ටීන් වුල්ෆ් අවසන් අදියර (පූර්ව ප්‍රචාරක පටය සමඟ)

ටීන් වුල්ෆ් කියන්නෙ අපි ආසාවෙන් නරඹපු සුපිරිම කතා මාලාවක් කිව්වොත් නිවැරදියි. ඉතින් 2016 නොවැම්බර් 15 වෙනිදා ඉඳන් මේකෙ හයවැනි කතා සමය වගේම අවසානම කතා සමය පටන්ගන්නවා කියලා නිල වශයෙන් දැනුම් දීලා තියෙනවා. පස්වැනි කතා සමය වගේ හයවැනි කතා සමයත් කොටස් 20කින් සමන්විත වෙනවා කියලයි කියන්නෙ. තුන්වැනි කතා සමයෙදි අපි දැක්කා මුළු කතා සමයම සම්පූර්ණ කොටස් දෙකකින් ඇවිත් තිබුණා. ඉතින් ඒවගේ මෙදා සැරෙත් හයවෙනි කතා සමය කොටස් 10 බැඟින් සම්පූර්ණ කොටස් දෙකකට වෙන් වෙලා එනවා කියලා තමයි ආරංචිය නම්.

MTV නිළ වෙබ් අඩවියේ සඳහන් වෙලා තියෙන විදිහට නම් මීළඟ කතා සමයේ සාරාංශය මෙහෙමයි;

“ස්කොට් සහ එයාලගෙ යාළුවො ටික දෙනා තමන්ගෙ පාසල් ජීවිතයේ අන්තිම කාළෙට ළඟාවෙනවා. නමුත් ඔවුන් ගෙවන ඒ ජීවිතයේ හොඳම දවස් ටික නරකම දවස් ටිකක් බවට පත් වෙන්නෙ ඔවුන් එකිනෙකා අතර තියෙන බැඳීම පළුදු වීම හේතුවෙන්. නමුත් අවසානයේදී, තමා ආදරන කරන සමීපතයන් අන්ධකාරයෙන් ගලවා ගැනීමට ස්කොට් සහ ලිඩියා ජීවිතයත් මරණයත් අතර සටනක නිරත වනවා.”

 හයවෙනි කතා සමය සම්බන්ධ වෙන්නෙ භූත ධාවකයින් (Ghost Riders) කියන අධිස්වාභාවික කොට්ඨාශයක් වටා. ඔවුන් බීකන් හිල්ස්වල ජීවත් වෙන හැමකෙනෙක්ගෙම මතකය අතුගාලා දාන්නට ක්‍රියා කරනවා (ට්‍රේලර් එක බලනකොට තේරෙයි). ඉතින් ඒකට එරෙහිව ස්කොට්ගෙ කණ්ඩායම නිරත වෙන සටන ගැන තමයි හයවෙනි කතා සමය ගැන කිව්වොත් සඳහන් වෙලා තියෙන්නෙ. තවත් වැදගත් දෙයක් කියන්න ඕන, මෙදා සැරේ ස්කොට් ට තවත් අලුත් පෙම්වතියක් මුණ ගැහෙනවා. හැබැයි ඉතින් ඇලිසන් (Crystal Reed) නම් ආපහු එන එකක් නෑ කියලා තමයි හැම තැනකම තියෙන්නෙ 🙁 🙁

හොඳයි ඉතින් හැමෝම පූර්ව ප්‍රචාරක පටයත් බලලා අවසන් කතා සමයට සූදානම් වෙමු…

යස්මික සෞභාග්‍ය