Villain (දුෂ්ටයා) 15 | Dave Jones

ඔන්න හැමෝටම  ආදරවන්තයින්ගේ දිනයට මගෙන් පොඩි  තෑග්ගක්. මේකත් ආදරය නිසා වෙච්ච කතාවක්. ආදරය නිසා හදවත නැතුව ජීවත්වෙන කෙනෙක්ගේ කතාවක්….

“Do you fear death?”

“උඹ මැරෙන්න බයද?”

ආදරය ගැන කියනවා කියලා මැරෙන කතා කියන්නේ මොකද කියලා ඔයාලා බලනවා ඇති.. කරන්න දෙයක් නෑ…  මේක තමයි අද අපේ කතානායකයගේ කැමතිම දෙබස. ආදරය කණපිට පෙරලිච්ච හාදයෙක් ගැන තමයි අද මන් කියන්න යන්නේ. වැඩි බයිලා ඕන නෑ. මොකද ලිපිය ටිකක් දිගයි.

(මගේ කලින් ලිපිය කියවපු & අදහස් දක්වපු සියලුදෙනාට ස්තුතියි.)

---

ආරම්භය

Davy Jones
Bill Nighy as Davy Jones in Pirates of the Caribbean: Dead Man’s Chest
Gender	Male
Profession	Captain, Flying Dutchman Flagship captain of Beckett‘s E.I.T.C. Armada Guide for souls lost at sea (abandoned)
Brethren status	Involved in the 1st Court
Ship(s) served on	Flying Dutchman
Weaponry	Left hand claw Single-handed broadsword, DMC[1] Norrington’s Smallsword, AWE.[2]
Ships attacked	Edinburgh Trader Black Pearl Empress Endeavor Various unnamed ships
Appearance(s)	Dead Man’s Chest At World’s End
Portrayed by	Bill Nighy

---

කල්පිත චරිතයක් වන Davy Jonesව නිර්මාණය කරන්නේ Ted Elliott හා Terry Rossio කියන පුද්ගලයෝ දෙන්නා. ඒ Pirates of the Caribbean කියන සිනමාපට පෙළ සඳහා. සිනමාපටයේ බෙදාහැරිම් අයිතිය Buena Vista Pictures Distribution සමාගම සතුවන අතර නිෂ්පාදන අයිතිය Walt Disney Pictures, Jerry Bruckheimer Films සතුවේ. ඒ වගේම නිෂ්පාදන දායකත්වය Jerry Bruckheimer කියන පුදගලයා සපයන අතර අධ්‍යක්ෂණය  Gore Verbinski කියන පුද්ගලයා සිදු කර ඇත.

ප්‍රථම පෙනීසිටීම සිදු වන්නේ  Dead Man’s Chest කියන සිනමාපටයෙනි. නැවතවරක් At World’s End කියන තෙවන සිනමාපටයේ අවසන් වරට පෙනී සිටින මෙම කල්පිත චරිතය සඳහා රංගන දායකත්වය ලබා දෙන්නේ  Bill Nighy කියන පුද්ගලයා. බූවල්ලෙකුගේ හිසක්, කක්කුට්ටේකුගේ අතක් හා පාදයකින් මිශ්‍ර වෙලා හැදුනු මෙම චරිතය සිනමාවේ ජීවමාන කරපු Industrial Light and Magic කියන සමාගම 2006දී Academy Award for Visual Effects සම්මානය ලබා ගත්තා. මෙම චරිතය සිනමා ලොවේ හොදම පරිගණක සජීවී කරන චරිත අතර දෙවෙනියට රැදී සිටිනවා. (ප්‍රථම ස්ථානය KING-KONG) මෙම චරිතයේ බොහොමයක් අවස්ථා රූගත කරලා තියෙන්නේ පරිගණක දෘශ්‍ය ප්‍රයෝග ආධාරයෙන්. ඇස් අවට හා මුඛයේ අවට make-up කර එදෙසට පරිගණක දෘශ්‍ය ප්‍රයෝග භාවිතා කොට නැත්තේ අවසන් ප්‍රතිඵලයේදී දෑස්වල සජීවී බව වැඩි කිරීමට හා Davy Jones කතා කිරීමේදී Scottish භාෂා වින්‍යාසය සජීවී ලෙසම චරිතයෙන් උකහා පෙන්වීමටය.

