Super Man – මිනිසෙක් නොවන සුපිරි මිනිසා

• සම්පුර්ණ නම                 : කාල් එල්

• වෙනත් නම්                    : ක්ලාක් කෙන්ට් , සුපර් මෑන්

• උපන් වර්ෂය                  : නොදනී

• උපන් ස්ථානය               : ක්‍රිප්ටන් ග්‍රහ ලොව

• උස                                : අඩි 6 අඟල් 3

• බර                                 : කිලෝ 102

මම ඔයාලට කලින් දුන්න වුල්වරින් ලිපියට හොඳ ප්‍රතිචාර තියනවා. ඒක හින්ද මම හිතුවා ඉඳල හිටලා මේ විදියට ඔයාල හොඳටම දන්නා සුපිරි වීරයෙක් ගැන විස්තර අරගෙන එන ලිපි ලබාදෙන්න. ඔන්න ඉතින් මේ පාර DC කොමික් වල ඉන්න ජනප්‍රියම චරිතය සුපර් මෑන් ගැන තමා මම විස්තර කියන්නේ ඔයාලට. මේ ලිපිය දෙන්න තව හේතුවක් තියනවා. ඉදිරියට ඔයාලට සුපර් මෑන් චරිතය ඇතුලත් චිත්‍රපට මාලාවක් බයිස්කෝප් අඩවියේ දක්නට ලැබෙනවා. මේ ඒ චිත්‍රපට සඳහා ඔයාල සුදානම් කිරීම තමා කරන්නේ. ඒත් ඒ චිත්‍රපට අලුත් ඒවා නෙවේ කියන එකත් මතක් කරන්න ඕන. නැත්නම් ඔයාල බලාවි මේ ෆිල්ම් මොනවද කියල. ඒත් කියන්න තියෙන්නේ අලුත් චිත්‍රපට මට්ටමටම තාක්ෂනය භාවිතයෙන් නිර්මාණය කරන ලද සුපිරි චිත්‍රපට මාලාවක් කියල විතරයි.

අපි ඉස්සෙල්ල බලමු කවුද මේ සුපර් මෑන් කියන්නේ කියල. මන්දාකිනියේ ඈත එපිට ඉතාමත් තාක්ෂනය අතින් දියුණු වූ ලෝකයක් තියනවා ක්‍රිප්ටන් කියල. එහි ජිවත් වෙන ජෝර් එල් සහ එයාගේ බිරිඳ ලාරා ගේ එකම දරුවා තමා මේ කාල් එල්. ඉතින්  විද්‍යාඥයෙක් වෙච්ච ජෝර් එල් දැනගන්නවා එයාලගේ ලෝකය විනාශ වෙන්න යනවා කියල. ඉතින් එයා කරන්නේ අභ්‍යවකාශ යානයක දාල ඒ දරුවා පෘතුවියට පිටත් කරන එක. පෘතුවියට ආව එයා පතිත වෙන්නේ ඇමරිකාවේ ස්මොවිල් ප්‍රදේශයේ කෙන්සාස් හි ගොවිපලකට. එහි අයිතිකරුවන් තමා ජොනතන් කෙන්ට් සහ ඔහුගේ බිරිඳ මාතා කෙන්ට්. ඉතින් එයාල දෙන්න මේ දරුවා තමන්ගේ වගේ අරන් හදා ගන්නවා. ජොනතන් මේ දරුවට තමාගේ වාසගම ප්‍රදානය කරනවා. ඒක හින්ද කාල් එල් පෘතුවියේ ජිවත් වෙන්නේ ක්ලාක් කෙන්ට් නමින්.  එයාට ඒ වගේම හැරී සහ සාරා කියන මාමා නැන්දගේ සෙනෙහසත් ලැබෙනවා.

පෘතුවිය තුල ජිවත් වීමේදී පෘථිවියේ ගුරුත්වය සහ වායුගෝලයේ සංයුතිය සහ ඉර එලිය හින්ද එයාගේ ශරීරයේ අනුක පද්දතිය ඉතාමත් ම දෑඩි වෙනවා. ඒක හින්ද අසීමිත ශක්තියක් මෙන්ම වේගයක් මෙයාට ලැබෙනවා. කොටින්ම පෘතුවියේ කිසිම ආයුධයකට මෙයාට හානි කරන්න බැ. ඉතින් මේ කෙන්ට් දරුවා ටික ටික ලොකු වෙනකොට මේ ශක්තින් අවබෝධ කර ගන්නවා. ඉතින් ක්‍රම ක්‍රමයෙන් එයා ඒවා ලෝකයේ මිනිස්සුන්ගේ ප්‍රයෝජනයට යොදා ගන්නවා. ඒත් රහසේ කරන්නේ මේවා. එයා සියලු දේ කියන්නේ එයාගේ පාසල් පෙම්වතිය වන ලානා ලන්ග් ට. පසුව එයාගේ ප්‍රධාන සතුරාගේ උදව් කාරිය වෙන්නත් හේතුව වෙන්න එයාට උදව් වෙන්නේ මේ රහස දැන ගැනීම තමා. ඉතින් හදිසියේම ගුවන් තොටුපලකට ගොඩ බාන්න යන නාසා අභ්‍යවකාශ යානයකට වෙන්න යන අනතුරක් වැලැක්වීම හින්ද එයා ලෝකයට නිරාවරණය වෙනවා.

