ඉදිරි දිගහැරුම XCIX | Mechanic: Resurrection (2016) | පූර්ව ප්‍රචාරක පටය සිංහල උපසිරසි සමඟින්
පළමුවරට The Mechanic ලෙසින් 1972 දී සිනමාවට පැමිණෙන මෙය පසුව 2011 දී The Mechanic නමින් ප්‍රතිනිර්මාණය වනවා. මෙහි ප්‍රධාන චරිතය වන ආතර් බිෂොප් ලෙස මුල්වරට එක්වූ Charles Bronson වෙනුවට 2011 දී ආතර් බිෂොප් වන්නේ රසික සිත් දිනාගත් ක්‍රියාදාම නළු ජේසන් ස්ටැතම්..
ආතර් බිෂොප් යනු සාමාන්‍ය ජනතාවට අනුව වාහන කාර්මික ශිල්පියෙකි. නමුත් ඔහුගේ රැකියාව වනුයේ කුලී ඝාතන සිදුකිරීමයි. කිසිවෙකුට සැක නොසිතෙන ලෙස ඔහුට පැවරෙන ඕනෑම මරණයක් හදිසි අනතුරු ලෙස සිදුකිරීමට ඔහු දක්ෂයෙකි.
2011 සිනමාපටය ලබාගත් සාර්ථකත්වය මත The Mechanic සිනමාපට මාලාවේ නවතම නිර්මාණය ලෙස Mechanic: Resurrection තිරගතවීමට සූදානම්ව පවතිනවා. සුපුරුදු පරිදි ආතර් බිෂොප් ලෙස ජේසන් ස්ටැතම් එක්වනවා.
අධ්‍යක්ෂණය – Dennis Gansel
රචනය
Philip Shelby (තිර රචනය)
Tony Mosher (තිර රචනය)
Lewis John Carlino (පාදක කරගත් චරිත නිර්මාණය)
Rachel Long (කතාව)
Philip Shelby (කතාව)
Brian Pittman (කතාව)
චරිත
Jason Statham (ආතර් බිෂොප් ලෙස)
Jessica Alba (ගිනා ලෙස)
Tommy Lee Jones (මැක්ස් ඇඩම්ස් ලෙස)
බිෂොප් හට පැවරුණු ඝාතන ගිවිසුමක් ඔහු බිඳ දමා ඒ ඝාතන නොකිරීම නිසා උරණ වූ පිරිසක් ඔහුගේ ආදරවන්තිය පැහැරගෙන බිෂොප් ලවා ඉතාම අපහසු ඝාතන සිදුකිරීමේ තැතක් සමඟ බිෂොප් තම ආදරවන්තිය රැකගැනීමට දරන උත්සාහය වටා මෙවර කතාව ගෙතී ඇත.
තිරගතවන දිනය – 2016 අගෝස්තු 26
(පූර්ව ප්‍රචාරක පටය සඳහා උපසිරසි ගැන්වුම – සමන් ප්‍රසාද් (පූසා))
මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.