මෙම චරිතය පදනම්වෙලා තියෙන්නේ 18 හා 19 වෙනි ශතවර්ෂවල නාවිකයන් අතර ප්‍රචලිතව තිබු මිත්‍යා විශ්වාසයක් හා කටකතාවක් ඇසුරෙන්.

---

චරිතාපදානය

ස්කොට්ලන්තේ ඉපදුන Davy Jonesගේ ආදරවන්තිය තමයි Calypso. Calypso කියන්නේ සයුරට අරක්ගත්ත දේවදුතියක්. Calypso මෙයාට භාරදෙනවා කාර්‍යයක්. ඒක තමයි නැව්වල යන මගීන් විවිධ කරදර නිසා සයුරේ මිය ගිය පසු මියයන මිනිසුන්ගේ ආත්මයන් බලාගන්න කියලා. මේ රාජකාරිය කරන්න මෙයාලට ලැබෙනවා Flying Dutchman  කියන නැව.

මේක අවුරුදු දහයක රාජකාරියක්. මෙම කාලය තුල මොවුන්ට ගොඩබිමට එන්නේ තහනම්. වසර 10 අවසානයේ එක දිනයක් පමණක් ගොඩබිමට එන්න පුළුවන්. (මෙවැනි කාර්‍යයක් භාරදීමේ චේතනාවක් සඳහන් වෙන්නේ නෑ.) ඒ වගේම Calypso පොරොන්දු වෙනවා Davy Jonesට අවුරුදු දහයකට පස්සේ නැවතවරක් ඔහුව හමුවෙන බවට. වසර දහයක් ගෙවුන තැන Davy Jones ගොඩබිමට පැමිණියත් Calypso ඔහුව හමුවෙන්න නියමිත තැනට එන්නේ නෑ.මෙම කාරණය නිසා උරණ වෙන Davy Jones  හිතන්නේ  Calypso  තමන්ට වංචා කළා කියලා. ආදරයේ වේදනාවෙන් නැවතත් සයුරටම යන Davy Jones කරන්නේ මුහුදු කොල්ලකාර සංවිධානයට බැදිලා Calypsoව මනුෂ්‍ය ස්වරූපයට සිරකරනහැටි කියලා දෙනවා. (මෙම සංවිධානය හිතන්නේ සයුරට අරක්ගත්ත දෙවදූතිය විනාස කලෝතින් තමන්ට කැමතිලෙස සයුර පාලනය කල හැකි කියලා.) නමුත් සත්‍ය ලෙස ආදරය කල Davy Jones පසුතැවෙනවා තමන් කරපු වැඩේ ගැන. මේක නිසා Davy Jones  මෙතෙක් කල් ඇයට ආදරය කල හදවත ගලවලා පෙට්ටියක දාලා, ඒ සමගම Calypsoගෙන් ඔහුට ලැබුණු ආදර හසුනුත් එම පෙට්ටියේම අගුළු දාලා දුපතක නිදන් කරනවා. නමුත් ඔවුන්ගේ ආදරයේ සංඛේතයක් වුන සංගීතයක් වාදනයවෙන කුඩා භාණ්ඩය තමන් ලග තියා ගන්නවා. ඒ වගේම තමන්ට පවරපු රාජකාරියත් මඟහරින Davy Jones කරන්නේ සයුරේ තැනින් තැනට යාත්‍රා කරන එක. මෙම රාජකාරිය මඟහැරිම නිසා දෙවියෝ මෙයාට දඩුවම් කරනවා. ඒ Davy Jones ඇතුළු ඔහුගේ පිරිසව ඔවුන්ගේ සත්‍ය සවරූපය නැතිවෙලා සයුරේ තිරසන් සතුන් වගේ විරූපී කරනවා. එ වගේම හදවත නැතුව ජීවත්වෙන මෙයාට අමරණීයත්වය වගේම සයුරේ ඉන්න විශාල බුවල්ලෙකුත් පාලනය කිරීමේ හැකියාව ලැබෙනවා.

