‘Supergirl’ Season 2 Officially Moves To CW – සුපිරි කෙල්ල සුපුරුදු නාලිකාවෙන් තවත් සුපුරුදු නාලිකාවකට යවයි.
බොහෝ රසිකයන් සිදු වේ යැයි බලාපොරොත්තු වූ අයුරින්ම CBS නාලිකාව විසින් සුපර්ගර්ල් කතා මාලාව දෙවෙනි අදියරේ පටන් විකාශය සඳහා තම සහෝදර නාලිකාවක් වන The CW නාලිකාවට ලබා දී තිබෙනවා.
පෙනෙන ලෙසින් CBS නාලිකාව ප්‍රේක්ෂක ප්‍රතිචාර සඳහා ඉඩ ලබා දී ඇති බව පෙනේ. විශේෂයෙන්ම ඔවුන් බලාපොරොත්තු වූ රසික පිරිසක් සුපර්ගර්ල් කතා මාලාව සදහා නොසිටි බැවින්, දෙවෙනි අදියර විකාශය කර අවධානමක් නොගෙන එය ඇරෝ, ෆ්ලෑෂ් සහ ලෙජන්ඩ් ඔෆ් ටුමෝරෝ ගෙන එමින් ස්ථාවරව සිටින The CW නාලිකාවට ලබාදෙන්නට තීරණය කර තිබෙනවා. එමෙන්ම ෆ්ලෑෂ් සමඟ ගෙන ආ ක්‍රොස්ඕවර් එක සාර්ථක වීම නිසා මේ තීරණය පහසුවක් වී ඇත.
නිෂ්පාදක Greg Berlanti සහ Ali Adler ට අනුව දෙවෙනි අදියර අතීතය පිලිබඳව මෙන්ම ඔවුන්ගේ හැඟීම්බර තීරණ මත අනාගතය ගොඩනගාගන්නා අයුරු දක්වනු ඇත. තවද ඔවුන් පවසන්නේ,
“අපිට සැබවින්ම ඕනි කරන්නේ මේ කතාමාලාව තුල තවත් බොහෝ දේ කරන්නයි”
විධායක නිෂ්පාදක Andrew Kreisberg විසින් IGN වෙබ් අඩවිය හට ලබාදුන් සම්මුක සාකච්චාවක පවසා තිබෙන්නේ පළමු අදියරේ දී හඳුන්වා දුන් කැඩ්මස් ව්‍යාපෘතිය දෙවෙනි අදියරේ හොඳින් හඳුන්වා දෙනු ඇති බවයි.
එසේනම් තව මස කිහිපයකින් ඇරෝ, ෆ්ලෑෂ්, ලෙජෙන්ඩ් ඔෆ් ටුමෝරෝ සමඟ එක්ව සුපිරි කෙල්ල ලෝකය බේරාගන්න අයුරු The CW නාලිකාවේ ඇරෝවර්ස් එක තුල දකින්නට සූදානම් වන්න.
මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.
මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.
අයියේ ඉන්න තැනක් කියන්න ඇවිල්ලා ඔයාව බදාගෙන උම්මා දෙන්න හිතනෙවා කරලා තියෙන දෙයට.