ඉතින් එතැන් පටන් ලෝකය බේරගන්න වැඩ කටයුතුවල නිරතවෙලා ඉන්න කෙන්ට් මෙට්‍රොපොලිස් නගරයේ ඩේලි ප්ලැනට් පුවත්පතේ වාර්තාකරුවෙක් ලෙස රැකියාව ලබා ගන්නවා.  පසුව ඔහුගේම සහය වාර්තාකාරියක් වෙන ලුවිස් ලේන් සමග විවාහ වෙන කෙන්ට් සුපිරි වීරයන්ගේ එකමුතුවක් වෙන ජස්ටිස් ලිග් කණ්ඩායටම එකතුවෙලා දුස්ටයන් ගෙන් ලෝකය බේර ගන්න කාර්යය දිගටම කරමින් ඉන්නවා.  එයාට අසාමාන්‍ය කාය ශක්තිය, ඕනෑම දෙයක් විනිවිද දැකීමේ හැකියාව, හුස්ම හිරකරගෙන සිටීමේ හැකියාව මෙන්ම ගුවනින් යාමේ හැකියාව මේ සඳහා එයා ප්‍රයෝජනයට ගන්නවා. පසුව සුපර්ගර්ල්, ග්‍රීන් ලැන්ටන් වැනි වීරයන් සමහ ලොව වෙනුවෙන් සටන් වදින සුපර්මැන් ලෙස ප්‍රසිද්ද වෙන ක්ලාක් කෙන්ට්, ලෙක්ස් ලුතර් සහ සයිබෝග් වැනි සුපිරි බලයක් තියන  දුෂ්ටයන් පරාජය කරනවා. සුපර්මැන් ගේ ශක්තිය නැති කරන මුල ද්‍රව්‍යක් තමා කොළ පැහැති වර්ණයක් තියන ක්‍රිප්ටොනයිට්. ඒවා ඔහුට විරුද්දව නිතරම භාවිතා කරන්නේ ඒවා නැතිව කිසිම ආයුධයකට සුපර්මෑන්ට හානියක් කරන්න නොහැකි හේතුවෙන්. ඉතින් පසු කලෙක ජස්ටිස් ලීග් කණ්ඩායමේ නායකයා ලෙස කටයුතු කරන අවස්ථාවේ ඩුම්ස්ඩේ කියන සතුරා සමග කරන ලද සටනෙන් දැඩි ලෙස තුවාල වන සුපර් මෑන් මිය යනවා.

ඔන්න ඔහොම තමා මේ DC කොමික් සුපිරි වීරයාගේ ජිවිතේ කෙටියෙන් ඔයාලට පැහැදිලි කරන්න පුළුවන්. 1938 ජුනි මාසයේ දි පළමු වතාවට Action Comics #1 කියන පොතෙන් අප හමුවට එන සුපර්මෑන් චරිතය Jerry Siegel කියන කතා රචකයාගේ සහ Joe Shuster චිත්‍ර ශිල්පියාගේ නිර්මාණයක්. ඇත්තටම මේ කතාව 1933 දි ඉදිරිපත් කර අවස්ථාවේ ප්‍රකාශකයන් ප්‍රතික්ෂේප කරන ලද කතාවක්. ඉතින් පසුව DC කොමික් තුල ජනප්‍රියම චරිතය වෙන්න සුපර්මෑන් චරිතයට පුළුවන් වෙනවා. Action Comics,  Justice League වැනි කතා තේමාවන් රැගත් DC කොමික් පොත් විශාල ප්‍රමානයක් සුපර්මෑන් චරිතය ඇතුලත්ව නිර්මාණය වෙලා තියනවා. 1992 දි The Death of Superman කියන කොමික් පොත අවසාන වශයෙන් ඩුම්ස්ඩේ සමග සටන ඇතුලත් ව ප්‍රකාශයට පත්වෙලා තියනවා.

DC කොමික් පොත් වලින් මෙන්ම විවිධ නම් වලින් සුපර්මෑන් චරිතය රැගත් චිත්‍රපට ප්‍රේක්ෂකයා හමුවට පැමිනිලා තියනවා. දැනට සජීව චිත්‍රපට 10ක් මේ වනවිට නිර්මාණය වෙලා තියන අතර ඇනිමේෂන් චිත්‍රපට බොහෝ ගණනකුත් රුපවාහිනී කතා මාලා බොහෝ ගණනක් ද සුපර් මෑන් චරිතය ඇසුරෙන් නිර්මාණය වෙලා තියනවා. දැනට නළුවන් පස් දෙනෙක් මේ සුපර්මෑන් චරිතය නිරුපනය කරලා තියනවා.

දැනට තිරගත වූ සුපර් මෑන් සජීව චිත්‍රපට සහ ඒවායේ රඟපාන ලද නළුවන් ගැන විස්තර පහත තියෙනවා.

1. Superman (1958) , Atom Man vs. Superman (1950) – ක්‍රීක් ඇල්යන්

2. Superman and the Mole Men (1951) – ජෝර්ජ් රිවස්

3. Superman I (1978),Superman II (1981),Superman III (1983), Superman IV-The Quest for Peace(1983 ) – කිස්ටෝපර් රිව්ස්

4. Superman Returns (2006) – බ්‍රේන්ඩන් රුත්

5. Man of Steel (2013), Batman v Superman: Dawn of Justice (2016) ,Justice League (2017) – හෙන්රි කැවෙල්

ළඟදීම ඔයාලට Christopher Reeve රඟපාන ලද චිත්‍රපට හතරක් ඇතුලත් චිත්‍රපට මාලාවක් බයිස්කෝප් අඩවියේ සිංහල උපසිරසි සමහ නරබන්න ලැබෙනවා කියල දැනුවත් කරන ගමන් මම සමු ගන්නවා.

බුදුසරණයි.

G.A.P. Ranathunga (52 Posts)

G.A.P. Ranathunga