සිනමාත්මක පෙරසලකුනු ඔස්සේ ගේම් ඔෆ් ත්‍රෝන්හි නැවත කියවීම – 01

Game of Throne පළමු පරිච්ඡේදය සම්බන්ධ පළමු කියවීම

වෘක මව මිය යන්නේ ගෝනෙකුගේ අං පහරින්. මේ සතුන් යොදා ගන්නේ සිනමා රූපකයක් ලෙස. ගෝනා අයත් බ්‍රැතියන්වරුන්ටයි. වෘකයා අයත් ස්ටාර්ක් වරුන්ටයි. බ්‍රැතියන්වරුන් අතින්, ස්ටාර්ක්වරු විශාල විනාශයකට මඟ අසා ගන්නා බවද, එයින් ස්ටාර්ක් දරුවන් තනිවන බවද ,ආරම්භයේදීම සංකේත ඇසුරෙන් පෙන්වනවා. බ්‍රැතියන්වරුන්ද එයින් ආරක්ෂා නොවෙන බව එයින් ඉතා පැහැදිළිව පෙන්වා දෙනවා. ඔබ දකින්න ඇති වෘක හිස මත ඇණුනු ගෝන අඟ. එය නිරූපණය කරන්නේ ස්ටාර්ක් මහ තැන ඝාතනයේ වගකීම දරන්නට බ්‍රැතියන් වරුන්ට සිදුවෙන බවයි. එය සිදුවන්නේ ලැනිස්ටර් වරුන්ගේ වුවමනාව පෙරදැරිව වුවත්. ජෙෆ්රි දරන්නේ බ්‍රැතියන් නාමයයි. තනිවූ වෘක පැටව් අතරින් නයිමේරියාට පලායාමට සිද්ධ වෙනවා. එය ආර්යාගේ අනාගතය සම්බන්ධ පෙර දැනුම්දීමක්. ඒවාගෙම ලේඩීට නෙඩ් අතින් මිය යන්න සිද්ධ වෙනවා. ඒ සන්සාට සිදුවීමට නියමිත විනාශය ගැන පෙර දැනුම්දීමක්. ග්‍රේ වින්ඩ් සිය ස්වාමියා සමඟම, පෙර දැනුම් දීම් නැතිවම මිය යනවා. මේ සංකේත භාවිතය ඉතා තියුණු සිනමාත්මක බවක් මේ කතා මාලාවට එකතු කරනවා. රජමාළිගයට එන අතර තුර ටයිවින් ලැන්ස්ටර්, ජේමි ලැසින්ටර් සමඟ කතා කරන දර්ශනය, ඔහු ඒ අතර ගෝනෙකු හම ගහනවා. ගෝනා අයත් බ්‍රැතියන්ටයි. ඔහු ඉවත් කරන්නෙ හම පමණයි. මස ඔහුට වැඩක් නෑ. හම කියන්නෙ හැඳිනීම. හැඳිනීම යනු නාමය. අනාගතයේ බ්‍රැතියන් හම පොරවාගෙන වැඩ කරන්නෙ මේ ලැනිස්ටර්වරු බව සංකේතාත්මකව පෙන්වනවා. මකරුන් තිදෙනාගෙන් කලු මකරා පලා යනවා. ඔහු එක්වරම යළි මතු වෙනවා. එහි අර්ථයකුමත් විය හැකිද? බොහෝ විට අපි නොහිතන ටාගේරියන් කෙනෙක්ගේ ආගමනයක් කොයි මොහොතක හෝ විය හැකියි.

කෙසේ වෙතත්, සත්ව රූප හරහා බොහෝ පසු සිදුවිය හැකි අවස්ථා පෙර දැනුම් දීමට සිනමාකරු උත්සාහ කරනවා.. මේ වගේ තව බොහොම අවස්ථා මේ නිර්මාණයේ තියෙනවා. රාජ්‍ය දේශපාලනයේ වර්තමාන ස්වරූපයද, අනාගතයේ විය හැකි උපනතීන් ද, අතීතයේ වික්ෂිප්ත එහෙත් නොවෙනස් කළ නොහැකි තැන්ද, අධි සුක්ෂ්මව නිර්මාණය කරන ලද මධ්‍යකාලීන රාජ්‍ය රූපකයක් ඇසුරෙන් පෙන්වාදීමට මෙම කතා මාලාව සමත් වීම අපි මෙයට මෙතරම් ඇලුම් කිරීමට හේතු වෙනවා ඇති.

#GameofThrone #Got

නෙරංජි සුලක්ඛනා

මෙතන පහළින් තියන සබැඳුම් වලිනුත් ඔබට මාව හමුවෙන්න පුළුවන්.

neranji-sulakkana.blogspot.com/