උපසිරැසි සහිතව]
මේ විශ්වයේ අපි නොදන්න තැන් එමටයි. එහෙම වෙන් කිරීමක් කලාම හදුනා නොගත් ජිවින් කොට්ටාශ මොන තරම් ඇතිද. මේ අතරින් පිටසක්වල ජීවීන් ගැන අපි ගොඩක් ලොකුවට දන්නේ නෑ. මේ අය අතරේ සත්ව කොට්ටාශ ඉන්න පුළුවන්. අන්න එහෙම සත්ව කොට්ටාශ විටින් විට පෘතුවියට එනවා යනවා. හිතන්නකෝ එයාලගේ යානා පෘතුවියේ තැන් දොළහකට කඩාගෙන වැටෙනවා. කිසිකෙනෙක් දන්නේ නෑ ඒක ඇතුලේ කවුරු මොනවා ඇතිද කියලත්. මොකද හැම පැය 18 කට වරක් ඒ යානාවල දොරවල් විවෘත වුණත් කිසි කෙනෙක් ඇතුළට යන්නෙත් නෑ එලියට ආවෙත් නෑ. මේක පරික්ෂා කරන්න ගවේෂකයෝ පිරිසක් ඇතුළට යනවා. මේ අය එයාලා එක්ක සන්නිවේදනය කරන්න උත්සහ කලත් ඒක ඒ වැඩේ හරියන්නේ නැහැයි කියලා තේරුම් ගන්නේ මේ ජීවීන් කොට්ටශය එළියට ආවහමයි.
ඒ මොකද කියවනම් එයාලා හරියට මුහුදු ජලයේ ජීවත්වන මාළු විශේෂයන් වගේ. කොටින්ම එයාලට කියලා වෙනම භාෂාවක් තියෙනවා. ඔය පහළින් දක්වලා තියෙන්නේ එයාලගේ භාෂාව.
මේක ඇතුළට ගියපු කට්ටිය මේ භාෂාව සටහන් කරගෙන පරීක්ෂණ කරලා තමයි අවසානයේ මේ අය කියන්න හදන්නේ මොකක්ද කියලා වටහාගන්නේ. මේ කට්ටිය පරික්ෂා කරන එක යානාවක් විතරයි මේ. ඒ කියන්නේ තවත් එකොළහක් පෘතුවියේ තවත් තැන් එකොලහක තියෙනවා. මේ තත්වය නිසා ලෝකය පුරා ලොකු කැළඹීමක් ඇති වෙනවා. මොකද මේ අය හොද අයද නරක අයද කියලා දන්නේ නෑනේ. ඔහොම ඉදලා කොයි වෙලේ හරි පහර දෙන්නත් පුළුවන්… ඔන්න ඔහොම සිද්ධීන් පෙළක් එකතු කරලා නිර්මාණය වුණු 2016 නොවැම්බර් 11 වැනිදා ඉදන් ලොව පුරා තිරගත වීමට ආරම්භ වන Arrival චිත්‍රපටය කියන්නේ.
අධ්‍යක්ෂණය නම් Denis Villeneuve විසින් තමයි සිදු කරලා තියෙන්නේ. ප්‍රාධාන චරිත දෙකට රංගනයෙන් දායක වෙන්නෙත් සුපිරි දෙපලක්. Man Of Steel ලුවිස් ලේන් චරිතයට රංගනයෙන් දායක වුණු Amy Adamsද, මාවල් චිත්‍රපටි ක්ෂේත්‍රයෙ වැඩි වශයෙන් රංගනයෙන් දායක වූ Jeremy Renner මේ දෙදෙනා තමයි ප්‍රධාන චරිත හැටියට සැලකෙන්නේ. Drama, Mystery, Sci-Fi යන කැටගරි වලට ඇතුළත් මෙම චිත්‍රපටයෙ ධාවන කාලය පැයකුත් විනාඩි පනස් හයකුත් ලෙස සටහන් වෙනවා. IMDb දර්ශකය තුළ 8.5/10 ද Rotten Tomatoes දර්ශකය තුළ 8.7/10 ලෙසද සටහන් වෙලා තියෙනවා. එහෙනම් ඉතින් චිත්‍රපටය බයිස්කෝප් සිංහලෙන් අඩවිය තුලින් සිංහල උපසිරැසි සමගම ඉදිරියේදී ලබා දෙයි. එතකන් ට්‍රේලර් එක බලලා රස විදින්න කියලා ආරාධනා කරනවා.