---

Dead Man’s Chest

(ඉහත සිද්ධියෙන් වසර 13කට පස්සේ.) ජෝන් කතාවට එන්නේ අපි හැමෝම දන්නා ජැක් ස්පැරෝ අයියා අපේ කතා නායකයාගේ හදවත පස්සේ පන්නන වෙලාවේදී. තමන්ගේ හදවත බේරගන්න අපේ කතා නායකයා ජැක් ස්පැරෝ එක්ක ගේමට එන්ටර් වෙනවා. මෙතැනදී ජැක් ස්පැරෝ කොහොම හරි පෙට්ටියෙන් හදවත එලියට ගන්නවා. නමුත් James Norrington. කියන කපටියා විසින් ජැක්ගෙනුත් හදවත හොරෙන් අරන් යනවා.

පෙට්ටියෙන් හදවත් ගත්තේ ජැක් බව සැකකරන Davy Jones කරන්නේ ජැක් ස්පැරෝ ගමන් කරන (black pearl) නැවට බූවල්ලා ලවා පහර දෙනවා. මෙතැනදී ජැක් මිය යනවා.

At World’s End

James Norringtonගෙන් හදවත ගන්න Cutler Beckett කරන්නේ හදවත මුවාවෙන් අපේ කතා නායකයාව පාලනය කරන එක. Cutler Beckettට ඕනා සයුරේ ඉන්න සියලුම මංකොල්ලකාරයො නැති කරලා සයුරේ අයිතිය තමන්ට ගන්න. මේකට මෙයා අපේ කතා නායකයගේ හැකියාවල් පාවිච්චි කරනවා. නමුත් නොසිතු ලෙස මිය ගිය අපේ ජැක් අයියා නැවතත් එනවා ගේමට. ඒ ඇවිත් Cutler Beckettට එරෙහිව සටන් කරනවා. මෙම සටන අතරේදී ජැක් කොහොම හරි අපේ කතානායකයාගේ හදවත අරගෙන විල් ටර්නර් කියන කොල්ල ලවා කැඩුණු කඩුවකින් අපේ කතා නායකයාගේ හදවත පසාරු කරනවා. එම ප්‍රහාරයෙන් Davy Jones අවසන් හුස්ම හෙලලා අවසානයේ සයුරටම වැටෙනවා.

---

බලතල සහ හැකියාවන්

දක්ෂ කඩු සටන් ශිල්පියෙක් වීම. එඩිතර නායකත්වය. එවගේම භෞතික වස්තුන් හරහා කිසිදු බලපෑමකින් තොරව එහෙ මෙහෙ ගමන් කල හැකි වීම. විවිධ ස්ථාන වෙත රාත්‍රී කාලයේදී පමනක් teleport කල හැකිවීම. ශරීරයට කොතෙක් හානිකලත් විනාස නොවීම.

මොහුට ඇති දුර්වලතාවය නම් ගොඩබිමට ඒමට නොහැකි වීම හා එයාගේ හදවතයි.

---

විද්‍යත්මාදය සම්ප්‍රාප්තිය

චිත්‍රපට

• Pirates of the Caribbean: The Curse of the Black Pearl(First mentioned)

• Pirates of the Caribbean: Dead Man’s Chest(First appearance)

• Pirates of the Caribbean: At World’s End

වීඩියෝ ක්රීඩා

• Pirates of the Caribbean: At World’s End(video game)

කොමික්

• Pirates of the Caribbean: Dead Man’s Chest(comic)

• Pirates of the Caribbean: At World’s End(comic)

(අන්තර්ජාලය ඇසුරිණි)

(කතාව අමතක අයට මතක් වෙන්න යටින් වීඩියෝ එකක් දාලා ඇති ගිහින් බලන්න.)

[youtube]https://youtu.be/UD65QpGusN8[/youtube]

---

මන් හිතනවා ඕගොල්ලෝ විනෝදයක් වගේම දැනුමක් ලබා ගන්න ඇති කියලා

මගේ කතාවල එකතු වෙන්න ඕන දේවල්, අයින් කරන්න ඕන දේවල් හා මගේ කතා ගැන තියෙන අදහස් උදහස් ගල් මුල් ඔක්කොම පහලින් ප්‍රකාශ කරන්න.

තවත් දවසක හමුවෙමු “දුෂ්‍ටයා” “villain” කතාවක් සමග.

එතෙක් ඕගොල්ලොන්ට ජය වේවා !!!

මම  Shereef Perera.