Kabali – කබාලි | සුපිරි තරුව ගේ ආගමනය

බයිස්කෝප් මංසලට ලිපියක් ලියන්න හිතුණා.  අද මම ඇරන් ආව කබාලි ටීසර් එක දැනට දමිළ සිනමාවෙහි වැඩිම පිරිසක් නැරඹූ ටීසර් එක බවට පත්වෙමින් වාර්තා රැසක් බිහිකර තිබෙනවා. මෙම ටීසර් එක යූ-ටියුබ්හි නැරඹූ පිරිස ලක්ෂ දහයේ සීමාව පසු කරන්න ගියේ පැයක් වැනි සුළු කාලයක්. පැය විසි දෙකක් ඇතුළත නැරඹූ පිරිස ලක්ෂ පණහක් ඉක්මවූවා. පැය හැත්තෑ පහකදී කෝටිය ඉක්මවූවා. ඒ වගේම ඉතා කෙටි කාලයකින් ලයික් 50000ක් ලබා ගත් විත්‍රපටයද මෙය බවට පත් වෙනවා. ඒ විනාඩි විස්සක් වැනි කෙටි කාලයක්.

කබාලි යනු සුපිරි තරු රජිණි කාන්ත් ගේ 159 වැනි චිත්‍රපටයයි. මෙම චිත්‍රපටයේ රජිණි නිරූපණය කරන්නේ චෙන්නායි නගරයේ ජීවත් වුණ සැබෑම පාතාල නායකයෙකුගේ චරිතයක්. මෙම චිත්‍රපටයට කබාලි යන නම දැමීමට කලින් කාලි, කන්නාභිරන් වැනි නම් යෝජනා වුණ නමුත් අවසානයේ කබාලි යන නම තීරණය කළා. මෙහි තෙළිඟු පිටපතෙහි නම මහාදේවා. කබාලි, මහාදේවා වැනි නම් වලින් ආමන්ත්‍රණය කරන්නේ ශිව දෙවියන් බවයි පැවසෙන්නේ. මෙම චිත්‍රපටය 2016 අප්‍රේල් වල තිරගත කිරීමට තීරණය කර තිබුණ මුත්, පසුව එය ජූලි මාසය දක්වා කල් ගියා.

ඉතින් මෙම විත්‍රපටය පිළිබඳව ලොකු කුඩා සියලු දෙනා තුළම විශාල උනන්දුවක් තිබෙනවා. උපසිරැසිය රැගෙන එනතුරු..බලාපොරොත්තුවෙන් ඉන්න කියා ආරාධනා කරනවා. ස්තුතියි !

(වීඩියෝව නැරඹීම සඳහා ලිපියේ ඉහල පින්තූරය ක්ලික් කරන්න)

ඉන්ද්‍රජිත් උදය කුමාර